ततः समुत्थाय पुनर् वानरास् ते महाबलाः । विन्ध्यकाननसंकीर्णां विचेरुर् दक्षिणां दिशम् ॥
ते शारदाभ्रप्रतिमं श्रीमद्रजतपर्वतम् । शृङ्गवन्तं दरीवन्तम् अधिरुह्य च वानराः ॥
तत्र लोध्रवनं रम्यं सप्तपर्णवनानि च । विचिन्वन्तो हरिवराः सीतादर्शनकाङ्क्षिणः ॥
तस्याग्रम् अधिरूढास् ते श्रान्ता विपुलविक्रमाः । न पश्यन्ति स्म वैदेहीं रामस्य महिषीं प्रियाम् ॥
ते तु दृष्टिगतं कृत्वा तं शैलं बहुकन्दरम् । अवारोहन्त हरयो वीक्षमाणाः समन्ततः ॥
अवरुह्य ततो भूमिं श्रान्ता विगतचेतसः । स्थित्वा मुहूर्तं तत्राथ वृक्षमूलम् उपाश्रिताः ॥
ते मुहूर्तं समाश्वस्ताः किं चिद् भग्नपरिश्रमाः । पुनर् एवोद्यताः कृत्स्नां मार्गितुं दक्षिणां दिशम् ॥
हनुमत्प्रमुखास् ते तु प्रस्थिताः प्लवगर्षभाः । विन्ध्यम् एवादितस् तावद् विचेरुस् ते समन्ततः ॥
tataḥ samutthāya punar vānarās te mahābalāḥ | vindhyakānanasaṃkīrṇāṃ vicerur dakṣiṇāṃ diśam ||
te śāradābhrapratimaṃ śrīmadrajataparvatam | śṛṅgavantaṃ darīvantam adhiruhya ca vānarāḥ ||
tatra lodhravanaṃ ramyaṃ saptaparṇavanāni ca | vicinvanto harivarāḥ sītādarśanakāṅkṣiṇaḥ ||
tasyāgram adhirūḍhās te śrāntā vipulavikramāḥ | na paśyanti sma vaidehīṃ rāmasya mahiṣīṃ priyām ||
te tu dṛṣṭigataṃ kṛtvā taṃ śailaṃ bahukandaram | avārohanta harayo vīkṣamāṇāḥ samantataḥ ||
avaruhya tato bhūmiṃ śrāntā vigatacetasaḥ | sthitvā muhūrtaṃ tatrātha vṛkṣamūlam upāśritāḥ ||
te muhūrtaṃ samāśvastāḥ kiṃ cid bhagnapariśramāḥ | punar evodyatāḥ kṛtsnāṃ mārgituṃ dakṣiṇāṃ diśam ||
hanumatpramukhās te tu prasthitāḥ plavagarṣabhāḥ | vindhyam evāditas tāvad vicerus te samantataḥ ||
После этого великосильные ванары снова поднялись и стали обходить южную сторону, наполненную лесами Виндхьи. Они взошли на славную серебряную гору, подобную осеннему облаку, с вершинами и гротами. Там лучшие хари, желая увидеть Ситу, обследовали прекрасный лес лодхры и леса саптапарны. Поднявшись на вершину этой горы, утомлённые, но широкие в доблести, они не увидели Вайдехи, любимую царицу Рамы. Охватив взглядом эту многопещерную гору, хари спустились, осматривая всё вокруг. Спустившись на землю, уставшие и почти лишённые чувств, они немного постояли и укрылись у корня дерева. Отдохнув мгновение и немного ослабив усталость, они снова были готовы искать всю южную сторону. Возглавляемые Хануманом, быки среди прыгунов отправились и сперва обошли Виндхью со всех сторон.
733c990c131f · publicado 22 jun 2026, 0:00:00 UTC
Disponible enRUPasa de verso en verso con
Отряд снова поднимается после речи Ангaды. Стихи подчёркивают не мгновенный успех, а устойчивость: немного отдыха, снова подъём, снова поиск, и впереди Хануман.