एवम् आधर्षितः शूरः शूर्पणख्या खरस् तदा । उवाच रक्षसां मध्ये खरः खरतरं वचः ॥
तवापमानप्रभवः क्रोधो ऽयम् अतुलो मम । न शक्यते धारयितुं लवणाम्भ इवोत्थितम् ॥
न रामं गणये वीर्यान् मानुषं क्षीणजीवितम् । आत्मा दुश्चरितैः प्राणान् हतो यो ऽद्य विमोक्ष्यति ॥
बाष्पः संह्रियताम् एष संभ्रमश् च विमुच्यताम् । अहं रामः सह भ्रात्रा नयामि यमसादनम् ॥
परश्वधहतस्याद्य मन्दप्राणस्य भूतले । रामस्य रुधिरं रक्तम् उष्णं पास्यसि राक्षसि ॥
सा प्रहृष्ट्वा वचः श्रुत्वा खरस्य वदनाच् च्युतम् । प्रशशंस पुनर् मौर्ख्याद् भ्रातरं रक्षसां वरम् ॥
तया परुषितः पूर्वं पुनर् एव प्रशंसितः । अब्रवीद् दूषणं नाम खरः सेनापतिं तदा ॥
evam ādharṣitaḥ śūraḥ śūrpaṇakhyā kharas tadā | uvāca rakṣasāṃ madhye kharaḥ kharataraṃ vacaḥ ||
tavāpamānaprabhavaḥ krodho 'yam atulo mama | na śakyate dhārayituṃ lavaṇāmbha ivotthitam ||
na rāmaṃ gaṇaye vīryān mānuṣaṃ kṣīṇajīvitam | ātmā duścaritaiḥ prāṇān hato yo 'dya vimokṣyati ||
bāṣpaḥ saṃhriyatām eṣa saṃbhramaś ca vimucyatām | ahaṃ rāmaḥ saha bhrātrā nayāmi yamasādanam ||
paraśvadhahatasyādya mandaprāṇasya bhūtale | rāmasya rudhiraṃ raktam uṣṇaṃ pāsyasi rākṣasi ||
sā prahṛṣṭvā vacaḥ śrutvā kharasya vadanāc cyutam | praśaśaṃsa punar maurkhyād bhrātaraṃ rakṣasāṃ varam ||
tayā paruṣitaḥ pūrvaṃ punar eva praśaṃsitaḥ | abravīd dūṣaṇaṃ nāma kharaḥ senāpatiṃ tadā ||
Так оскорблённый Шурпанакхой герой Кхара сказал среди ракшасов ещё более резкие слова: «Этот мой несравненный гнев, рождённый твоим унижением, невозможно удержать, как поднявшуюся солёную воду. Я не считаю Раму силой: это человек, чья жизнь уже иссякла; сегодня, погубленный собственными дурными поступками, он расстанется с жизнью. Сдержи слёзы и оставь смятение. Я отправлю Раму вместе с братом в обитель Ямы. Сегодня ты, ракшаси, выпьешь горячую красную кровь Рамы, когда он, слабый жизнью, будет лежать на земле, убитый топором». Услышав слова, вышедшие из уст Кхары, Шурпанакха обрадовалась и по глупости снова стала восхвалять своего брата, лучшего из ракшасов. Прежде оскорблённый ею, а теперь снова восхвалённый, Кхара обратился к своему военачальнику Душане.
b80a0b477af6 · publicado 22 jun 2026, 0:00:00 UTC
Disponible enRUPasa de verso en verso con
Гнев Кхары описан как стихия, которую он уже не пытается обуздать. Он заранее объявляет Раму человеком с иссякшей жизнью, не видя, что ослеплён собственным высокомерием. Похвала Шурпанакхи лишь закрепляет его падение: оскорбление и лесть одинаково ведут его к гибельному решению.