ततः स कपिशार्दूलस् तेन वाक्येन हर्षितः । सीताम् उवाच तच् छ्रुत्वा वाक्यं वाक्यविशारदः ॥
युक्तरूपं त्वया देवि भाषितं शुभदर्शने । सदृशं स्त्रीस्वभावस्य साध्वीनां विनयस्य च ॥
स्त्रीत्वं न तु समर्थं हि सागरं व्यतिवर्तितुम् । माम् अधिष्ठाय विस्तीर्णं शतयोजनम् आयतम् ॥
द्वितीयं कारणं यच् च ब्रवीषि विनयान्विते । रामाद् अन्यस्य नार्हामि संस्पर्शम् इति जानकि ॥
एतत् ते देवि सदृशं पत्न्यास् तस्य महात्मनः । का ह्य् अन्या त्वाम् ऋते देवि ब्रूयाद् वचनम् ईदृशम् ॥
श्रोष्यते चैव काकुत्स्थः सर्वं निरवशेषतः । चेष्टितं यत् त्वया देवि भाषितं मम चाग्रतः ॥
कारणैर् बहुभिर् देवि राम प्रियचिकीर्षया । स्नेहप्रस्कन्नमनसा मयैतत् समुदीरितम् ॥
लङ्काया दुष्प्रवेशत्वाद् दुस्तरत्वान् महोदधेः । सामर्थ्याद् आत्मनश् चैव मयैतत् समुदाहृतम् ॥
इच्छामि त्वां समानेतुम् अद्यैव रघुबन्धुना । गुरुस्नेहेन भक्त्या च नान्यथा तद् उदाहृतम् ॥
यदि नोत्सहसे यातुं मया सार्धम् अनिन्दिते । अभिज्ञानं प्रयच्छ त्वं जानीयाद् राघवो हि यत् ॥
tataḥ sa kapiśārdūlas tena vākyena harṣitaḥ | sītām uvāca tac chrutvā vākyaṃ vākyaviśāradaḥ ||
yuktarūpaṃ tvayā devi bhāṣitaṃ śubhadarśane | sadṛśaṃ strīsvabhāvasya sādhvīnāṃ vinayasya ca ||
strītvaṃ na tu samarthaṃ hi sāgaraṃ vyativartitum | mām adhiṣṭhāya vistīrṇaṃ śatayojanam āyatam ||
dvitīyaṃ kāraṇaṃ yac ca bravīṣi vinayānvite | rāmād anyasya nārhāmi saṃsparśam iti jānaki ||
etat te devi sadṛśaṃ patnyās tasya mahātmanaḥ | kā hy anyā tvām ṛte devi brūyād vacanam īdṛśam ||
śroṣyate caiva kākutsthaḥ sarvaṃ niravaśeṣataḥ | ceṣṭitaṃ yat tvayā devi bhāṣitaṃ mama cāgrataḥ ||
kāraṇair bahubhir devi rāma priyacikīrṣayā | snehapraskannamanasā mayaitat samudīritam ||
laṅkāyā duṣpraveśatvād dustaratvān mahodadheḥ | sāmarthyād ātmanaś caiva mayaitat samudāhṛtam ||
icchāmi tvāṃ samānetum adyaiva raghubandhunā | gurusnehena bhaktyā ca nānyathā tad udāhṛtam ||
yadi notsahase yātuṃ mayā sārdham anindite | abhijñānaṃ prayaccha tvaṃ jānīyād rāghavo hi yat ||
Обрадованный её словами, тигр среди капи Хануман, знаток речи, сказал Сите: «Богиня, прекрасноликая, то, что ты сказала, уместно и соответствует природе женщины и скромности добродетельных. Женской природе, конечно, трудно перейти широкий океан в сто йоджан, взойдя на меня. И вторая причина, о наделённая скромностью Джанаки, что ты не считаешь себя вправе принять прикосновение никого, кроме Рамы, подобает тебе как жене того великодушного. Кто, кроме тебя, мог бы сказать такое слово? Какутстха услышит без остатка всё, что ты сделала и сказала передо мной. По многим причинам, желая сделать приятное Раме, с умом, переполненным любовью, я сказал это: из-за труднодоступности Ланки, из-за трудности перехода через океан и из-за собственной силы. Я хотел уже сегодня привести тебя к родичу Рагху; это было сказано из глубокой любви и преданности, а не иначе. Если же ты не решаешься идти со мной, безупречная, дай опознавательный знак, по которому Рагхава тебя узнает».
c901b4b273b3 · publicado 22 jun 2026, 0:00:00 UTC
Disponible enRUPasa de verso en verso con
Хануман не спорит с чистотой Ситы, а принимает её доводы как проявление верности. Его предложение родилось не из самоуверенности, а из желания немедленно прекратить её страдание и послужить Раме.