सीताया वचनं श्रुत्वा परुषं रोमहर्षणम् । प्रत्युवाच ततः सीतां भयसंदर्शनं वचः ॥
शृणु मैथिलि मद्वाक्यं मासान् द्वादश भामिनि । कालेनानेन नाभ्येषि यदि मां चारुहासिनि । ततस् त्वां प्रातराशार्थं सूदाश् छेत्स्यन्ति लेशशः ॥
इत्य् उक्त्वा परुषं वाक्यं रावणः शत्रुरावणः । राक्षसीश् च ततः क्रुद्ध इदं वचनम् अब्रवीत् ॥
शीघ्रम् एवं हि राक्षस्यो विकृता घोरदर्शनाः । दर्पम् अस्या विनेष्यन्तु मांसशोणितभोजनाः ॥
वचनाद् एव तास् तस्य विकृता घोरदर्शनाः । कृतप्राञ्जलयो भूत्वा मैथिलीं पर्यवारयन् ॥
स ताः प्रोवाच राजा तु रावणो घोरदर्शनः । प्रचाल्य चरणोत्कर्षैर् दारयन्न् इव मेदिनीम् ॥
अशोकवनिकामध्ये मैथिली नीयताम् इति । तत्रेयं रक्ष्यतां गूढम् उष्माभिः परिवारिता ॥
तत्रैनां तर्जनैर् घोरैः पुनः सान्त्वैश् च मैथिलीम् । आनयध्वं वशं सर्वा वन्यां गजवधूम् इव ॥
sītāyā vacanaṃ śrutvā paruṣaṃ romaharṣaṇam | pratyuvāca tataḥ sītāṃ bhayasaṃdarśanaṃ vacaḥ ||
śṛṇu maithili madvākyaṃ māsān dvādaśa bhāmini | kālenānena nābhyeṣi yadi māṃ cāruhāsini | tatas tvāṃ prātarāśārthaṃ sūdāś chetsyanti leśaśaḥ ||
ity uktvā paruṣaṃ vākyaṃ rāvaṇaḥ śatrurāvaṇaḥ | rākṣasīś ca tataḥ kruddha idaṃ vacanam abravīt ||
śīghram evaṃ hi rākṣasyo vikṛtā ghoradarśanāḥ | darpam asyā vineṣyantu māṃsaśoṇitabhojanāḥ ||
vacanād eva tās tasya vikṛtā ghoradarśanāḥ | kṛtaprāñjalayo bhūtvā maithilīṃ paryavārayan ||
sa tāḥ provāca rājā tu rāvaṇo ghoradarśanaḥ | pracālya caraṇotkarṣair dārayann iva medinīm ||
aśokavanikāmadhye maithilī nīyatām iti | tatreyaṃ rakṣyatāṃ gūḍham uṣmābhiḥ parivāritā ||
tatraināṃ tarjanair ghoraiḥ punaḥ sāntvaiś ca maithilīm | ānayadhvaṃ vaśaṃ sarvā vanyāṃ gajavadhūm iva ||
Услышав суровые, заставляющие волосы встать дыбом слова Ситы, Равана ответил ей речью, показывающей страх: «Слушай моё слово, Майтили. Я даю тебе двенадцать месяцев, прекрасная. Если за это время ты не придёшь ко мне, прекрасноулыбчивая, тогда повара разрежут тебя на куски для завтрака». Сказав эти суровые слова, разгневанный Равана, ревущий на врагов, обратился к ракшаси: «Пусть эти уродливые, страшные видом ракшаси, питающиеся мясом и кровью, быстро собьют её гордость». По одному его слову эти уродливые, страшные видом ракшаси сложили ладони и окружили Майтили. Тогда страшный видом царь Равана, шагая так, словно разрывал землю, сказал им: «Отведите Майтили в середину ашоковой рощи. Пусть она там тайно охраняется, окружённая вами. Там все вы приводите Майтили под власть — то страшными угрозами, то снова уговорами, как дикую слониху».
997e49885656 · publicado 22 jun 2026, 0:00:00 UTC
Disponible enRUPasa de verso en verso con
Когда уговоры не действуют, Равана переходит к сроку, угрозе смерти и психологическому давлению. Его власть проявляется не как сила любви, а как власть тюремщика.