शिखरं तु त्रिकूटस्य प्रांशु चैकं दिविस्पृशम् । समन्तात् पुष्पसंछन्नं महारजतसंनिभम् ॥
शतयोजनविस्तीर्णं विमलं चारुदर्शनम् । श्लक्ष्णं श्रीमन् महच् चैव दुष्प्रापं शकुनैर् अपि ॥
मनसापि दुरारोहं किं पुनः कर्मणा जनैः । निविष्टा तत्र शिखरे लङ्का रावणपालिता ॥
सा पुरी गोपुरैर् उच्चैः पाण्डुराम्बुदसंनिभैः । काञ्चनेन च सालेन राजतेन च शोभिता ॥
प्रासादैश् च विमानैश् च लङ्का परमभूषिता । घनैर् इवातपापाये मध्यमं वैष्णवं पदम् ॥
यस्यां स्तम्भसहस्रेण प्रासादः समलंकृतः । कैलासशिखराकारो दृश्यते खम् इवोल्लिखन् ॥
चैत्यः स राक्षसेन्द्रस्य बभूव पुरभूषणम् । शतेन रक्षसां नित्यं यः समग्रेण रक्ष्यते ॥
तां समृद्धां समृद्धार्थो लक्ष्मीवांल् लक्ष्मणाग्रजः । रावणस्य पुरीं रामो ददर्श सह वानरैः ॥
तां रत्नपूर्णां बहुसंविधानां; प्रासादमालाभिर् अलंकृतां च । पुरीं महायन्त्रकवाटमुख्यां; ददर्श रामो महता बलेन ॥
śikharaṃ tu trikūṭasya prāṃśu caikaṃ divispṛśam | samantāt puṣpasaṃchannaṃ mahārajatasaṃnibham ||
śatayojanavistīrṇaṃ vimalaṃ cārudarśanam | ślakṣṇaṃ śrīman mahac caiva duṣprāpaṃ śakunair api ||
manasāpi durārohaṃ kiṃ punaḥ karmaṇā janaiḥ | niviṣṭā tatra śikhare laṅkā rāvaṇapālitā ||
sā purī gopurair uccaiḥ pāṇḍurāmbudasaṃnibhaiḥ | kāñcanena ca sālena rājatena ca śobhitā ||
prāsādaiś ca vimānaiś ca laṅkā paramabhūṣitā | ghanair ivātapāpāye madhyamaṃ vaiṣṇavaṃ padam ||
yasyāṃ stambhasahasreṇa prāsādaḥ samalaṃkṛtaḥ | kailāsaśikharākāro dṛśyate kham ivollikhan ||
caityaḥ sa rākṣasendrasya babhūva purabhūṣaṇam | śatena rakṣasāṃ nityaṃ yaḥ samagreṇa rakṣyate ||
tāṃ samṛddhāṃ samṛddhārtho lakṣmīvāṃl lakṣmaṇāgrajaḥ | rāvaṇasya purīṃ rāmo dadarśa saha vānaraiḥ ||
tāṃ ratnapūrṇāṃ bahusaṃvidhānāṃ; prāsādamālābhir alaṃkṛtāṃ ca | purīṃ mahāyantrakavāṭamukhyāṃ; dadarśa rāmo mahatā balena ||
Одна высокая вершина Трикута, касающаяся неба, была со всех сторон покрыта цветами и подобна великому серебру. Она была шириной в сто йоджан, чистая, прекрасная видом, гладкая, великолепная и великая; труднодостижимая даже для птиц, трудная для восхождения даже умом — что уж говорить о людях действием. На этой вершине была расположена Ланка, охраняемая Раваной. Этот город был украшен высокими воротными башнями, подобными белым облакам, золотой и серебряной стеной. Ланка была в высшей степени украшена дворцами и воздушными дворцами, словно средняя обитель Вишну облаками при уходе солнечного жара. В ней виднелся дворец, украшенный тысячей колонн, формой подобный вершине Кайласы и словно рассекающий небо. То святилище царя ракшасов было украшением города и постоянно охранялось полной сотней ракшасов. Рама, старший брат Лакшманы, наделённый удачей и достигший цели, вместе с ванарами увидел этот процветающий город Раваны: полный драгоценностей, многоустроенный, украшенный рядами дворцов, с великими машинами и главными воротами, увидел его с великим войском.
b03adaed2ddc · publicado 22 jun 2026, 0:00:00 UTC
Disponible enRUPasa de verso en verso con
Ланка стоит почти недостижимой, как город в небе. Но Рама уже видит её ясно; то, что казалось неприступным, теперь стало объектом праведного действия.