तां तु राम कथां श्रुत्वा वैदेही वानरर्षभात् । उवाच वचनं सान्त्वम् इदं मधुरया गिरा ॥
क्व ते रामेण संसर्गः कथं जानासि लक्ष्मणम् । वानराणां नराणां च कथम् आसीत् समागमः ॥
यानि रामस्य लिङ्गानि लक्ष्मणस्य च वानर । तानि भूयः समाचक्ष्व न मां शोकः समाविशेत् ॥
कीदृशं तस्य संस्थानं रूपं रामस्य कीदृशम् । कथम् ऊरू कथं बाहू लक्ष्मणस्य च शंस मे ॥
एवम् उक्तस् तु वैदेह्या हनूमान् मारुतात्मजः । ततो रामं यथातत्त्वम् आख्यातुम् उपचक्रमे ॥
जानन्ती बत दिष्ट्या मां वैदेहि परिपृच्छसि । भर्तुः कमलपत्राक्षि संख्यानं लक्ष्मणस्य च ॥
यानि रामस्य चिह्नानि लक्ष्मणस्य च यानि वै । लक्षितानि विशालाक्षि वदतः शृणु तानि मे ॥
tāṃ tu rāma kathāṃ śrutvā vaidehī vānararṣabhāt | uvāca vacanaṃ sāntvam idaṃ madhurayā girā ||
kva te rāmeṇa saṃsargaḥ kathaṃ jānāsi lakṣmaṇam | vānarāṇāṃ narāṇāṃ ca katham āsīt samāgamaḥ ||
yāni rāmasya liṅgāni lakṣmaṇasya ca vānara | tāni bhūyaḥ samācakṣva na māṃ śokaḥ samāviśet ||
kīdṛśaṃ tasya saṃsthānaṃ rūpaṃ rāmasya kīdṛśam | katham ūrū kathaṃ bāhū lakṣmaṇasya ca śaṃsa me ||
evam uktas tu vaidehyā hanūmān mārutātmajaḥ | tato rāmaṃ yathātattvam ākhyātum upacakrame ||
jānantī bata diṣṭyā māṃ vaidehi paripṛcchasi | bhartuḥ kamalapatrākṣi saṃkhyānaṃ lakṣmaṇasya ca ||
yāni rāmasya cihnāni lakṣmaṇasya ca yāni vai | lakṣitāni viśālākṣi vadataḥ śṛṇu tāni me ||
Услышав от быка среди ванар рассказ о Раме, Вайдехи мягко сказала сладким голосом: «Откуда у тебя общение с Рамой? Как ты знаешь Лакшману? Как произошла встреча ванар и людей? Ванара, снова расскажи признаки Рамы и Лакшманы, чтобы скорбь не овладела мной. Каково его телосложение, каков облик Рамы, каковы бёдра и руки его и Лакшманы? Скажи мне». Так спрошенный Вайдехи Хануман, сын Ветра, начал описывать Раму как он есть: «О счастье, Вайдехи, лотосоокая, ты расспрашиваешь меня, зная признаки своего мужа и Лакшманы. Какие признаки Рамы и Лакшманы я заметил, слушай их от меня».
cc2f036a1586 · publicado 22 jun 2026, 0:00:00 UTC
Disponible enRUPasa de verso en verso con
Сита просит не общих заверений, а узнаваемых признаков. Любовь знает конкретное: облик, речь, связь с Лакшманой и путь встречи с Сугривой.