एवं ब्रुवाणं संरब्धं रुष्टं विज्ञाय रावणम् । व्रीडितो माल्यवान् वाक्यं नोत्तरं प्रत्यपद्यत ॥
जयाशिषा च राजानं वर्धयित्वा यथोचितम् । माल्यवान् अभ्यनुज्ञातो जगाम स्वं निवेशनम् ॥
रावणस् तु सहामात्यो मन्त्रयित्वा विमृश्य च । लङ्कायाम् अतुलां गुप्तिं कारयाम् आस राक्षसः ॥
व्यादिदेश च पूर्वस्यां प्रहस्तं द्वारि राक्षसं । दक्षिणस्यां महावीर्यौ महापार्श्व महोदरौ ॥
पश्चिमायाम् अथो द्वारि पुत्रम् इन्द्रजितं तथा । व्यादिदेश महामायं राक्षसैर् बहुभिर् वृतम् ॥
उत्तरस्यां पुरद्वारि व्यादिश्य शुकसारणौ । स्वयं चात्र भविष्यामि मन्त्रिणस् तान् उवाच ह ॥
राक्षसं तु विरूपाक्षं महावीर्यपराक्रमम् । मध्यमे ऽस्थापयद् गुल्मे बहुभिः सह राक्षसैः ॥
एवंविधानं लङ्कायां कृत्वा राक्षसपुंगवः । मेने कृतार्थम् आत्मानं कृतान्तवशम् आगतः ॥
विसर्जयाम् आस ततः स मन्त्रिणो; विधानम् आज्ञाप्य पुरस्य पुष्कलम् । जयाशिषा मन्त्रगणेन पूजितो; विवेश सो ऽन्तःपुरम् ऋद्धिमन् महत् ॥
evaṃ bruvāṇaṃ saṃrabdhaṃ ruṣṭaṃ vijñāya rāvaṇam | vrīḍito mālyavān vākyaṃ nottaraṃ pratyapadyata ||
jayāśiṣā ca rājānaṃ vardhayitvā yathocitam | mālyavān abhyanujñāto jagāma svaṃ niveśanam ||
rāvaṇas tu sahāmātyo mantrayitvā vimṛśya ca | laṅkāyām atulāṃ guptiṃ kārayām āsa rākṣasaḥ ||
vyādideśa ca pūrvasyāṃ prahastaṃ dvāri rākṣasaṃ | dakṣiṇasyāṃ mahāvīryau mahāpārśva mahodarau ||
paścimāyām atho dvāri putram indrajitaṃ tathā | vyādideśa mahāmāyaṃ rākṣasair bahubhir vṛtam ||
uttarasyāṃ puradvāri vyādiśya śukasāraṇau | svayaṃ cātra bhaviṣyāmi mantriṇas tān uvāca ha ||
rākṣasaṃ tu virūpākṣaṃ mahāvīryaparākramam | madhyame 'sthāpayad gulme bahubhiḥ saha rākṣasaiḥ ||
evaṃvidhānaṃ laṅkāyāṃ kṛtvā rākṣasapuṃgavaḥ | mene kṛtārtham ātmānaṃ kṛtāntavaśam āgataḥ ||
visarjayām āsa tataḥ sa mantriṇo; vidhānam ājñāpya purasya puṣkalam | jayāśiṣā mantragaṇena pūjito; viveśa so 'ntaḥpuram ṛddhiman mahat ||
Поняв, что Равана говорит так, разъярённый и рассерженный, Мальяван, смущённый, не произнёс ответа. Как подобает, он приветствовал царя благословением победы и, получив разрешение, ушёл в своё жилище. А Равана вместе с министрами посовещался, обдумал и устроил в Ланке несравненную защиту. Ракшас назначил Прахасту у восточных ворот; у южных ворот — двух великодоблестных, Махапаршву и Маходару. У западных ворот он назначил своего сына Индраджита, великого чародея, окружённого множеством ракшасов. Назначив Шуку и Сарану у северных городских ворот, он сказал министрам: «И я сам буду здесь». А ракшаса Вирупакшу, великой силы и доблести, он поставил в центральном отряде вместе со многими ракшасами. Устроив в Ланке такую защиту, лучший из ракшасов, уже попавший под власть смерти, счёл себя достигшим цели. Затем, приказав полное устройство города, он отпустил министров и, почтённый группой министров благословением победы, вошёл в великие богатые внутренние покои.
1853ef4d0dc9 · publicado 22 jun 2026, 0:00:00 UTC
Disponible enRUPasa de verso en verso con
Равана отвечает на пророчества гибели не покаянием, а укреплением стен. Текст прямо говорит: чувствуя себя успешным, он уже находится во власти смерти.