रामस् त्व् अनेन वाक्येन सुप्रीतः प्रत्युवाच तम् । व्रजापृच्छस्व सौमित्रे सर्वम् एव सुहृज्जनम् ॥
ये च राज्ञो ददौ दिव्ये महात्मा वरुणः स्वयम् । जनकस्य महायज्ञे धनुषी रौद्रदर्शने ॥
अभेद्यकवचे दिव्ये तूणी चाक्षयसायकौ । आदित्यविमलौ चोभौ खड्गौ हेमपरिष्कृतौ ॥
सत्कृत्य निहितं सर्वम् एतद् आचार्यसद्मनि । स त्वम् आयुधम् आदाय क्षिप्रम् आव्रज लक्ष्मण ॥
स सुहृज्जनम् आमन्त्र्य वनवासाय निश्चितः । इक्ष्वाकुगुरुम् आमन्त्र्य जग्राहायुधम् उत्तमम् ॥
तद् दिव्यं राजशार्दूलः सत्कृतं माल्यभूषितम् । रामाय दर्शयाम् आस सौमित्रिः सर्वम् आयुधम् ॥
तम् उवाचात्मवान् रामः प्रीत्या लक्ष्मणम् आगतम् । काले त्वम् आगतः सौम्य काङ्क्षिते मम लक्ष्मण ॥
अहं प्रदातुम् इच्छामि यद् इदं मामकं धनम् । ब्राह्मणेभ्यस् तपस्विभ्यस् त्वया सह परंतप ॥
वसन्तीह दृढं भक्त्या गुरुषु द्विजसत्तमाः । तेषाम् अपि च मे भूयः सर्वेषां चोपजीविनाम् ॥
वसिष्ठपुत्रं तु सुयज्ञम् आर्यं; त्वम् आनयाशु प्रवरं द्विजानाम् । अभिप्रयास्यामि वनं समस्तान्; अभ्यर्च्य शिष्टान् अपरान् द्विजातीन् ॥
rāmas tv anena vākyena suprītaḥ pratyuvāca tam | vrajāpṛcchasva saumitre sarvam eva suhṛjjanam ||
ye ca rājño dadau divye mahātmā varuṇaḥ svayam | janakasya mahāyajñe dhanuṣī raudradarśane ||
abhedyakavace divye tūṇī cākṣayasāyakau | ādityavimalau cobhau khaḍgau hemapariṣkṛtau ||
satkṛtya nihitaṃ sarvam etad ācāryasadmani | sa tvam āyudham ādāya kṣipram āvraja lakṣmaṇa ||
sa suhṛjjanam āmantrya vanavāsāya niścitaḥ | ikṣvākugurum āmantrya jagrāhāyudham uttamam ||
tad divyaṃ rājaśārdūlaḥ satkṛtaṃ mālyabhūṣitam | rāmāya darśayām āsa saumitriḥ sarvam āyudham ||
tam uvācātmavān rāmaḥ prītyā lakṣmaṇam āgatam | kāle tvam āgataḥ saumya kāṅkṣite mama lakṣmaṇa ||
ahaṃ pradātum icchāmi yad idaṃ māmakaṃ dhanam | brāhmaṇebhyas tapasvibhyas tvayā saha paraṃtapa ||
vasantīha dṛḍhaṃ bhaktyā guruṣu dvijasattamāḥ | teṣām api ca me bhūyaḥ sarveṣāṃ copajīvinām ||
vasiṣṭhaputraṃ tu suyajñam āryaṃ; tvam ānayāśu pravaraṃ dvijānām | abhiprayāsyāmi vanaṃ samastān; abhyarcya śiṣṭān aparān dvijātīn ||
Рама, очень довольный этими словами, ответил Лакшмане: «Ступай, о Саумитри, попрощайся со всеми близкими. А затем быстро вернись, взяв оружие: два божественных лука грозного вида, которые великий Варуна сам дал царю Джанаке на великом жертвоприношении; божественные непробиваемые панцири; два колчана с неисчерпаемыми стрелами; два меча, чистые как солнце и украшенные золотом. Всё это с почётом хранится в доме наставника». Лакшмана, решившийся на лесную жизнь, попрощался с близкими, обратился к наставнику рода Икшваку и взял лучшее оружие. Саумитри показал Раме всё это божественное оружие, почтённо хранимое и украшенное гирляндами. Самообладанный Рама с любовью сказал вернувшемуся Лакшмане: «О добрый Лакшмана, ты пришёл вовремя, когда я ждал тебя. О сокрушитель врагов, вместе с тобой я хочу раздать брахманам и подвижникам всё моё богатство. Здесь живут лучшие брахманы, твёрдо преданные старшим; им, а также всем, кто зависит от моего содержания, нужно дать ещё. Быстро приведи почтенного Суяджню, сына Васиштхи, лучшего из дваждырождённых: я отправлюсь в лес, почтив его и всех остальных достойных брахманов».
cd390d54ee15 · publicado 22 jun 2026, 0:00:00 UTC
Disponible enRUPasa de verso en verso con
Когда Лакшмана принят спутником, подготовка сразу становится практичной: оружие для защиты и дары для тех, кто остаётся. Рама уходит не бросая обязанности, а приводя дом, наставников и зависимых людей в порядок.