ते स्वामिवचनं सर्वे प्रतिगृह्य महौजसः । समुत्पेतुर् महावेगा हुताशसमतेजसः ॥
रथैश् च मत्तैर् नागैश् च वाजिभिश् च महाजवैः । शस्त्रैश् च विविधैस् तीक्ष्णैः सर्वैश् चोपचिता बलैः ॥
ततस् तं ददृशुर् वीरा दीप्यमानं महाकपिम् । रश्मिमन्तम् इवोद्यन्तं स्वतेजोरश्मिमालिनम् ॥
तोरणस्थं महावेगं महासत्त्वं महाबलम् । महामतिं महोत्साहं महाकायं महाबलम् ॥
तं समीक्ष्यैव ते सर्वे दिक्षु सर्वास्व् अवस्थिताः । तैस् तैः प्रहरणैर् भीमैर् अभिपेतुस् ततस् ततः ॥
तस्य पञ्चायसास् तीक्ष्णाः सिताः पीतमुखाः शराः । शिरस्त्य् उत्पलपत्राभा दुर्धरेण निपातिताः ॥
स तैः पञ्चभिर् आविद्धः शरैः शिरसि वानरः । उत्पपात नदन् व्योम्नि दिशो दश विनादयन् ॥
ततस् तु दुर्धरो वीरः सरथः सज्जकार्मुकः । किरञ् शरशतैर् नैकैर् अभिपेदे महाबलः ॥
स कपिर् वारयाम् आस तं व्योम्नि शरवर्षिणम् । वृष्टिमन्तं पयोदान्ते पयोदम् इव मारुतः ॥
अर्द्यमानस् ततस् तेन दुर्धरेणानिलात्मजः । चकार निनदं भूयो व्यवर्धत च वेगवान् ॥
te svāmivacanaṃ sarve pratigṛhya mahaujasaḥ | samutpetur mahāvegā hutāśasamatejasaḥ ||
rathaiś ca mattair nāgaiś ca vājibhiś ca mahājavaiḥ | śastraiś ca vividhais tīkṣṇaiḥ sarvaiś copacitā balaiḥ ||
tatas taṃ dadṛśur vīrā dīpyamānaṃ mahākapim | raśmimantam ivodyantaṃ svatejoraśmimālinam ||
toraṇasthaṃ mahāvegaṃ mahāsattvaṃ mahābalam | mahāmatiṃ mahotsāhaṃ mahākāyaṃ mahābalam ||
taṃ samīkṣyaiva te sarve dikṣu sarvāsv avasthitāḥ | tais taiḥ praharaṇair bhīmair abhipetus tatas tataḥ ||
tasya pañcāyasās tīkṣṇāḥ sitāḥ pītamukhāḥ śarāḥ | śirasty utpalapatrābhā durdhareṇa nipātitāḥ ||
sa taiḥ pañcabhir āviddhaḥ śaraiḥ śirasi vānaraḥ | utpapāta nadan vyomni diśo daśa vinādayan ||
tatas tu durdharo vīraḥ sarathaḥ sajjakārmukaḥ | kirañ śaraśatair naikair abhipede mahābalaḥ ||
sa kapir vārayām āsa taṃ vyomni śaravarṣiṇam | vṛṣṭimantaṃ payodānte payodam iva mārutaḥ ||
ardyamānas tatas tena durdhareṇānilātmajaḥ | cakāra ninadaṃ bhūyo vyavardhata ca vegavān ||
Все эти великомощные приняли слово господина и выступили, великостремительные, сияющие как жертвенный огонь. Они вышли с колесницами, бешеными слонами, быстрыми конями, разным острым оружием и всеми усиленными войсками. Затем герои увидели великого капи, сияющего, словно восходящее светило, увенчанное лучами собственного блеска: он стоял у ворот, великостремительный, великодуховный, великосильный, великоумный, великоревностный, великотелый. Увидев его, они расположились по всем сторонам и со всех сторон напали страшным оружием. Дурдхара выпустил ему в голову пять железных острых стрел, белых, с жёлтыми наконечниками, похожих на лепестки лотоса. Пронзённый этими пятью стрелами в голову, ванара взлетел в небо с рёвом, оглашая десять сторон. Тогда герой Дурдхара, великосильный, на колеснице и с натянутым луком, напал, осыпая его многими сотнями стрел. Но капи остановил в небе этого лившего стрелы врага, как ветер разгоняет дождливое облако в конце грозы. Мучимый Дурдхарой, сын Ветра снова издал рёв и, полный скорости, вырос ещё больше.
1962ee07b55c · publicado 22 jun 2026, 0:00:00 UTC
Disponible enRUPasa de verso en verso con
Даже организованная атака пяти военачальников не сбивает Ханумана с выбранного места. Он принимает удар и отвечает ростом силы, словно сама битва расширяет его форму.