त्वाम् एव मार्गमाणो तौ विचरन्तौ वसुंधराम् । ददर्शतुर् मृगपतिं पूर्वजेनावरोपितम् ॥
ऋश्यमूकस्य पृष्ठे तु बहुपादपसंकुले । भ्रातुर् भार्यार्तम् आसीनं सुग्रीवं प्रियदर्शनम् ॥
वयं तु हरिराजं तं सुग्रीवं सत्यसंगरम् । परिचर्यामहे राज्यात् पूर्वजेनावरोपितम् ॥
ततस् तौ चीरवसनौ धनुःप्रवरपाणिनौ । ऋश्यमूकस्य शैलस्य रम्यं देशम् उपागतौ ॥
स तौ दृष्ट्वा नरव्याघ्रौ धन्विनौ वानरर्षभः । अभिप्लुतो गिरेस् तस्य शिखरं भयमोहितः ॥
ततः स शिखरे तस्मिन् वानरेन्द्रो व्यवस्थितः । तयोः समीपं माम् एव प्रेषयाम् आस सत्वरः ॥
ताव् अहं पुरुषव्याघ्रौ सुग्रीववचनात् प्रभू । रूपलक्षणसंपन्नौ कृताञ्जलिर् उपस्थितः ॥
तौ परिज्ञाततत्त्वार्थौ मया प्रीतिसमन्वितौ । पृष्ठम् आरोप्य तं देशं प्रापितौ पुरुषर्षभौ ॥
निवेदितौ च तत्त्वेन सुग्रीवाय महात्मने । तयोर् अन्योन्यसंभाषाद् भृशं प्रीतिर् अजायत ॥
तत्र तौ कीर्तिसंपन्नौ हरीश्वरनरेश्वरौ । परस्परकृताश्वासौ कथया पूर्ववृत्तया ॥
तं ततः सान्त्वयाम् आस सुग्रीवं लक्ष्मणाग्रजः । स्त्रीहेतोर् वालिना भ्रात्रा निरस्तम् उरु तेजसा ॥
ततस् त्वन् नाशजं शोकं रामस्याक्लिष्टकर्मणः । लक्ष्मणो वानरेन्द्राय सुग्रीवाय न्यवेदयत् ॥
स श्रुत्वा वानरेन्द्रस् तु लक्ष्मणेनेरितं वचः । तदासीन् निष्प्रभो ऽत्यर्थं ग्रहग्रस्त इवांशुमान् ॥
tvām eva mārgamāṇo tau vicarantau vasuṃdharām | dadarśatur mṛgapatiṃ pūrvajenāvaropitam ||
ṛśyamūkasya pṛṣṭhe tu bahupādapasaṃkule | bhrātur bhāryārtam āsīnaṃ sugrīvaṃ priyadarśanam ||
vayaṃ tu harirājaṃ taṃ sugrīvaṃ satyasaṃgaram | paricaryāmahe rājyāt pūrvajenāvaropitam ||
tatas tau cīravasanau dhanuḥpravarapāṇinau | ṛśyamūkasya śailasya ramyaṃ deśam upāgatau ||
sa tau dṛṣṭvā naravyāghrau dhanvinau vānararṣabhaḥ | abhipluto gires tasya śikharaṃ bhayamohitaḥ ||
tataḥ sa śikhare tasmin vānarendro vyavasthitaḥ | tayoḥ samīpaṃ mām eva preṣayām āsa satvaraḥ ||
tāv ahaṃ puruṣavyāghrau sugrīvavacanāt prabhū | rūpalakṣaṇasaṃpannau kṛtāñjalir upasthitaḥ ||
tau parijñātatattvārthau mayā prītisamanvitau | pṛṣṭham āropya taṃ deśaṃ prāpitau puruṣarṣabhau ||
niveditau ca tattvena sugrīvāya mahātmane | tayor anyonyasaṃbhāṣād bhṛśaṃ prītir ajāyata ||
tatra tau kīrtisaṃpannau harīśvaranareśvarau | parasparakṛtāśvāsau kathayā pūrvavṛttayā ||
taṃ tataḥ sāntvayām āsa sugrīvaṃ lakṣmaṇāgrajaḥ | strīhetor vālinā bhrātrā nirastam uru tejasā ||
tatas tvan nāśajaṃ śokaṃ rāmasyākliṣṭakarmaṇaḥ | lakṣmaṇo vānarendrāya sugrīvāya nyavedayat ||
sa śrutvā vānarendras tu lakṣmaṇeneritaṃ vacaḥ | tadāsīn niṣprabho 'tyarthaṃ grahagrasta ivāṃśumān ||
«Ища именно тебя, эти двое бродили по земле и увидели царя зверей, низвергнутого старшим братом. На склоне Ришьямуки, полном деревьев, сидел Сугрива, приятный видом, страдающий из-за жены брата. Мы служим этому царю хари, Сугриве, верному договору, которого старший брат лишил царства. Затем эти двое, одетые в кору и держащие в руках лучшие луки, пришли в прекрасное место горы Ришьямуки. Увидев двух тигров среди людей, двух лучников, бык среди ванар Сугрива, смущённый страхом, взбежал на вершину горы. Остановившись там, владыка ванар поспешно послал меня к ним. По слову Сугривы я подошёл со сложенными ладонями к этим двум владыкам, тиграм среди людей, наделённым прекрасным обликом и признаками. Поняв их истинную сущность, я с радостью посадил этих быков среди людей на свою спину и доставил в то место. Я истинно представил их великодушному Сугриве, и от их взаимной беседы родилась сильная радость. Там прославленные владыка хари и владыка людей взаимно ободрили друг друга рассказами о прежних событиях. Затем старший брат Лакшманы утешил Сугриву, которого брат Валин изгнал великой силой из-за женщины. После этого Лакшмана сообщил Сугриве, владыке ванар, о скорби Рамы неутомимых дел, рождённой твоей пропажей. Услышав сказанное Лакшманой, владыка ванар стал совершенно безсиянным, словно лучистое светило, схваченное планетой».
744e0ab31220 · publicado 22 jun 2026, 0:00:00 UTC
Disponible enRUPasa de verso en verso con
Хануман показывает цепочку доверия: Рама встретил Сугриву не случайно, а через общую боль разлуки и несправедливости. Союз рождается из взаимного обещания помощи.