एवम् उक्ता हनुमता सीता सुरसुतोपमा । उवाच वचनं मन्दं बाष्पप्रग्रथिताक्षरम् ॥
इदं श्रेष्ठम् अभिज्ञानं ब्रूयास् त्वं तु मम प्रियम् । शैलस्य चित्रकूटस्य पादे पूर्वोत्तरे तदा ॥
तापसाश्रमवासिन्याः प्राज्यमूलफलोदके । तस्मिन् सिद्धाश्रमे देशे मन्दाकिन्या अदूरतः ॥
तस्योपवनषण्डेषु नानापुष्पसुगन्धिषु । विहृत्य सलिलक्लिन्ना तवाङ्के समुपाविशम् ॥
पर्यायेण प्रसुप्तश् च ममाङ्के भरताग्रजः ॥
ततो मांससमायुक्तो वायसः पर्यतुण्डयत् । तम् अहं लोष्टम् उद्यम्य वारयामि स्म वायसं ॥
दारयन् स च मां काकस् तत्रैव परिलीयते । न चाप्य् उपरमन् मांसाद् भक्षार्थी बलिभोजनः ॥
उत्कर्षन्त्यां च रशनां क्रुद्धायां मयि पक्षिणे । स्रंसमाने च वसने ततो दृष्टा त्वया ह्य् अहम् ॥
त्वया विहसिता चाहं क्रुद्धा संलज्जिता तदा । भक्ष्य गृद्धेन कालेन दारिता त्वाम् उपागता ॥
आसीनस्य च ते श्रान्ता पुनर् उत्सङ्गम् आविशम् । क्रुध्यन्ती च प्रहृष्टेन त्वयाहं परिसान्त्विता ॥
बाष्पपूर्णमुखी मन्दं चक्षुषी परिमार्जती । लक्षिताहं त्वया नाथ वायसेन प्रकोपिता ॥
evam uktā hanumatā sītā surasutopamā | uvāca vacanaṃ mandaṃ bāṣpapragrathitākṣaram ||
idaṃ śreṣṭham abhijñānaṃ brūyās tvaṃ tu mama priyam | śailasya citrakūṭasya pāde pūrvottare tadā ||
tāpasāśramavāsinyāḥ prājyamūlaphalodake | tasmin siddhāśrame deśe mandākinyā adūrataḥ ||
tasyopavanaṣaṇḍeṣu nānāpuṣpasugandhiṣu | vihṛtya salilaklinnā tavāṅke samupāviśam ||
paryāyeṇa prasuptaś ca mamāṅke bharatāgrajaḥ ||
tato māṃsasamāyukto vāyasaḥ paryatuṇḍayat | tam ahaṃ loṣṭam udyamya vārayāmi sma vāyasaṃ ||
dārayan sa ca māṃ kākas tatraiva parilīyate | na cāpy uparaman māṃsād bhakṣārthī balibhojanaḥ ||
utkarṣantyāṃ ca raśanāṃ kruddhāyāṃ mayi pakṣiṇe | sraṃsamāne ca vasane tato dṛṣṭā tvayā hy aham ||
tvayā vihasitā cāhaṃ kruddhā saṃlajjitā tadā | bhakṣya gṛddhena kālena dāritā tvām upāgatā ||
āsīnasya ca te śrāntā punar utsaṅgam āviśam | krudhyantī ca prahṛṣṭena tvayāhaṃ parisāntvitā ||
bāṣpapūrṇamukhī mandaṃ cakṣuṣī parimārjatī | lakṣitāhaṃ tvayā nātha vāyasena prakopitā ||
На это Сита, подобная дочери бога, ответила Хануману тихими словами, чьи слоги сдерживали слёзы: «Скажи моему любимому вот лучший опознавательный знак. Когда я жила в обители аскетов у северо-восточного подножия горы Читракуты, в месте с обильными корнями, плодами и водой, в святой обители недалеко от Мандакини, я погуляла в рощах, благоухающих разными цветами, смочилась водой и села к тебе на колени. Потом старший брат Бхараты уснул у меня на коленях. Тогда ворон, жадный до мяса, стал клевать меня. Я подняла ком земли и отгоняла его, но он, раздирая меня, прятался тут же и не переставал искать пищу. Когда я, рассердившись на птицу, подтягивала пояс и у меня спадала одежда, ты увидел меня. Ты рассмеялся, а я, разгневанная и пристыженная, разодранная жадным вороном, подошла к тебе. Устав, я снова села на колени к тебе, и ты, радостный, утешал меня, хотя я сердилась. С лицом, полным слёз, тихо вытирая глаза, я была замечена тобой, господин, раздражённая вороном».
86c50ef728ca · publicado 22 jun 2026, 0:00:00 UTC
Disponible enRUPasa de verso en verso con
Сита выбирает не внешний пароль, а память близости, известную только ей и Раме. Этот знак несёт в себе не просто факт, а вкус их общей жизни в лесу.