एवम् आश्वस्य वैदेहीं हनूमान् मारुतात्मजः । गमनाय मतिं कृत्वा वैदेहीं पुनर् अब्रवीत् ॥
तम् अरिघ्नं कृतात्मानं क्षिप्रं द्रक्ष्यसि राघवम् । लक्ष्मणं च धनुष्पाणिं लङ्काद्वारम् उपस्थितम् ॥
नखदंष्ट्रायुधान् वीरान् सिंहशार्दूलविक्रमान् । वानरान् वारणेन्द्राभान् क्षिप्रं द्रक्ष्यसि संगतान् ॥
शैलाम्बुदनिकाशानां लङ्कामलयसानुषु । नर्दतां कपिमुख्यानाम् आर्ये यूथान्य् अनेकशः ॥
स तु मर्मणि घोरेण ताडितो मन्मथेषुणा । न शर्म लभते रामः सिंहार्दित इव द्विपः ॥
मा रुदो देवि शोकेन मा भूत् ते मनसो ऽप्रियम् । शचीव पथ्या शक्रेण भर्त्रा नाथवती ह्य् असि ॥
रामाद् विशिष्टः को ऽन्यो ऽस्ति कश् चित् सौमित्रिणा समः । अग्निमारुतकल्पौ तौ भ्रातरौ तव संश्रयौ ॥
नास्मिंश् चिरं वत्स्यसि देवि देशे; रक्षोगणैर् अध्युषितो ऽतिरौद्रे । न ते चिराद् आगमनं प्रियस्य; क्षमस्व मत्संगमकालमात्रम् ॥
evam āśvasya vaidehīṃ hanūmān mārutātmajaḥ | gamanāya matiṃ kṛtvā vaidehīṃ punar abravīt ||
tam arighnaṃ kṛtātmānaṃ kṣipraṃ drakṣyasi rāghavam | lakṣmaṇaṃ ca dhanuṣpāṇiṃ laṅkādvāram upasthitam ||
nakhadaṃṣṭrāyudhān vīrān siṃhaśārdūlavikramān | vānarān vāraṇendrābhān kṣipraṃ drakṣyasi saṃgatān ||
śailāmbudanikāśānāṃ laṅkāmalayasānuṣu | nardatāṃ kapimukhyānām ārye yūthāny anekaśaḥ ||
sa tu marmaṇi ghoreṇa tāḍito manmatheṣuṇā | na śarma labhate rāmaḥ siṃhārdita iva dvipaḥ ||
mā rudo devi śokena mā bhūt te manaso 'priyam | śacīva pathyā śakreṇa bhartrā nāthavatī hy asi ||
rāmād viśiṣṭaḥ ko 'nyo 'sti kaś cit saumitriṇā samaḥ | agnimārutakalpau tau bhrātarau tava saṃśrayau ||
nāsmiṃś ciraṃ vatsyasi devi deśe; rakṣogaṇair adhyuṣito 'tiraudre | na te cirād āgamanaṃ priyasya; kṣamasva matsaṃgamakālamātram ||
Так утешив Вайдехи, Хануман, сын Ветра, решился уходить и снова сказал ей: «Скоро ты увидишь Рагхаву, губителя врагов, владеющего собой, и Лакшману с луком в руке, стоящего у ворот Ланки. Скоро ты увидишь собравшихся героев-ванар, у которых оружие — когти и клыки, доблестью равных львам и тиграм, подобных царям слонов. О благородная, на вершинах Ланки и Малаи будут реветь многочисленные отряды главных капи, подобных горам и облакам. Рама поражён в самое сердце страшной стрелой Манматхи и не находит покоя, словно слон, измученный львом. Не плачь от скорби, богиня; пусть в твоём уме не будет ничего горького. Как Шачи имеет своим защитником Шакру, так и ты имеешь мужа-защитника. Кто превосходит Раму? Кто равен Саумитри? Эти два брата, подобные огню и ветру, — твои прибежища. Ты не будешь долго жить в этом чрезвычайно ужасном месте, населённом сонмами ракшасов. Твой любимый придёт скоро; потерпи только до времени моей встречи с ним».
30ce27a8e87a · publicado 22 jun 2026, 0:00:00 UTC
Disponible enRUPasa de verso en verso con
Последние слова Ханумана возвращают Сите опору: она не покинута, потому что Рама и Лакшмана остаются её прибежищем. Терпение теперь имеет срок и направление — до встречи посланника с Рамой.