क्रौञ्चं तु गिरिम् आसाद्य बिलं तस्य सुदुर्गमम् । अप्रमत्तैः प्रवेष्टव्यं दुष्प्रवेशं हि तत् स्मृतम् ॥
वसन्ति हि महात्मानस् तत्र सूर्यसमप्रभाः । देवैर् अप्य् अर्चिताः सम्यग् देवरूपा महर्षयः ॥
क्रौञ्चस्य तु गुहाश् चान्याः सानूनि शिखराणि च । निर्दराश् च नितम्बाश् च विचेतव्यास् ततस् ततः ॥
क्रौञ्चस्य शिखरं चापि निरीक्ष्य च ततस् ततः । अवृक्षं कामशैलं च मानसं विहगालयम् ॥
न गतिस् तत्र भूतानां देवदानवरक्षसाम् । स च सर्वैर् विचेतव्यः ससानुप्रस्थभूधरः ॥
क्रौञ्चं गिरिम् अतिक्रम्य मैनाको नाम पर्वतः । मयस्य भवनं तत्र दानवस्य स्वयं कृतम् ॥
मैनाकस् तु विचेतव्यः ससानुप्रस्थकन्दरः । स्त्रीणाम् अश्वमुखीनां च निकेतास् तत्र तत्र तु ॥
तं देशं समतिक्रम्य आश्रमं सिद्धसेवितम् । सिद्धा वैखानसास् तत्र वालखिल्याश् च तापसाः ॥
वन्द्यास् ते तु तपःसिद्धास् तापसा वीतकल्मषाः । प्रष्टव्याश् चापि सीतायाः प्रवृत्तं विनयान्वितैः ॥
हेमपुष्करसंछन्नं तत्र वैखानसं सरः । तरुणादित्यसंकाशैर् हंसैर् विचरितं शुभैः ॥
औपवाह्यः कुबेरस्य सर्वभौम इति स्मृतः । गजः पर्येति तं देशं सदा सह करेणुभिः ॥
krauñcaṃ tu girim āsādya bilaṃ tasya sudurgamam | apramattaiḥ praveṣṭavyaṃ duṣpraveśaṃ hi tat smṛtam ||
vasanti hi mahātmānas tatra sūryasamaprabhāḥ | devair apy arcitāḥ samyag devarūpā maharṣayaḥ ||
krauñcasya tu guhāś cānyāḥ sānūni śikharāṇi ca | nirdarāś ca nitambāś ca vicetavyās tatas tataḥ ||
krauñcasya śikharaṃ cāpi nirīkṣya ca tatas tataḥ | avṛkṣaṃ kāmaśailaṃ ca mānasaṃ vihagālayam ||
na gatis tatra bhūtānāṃ devadānavarakṣasām | sa ca sarvair vicetavyaḥ sasānuprasthabhūdharaḥ ||
krauñcaṃ girim atikramya maināko nāma parvataḥ | mayasya bhavanaṃ tatra dānavasya svayaṃ kṛtam ||
mainākas tu vicetavyaḥ sasānuprasthakandaraḥ | strīṇām aśvamukhīnāṃ ca niketās tatra tatra tu ||
taṃ deśaṃ samatikramya āśramaṃ siddhasevitam | siddhā vaikhānasās tatra vālakhilyāś ca tāpasāḥ ||
vandyās te tu tapaḥsiddhās tāpasā vītakalmaṣāḥ | praṣṭavyāś cāpi sītāyāḥ pravṛttaṃ vinayānvitaiḥ ||
hemapuṣkarasaṃchannaṃ tatra vaikhānasaṃ saraḥ | taruṇādityasaṃkāśair haṃsair vicaritaṃ śubhaiḥ ||
aupavāhyaḥ kuberasya sarvabhauma iti smṛtaḥ | gajaḥ paryeti taṃ deśaṃ sadā saha kareṇubhiḥ ||
«Достигнув горы Краунча, вы должны бдительно войти в её очень труднодоступное отверстие, ведь оно считается трудным для входа. Там живут великодушные богоподобные махарши, сияющие как солнце и почитаемые даже богами. Другие пещеры Краунчи, её склоны, вершины, ущелья и скаты должны быть обследованы всюду. Осмотрите вершину Краунчи, безлесную Кама-гору и Манасу, обитель птиц. Туда нет пути для существ — богов, данавов и ракшасов, — но она всё же должна быть обследована всеми, вместе со склонами и плоскогорьями. Перейдя Краунча-гору, вы придёте к горе по имени Майнака. Там находится жилище данавы Майи, созданное им самим. Майнака должна быть обследована со склонами, плоскогорьями и пещерами; там находятся жилища конелицых женщин. Перейдя ту область, вы достигнете ашрама, посещаемого сиддхами. Там пребывают сиддхи, Вайкханасы и подвижники Валакхильи. Эти подвижники, совершенные подвигом и свободные от греха, должны быть почтены, и со смирением их надо спросить о вести относительно Ситы. Там есть Вайкханаса-озеро, покрытое золотыми лотосами и посещаемое благими лебедями, подобными молодому солнцу. Ездовой слон Куберы, известный как Сарвабхаума, всегда обходит эту область вместе со слонихами».
730b98601248 · publicado 22 jun 2026, 0:00:00 UTC
Disponible enRUPasa de verso en verso con
У Краунчи и Майнаки Сугрива особенно подчёркивает бдительность и смирение. Поиск Ситы требует не только силы входить в трудные места, но и уважения к риши, у которых можно узнать правду.