यश् चन्द्रं नभसो भूमौ पातयेन् नाशयेत वा । सागरं शोषयेद् वापि स सीतां मोचयेद् इह ॥
गतायुस् त्वं गतश्रीको गतसत्त्वो गतेन्द्रियः । लङ्का वैधव्यसंयुक्ता त्वत्कृतेन भविष्यति ॥
न ते पापम् इदं कर्म सुखोदर्कं भविष्यति । याहं नीता विना भावं पतिपार्श्वात् त्वया वनात् ॥
स हि दैवतसंयुक्तो मम भर्ता महाद्युतिः । निर्भयो वीर्यम् आश्रित्य शून्ये वसति दण्डके ॥
स ते दर्पं बलं वीर्यम् उत्सेकं च तथाविधम् । अपनेष्यति गात्रेभ्यः शरवर्षेण संयुगे ॥
यदा विनाशो भूतानां दृश्यते कालचोदितः । तदा कार्ये प्रमाद्यन्ति नराः कालवशं गताः ॥
मां प्रधृष्य स ते कालः प्राप्तो ऽयं रक्षसाधम । आत्मनो राक्षसानां च वधायान्तःपुरस्य च ॥
न शक्या यज्ञमध्यस्था वेदिः स्रुग्भाण्ड मण्डिता । द्विजातिमन्त्रसंपूता चण्डालेनावमर्दितुम् ॥
इदं शरीरं निःसंज्ञं बन्ध वा घातयस्व वा । नेदं शरीरं रक्ष्यं मे जीवितं वापि राक्षस । न हि शक्ष्याम्य् उपक्रोशं पृथिव्यां दातुम् आत्मनः ॥
एवम् उक्त्वा तु वैदेही क्रोद्धात् सुपरुषं वचः । रावणं मैथिली तत्र पुनर् नोवाच किं चन ॥
yaś candraṃ nabhaso bhūmau pātayen nāśayeta vā | sāgaraṃ śoṣayed vāpi sa sītāṃ mocayed iha ||
gatāyus tvaṃ gataśrīko gatasattvo gatendriyaḥ | laṅkā vaidhavyasaṃyuktā tvatkṛtena bhaviṣyati ||
na te pāpam idaṃ karma sukhodarkaṃ bhaviṣyati | yāhaṃ nītā vinā bhāvaṃ patipārśvāt tvayā vanāt ||
sa hi daivatasaṃyukto mama bhartā mahādyutiḥ | nirbhayo vīryam āśritya śūnye vasati daṇḍake ||
sa te darpaṃ balaṃ vīryam utsekaṃ ca tathāvidham | apaneṣyati gātrebhyaḥ śaravarṣeṇa saṃyuge ||
yadā vināśo bhūtānāṃ dṛśyate kālacoditaḥ | tadā kārye pramādyanti narāḥ kālavaśaṃ gatāḥ ||
māṃ pradhṛṣya sa te kālaḥ prāpto 'yaṃ rakṣasādhama | ātmano rākṣasānāṃ ca vadhāyāntaḥpurasya ca ||
na śakyā yajñamadhyasthā vediḥ srugbhāṇḍa maṇḍitā | dvijātimantrasaṃpūtā caṇḍālenāvamarditum ||
idaṃ śarīraṃ niḥsaṃjñaṃ bandha vā ghātayasva vā | nedaṃ śarīraṃ rakṣyaṃ me jīvitaṃ vāpi rākṣasa | na hi śakṣyāmy upakrośaṃ pṛthivyāṃ dātum ātmanaḥ ||
evam uktvā tu vaidehī kroddhāt suparuṣaṃ vacaḥ | rāvaṇaṃ maithilī tatra punar novāca kiṃ cana ||
«Тот, кто мог бы сбросить луну с неба на землю или уничтожить её, кто мог бы высушить океан, — только он мог бы освободить Ситу здесь. Ты уже с уходящей жизнью, с ушедшим блеском, силой и чувствами. Из-за твоего поступка Ланка наполнится вдовством. Это злое дело не принесёт тебе счастливого плода: ты увёл меня из леса от моего мужа без моего согласия. Мой великосияющий муж соединён с божественной силой; он бесстрашно живёт в пустынной Дандаке, опираясь на свою доблесть. В битве он дождём стрел снимет с твоего тела гордость, силу, доблесть и такое высокомерие. Когда гибель существ подталкивается временем, люди, попавшие во власть времени, ошибаются в своих делах. Оскорбив меня, худший из ракшасов, ты пришёл к тому времени, которое несёт гибель тебе самому, ракшасам и твоему внутреннему дворцу. Алтарь, стоящий посреди жертвы, украшенный ковшами и сосудами, очищенный мантрами дваждырождённых, не может быть попран чандалой. Это моё бесчувственное тело — свяжи его или убей. Не это тело и не жизнь я должна хранить, ракшас: я не смогу дать себе повод для упрёка на земле». Сказав Раване эти крайне суровые слова, рождённые гневом, Майтили больше ничего ему не сказала.
1420d0370cb2 · publicado 22 jun 2026, 0:00:00 UTC
Disponible enRUPasa de verso en verso con
Сита отделяет тело от достоинства. Равана может угрожать телу, но не может заставить её принять бесчестие; поэтому она сравнивает себя с жертвенным алтарём, который нельзя осквернить без уничтожения самого осквернителя.