पूर्वं प्रहस्तः सबलो द्वारम् आसाद्य तिष्ठति । दक्षिणं च महावीर्यौ महापार्श्वमहोदरौ ॥
इन्द्रजित् पश्चिमद्वारं राक्षसैर् बहुभिर् वृतः । पट्टसासिधनुष्मद्भिः शूलमुद्गरपाणिभिः ॥
नानाप्रहरणैः शूरैर् आवृतो रावणात्मजः । राक्षसानां सहस्रैस् तु बहुभिः शस्त्रपाणिभिः ॥
युक्तः परमसंविग्नो राक्षसैर् बहुभिर् वृतः । उत्तरं नगरद्वारं रावणः स्वयम् आस्थितः ॥
विरूपाक्षस् तु महता शूलखड्गधनुष्मता । बलेन राक्षसैः सार्धं मध्यमं गुल्मम् आस्थितः ॥
एतान् एवंविधान् गुल्मांल् लङ्कायां समुदीक्ष्य ते । मामकाः सचिवाः सर्वे शीघ्रं पुनर् इहागताः ॥
गजानां च सहस्रं च रथानाम् अयुतं पुरे । हयानाम् अयुते द्वे च साग्रकोटी च रक्षसाम् ॥
विक्रान्ता बलवन्तश् च संयुगेष्व् आततायिनः । इष्टा राक्षसराजस्य नित्यम् एते निशाचराः ॥
एकैकस्यात्र युद्धार्थे राक्षसस्य विशां पते । परिवारः सहस्राणां सहस्रम् उपतिष्ठते ॥
एतां प्रवृत्तिं लङ्कायां मन्त्रिप्रोक्तं विभीषणः । रामं कमलपत्राक्षम् इदम् उत्तरम् अब्रवीत् ॥
pūrvaṃ prahastaḥ sabalo dvāram āsādya tiṣṭhati | dakṣiṇaṃ ca mahāvīryau mahāpārśvamahodarau ||
indrajit paścimadvāraṃ rākṣasair bahubhir vṛtaḥ | paṭṭasāsidhanuṣmadbhiḥ śūlamudgarapāṇibhiḥ ||
nānāpraharaṇaiḥ śūrair āvṛto rāvaṇātmajaḥ | rākṣasānāṃ sahasrais tu bahubhiḥ śastrapāṇibhiḥ ||
yuktaḥ paramasaṃvigno rākṣasair bahubhir vṛtaḥ | uttaraṃ nagaradvāraṃ rāvaṇaḥ svayam āsthitaḥ ||
virūpākṣas tu mahatā śūlakhaḍgadhanuṣmatā | balena rākṣasaiḥ sārdhaṃ madhyamaṃ gulmam āsthitaḥ ||
etān evaṃvidhān gulmāṃl laṅkāyāṃ samudīkṣya te | māmakāḥ sacivāḥ sarve śīghraṃ punar ihāgatāḥ ||
gajānāṃ ca sahasraṃ ca rathānām ayutaṃ pure | hayānām ayute dve ca sāgrakoṭī ca rakṣasām ||
vikrāntā balavantaś ca saṃyugeṣv ātatāyinaḥ | iṣṭā rākṣasarājasya nityam ete niśācarāḥ ||
ekaikasyātra yuddhārthe rākṣasasya viśāṃ pate | parivāraḥ sahasrāṇāṃ sahasram upatiṣṭhate ||
etāṃ pravṛttiṃ laṅkāyāṃ mantriproktaṃ vibhīṣaṇaḥ | rāmaṃ kamalapatrākṣam idam uttaram abravīt ||
«Прахаста с войском стоит, заняв восточные ворота; южные — два великодоблестных, Махапаршва и Маходара. Индраджит, сын Раваны, окружённый множеством ракшасов, имеющих топоры, мечи, луки, копья и булавы в руках, занимает западные ворота. Его окружают герои с различным оружием и многие тысячи ракшасов с оружием в руках. Очень встревоженный Равана сам занял северные городские ворота, окружённый множеством ракшасов. А Вирупакша с великим войском, вооружённым копьями, мечами и луками, вместе с ракшасами занял центральный отряд. Осмотрев такие отряды в Ланке, все мои советники быстро вернулись сюда. В городе тысяча слонов, десять тысяч колесниц, двадцать тысяч коней и больше коти ракшасов. Эти ночные странники доблестны, сильны и напористы в сражениях; они всегда дороги царю ракшасов. О владыка людей, при каждом ракшасе для битвы стоит окружение в тысячу тысяч». Рассказав эту весть о Ланке, полученную от советников, Вибхишана сказал лотосоокому Раме ещё и следующее.
cdeef93b458c · publicado 22 jun 2026, 0:00:00 UTC
Disponible enRUPasa de verso en verso con
Ланка выглядит укреплённой и численно мощной, но доклад Вибхишаны делает её защиту прозрачной. Скрытая сила Раваны становится картой для Рамы.