ततो ऽङ्गदं परिक्षिप्तं त्रिभिर् नैरृतपुंगवैः । हनूमान् अपि विज्ञाय नीलश् चापि प्रतस्थतुः ॥
ततश् चिक्षेप शैलाग्रं नीलस् त्रिशिरसे तदा । तद् रावणसुतो धीमान् बिभेद निशितैः शरैः ॥
तद् बाणशतनिर्भिन्नं विदारितशिलातलम् । सविस्फुलिङ्गं सज्वालं निपपात गिरेः शिरः ॥
ततो जृम्भितम् आलोक्य हर्षाद् देवान्तकस् तदा । परिघेणाभिदुद्राव मारुतात्मजम् आहवे ॥
तम् आपतन्तम् उत्पत्य हनूमान् मारुतात्मजः । आजघान तदा मूर्ध्नि वज्रवेगेन मुष्टिना ॥
स मुष्टिनिष्पिष्टविकीर्णमूर्धा; निर्वान्तदन्ताक्षिविलम्बिजिह्वः । देवान्तको राक्षसराजसूनुर्; गतासुर् उर्व्यां सहसा पपात ॥
तस्मिन् हते राक्षसयोधमुख्ये; महाबले संयति देवशत्रौ । क्रुद्धस् त्रिमूर्धा निशिताग्रम् उग्रं; ववर्ष नीलोरसि बाणवर्षम् ॥
स तैः शरौघैर् अभिवर्ष्यमाणो; विभिन्नगात्रः कपिसैन्यपालः । नीलो बभूवाथ विसृष्टगात्रो; विष्टम्भितस् तेन महाबलेन ॥
ततस् तु नीलः प्रतिलभ्य संज्ञां; शैलं समुत्पाट्य सवृक्षषण्डम् । ततः समुत्पत्य भृशोग्रवेगो; महोदरं तेन जघान मूर्ध्नि ॥
ततः स शैलाभिनिपातभग्नो; महोदरस् तेन सह द्विपेन । विपोथितो भूमितले गतासुः; पपात वर्जाभिहतो यथाद्रिः ॥
tato 'ṅgadaṃ parikṣiptaṃ tribhir nairṛtapuṃgavaiḥ | hanūmān api vijñāya nīlaś cāpi pratasthatuḥ ||
tataś cikṣepa śailāgraṃ nīlas triśirase tadā | tad rāvaṇasuto dhīmān bibheda niśitaiḥ śaraiḥ ||
tad bāṇaśatanirbhinnaṃ vidāritaśilātalam | savisphuliṅgaṃ sajvālaṃ nipapāta gireḥ śiraḥ ||
tato jṛmbhitam ālokya harṣād devāntakas tadā | parigheṇābhidudrāva mārutātmajam āhave ||
tam āpatantam utpatya hanūmān mārutātmajaḥ | ājaghāna tadā mūrdhni vajravegena muṣṭinā ||
sa muṣṭiniṣpiṣṭavikīrṇamūrdhā; nirvāntadantākṣivilambijihvaḥ | devāntako rākṣasarājasūnur; gatāsur urvyāṃ sahasā papāta ||
tasmin hate rākṣasayodhamukhye; mahābale saṃyati devaśatrau | kruddhas trimūrdhā niśitāgram ugraṃ; vavarṣa nīlorasi bāṇavarṣam ||
sa taiḥ śaraughair abhivarṣyamāṇo; vibhinnagātraḥ kapisainyapālaḥ | nīlo babhūvātha visṛṣṭagātro; viṣṭambhitas tena mahābalena ||
tatas tu nīlaḥ pratilabhya saṃjñāṃ; śailaṃ samutpāṭya savṛkṣaṣaṇḍam | tataḥ samutpatya bhṛśogravego; mahodaraṃ tena jaghāna mūrdhni ||
tataḥ sa śailābhinipātabhagno; mahodaras tena saha dvipena | vipothito bhūmitale gatāsuḥ; papāta varjābhihato yathādriḥ ||
Поняв, что Ангада окружён тремя быками найрритов, Хануман и Нила выступили ему на помощь. Нила метнул в Триширу вершину горы, но разумный сын Раваны разбил её острыми стрелами; пробитая сотнями стрел, с расколотым камнем, искрами и пламенем, вершина горы упала. Увидев этот простор для удара, Девантака обрадовался и с дубиной бросился на сына Марута. Когда он налетел, Хануман вскочил и ударил его в голову кулаком, быстрым как ваджра. Сын царя ракшасов Девантака, с раздробленной головой, выбитыми зубами и глазами, со свесившимся языком, внезапно бездыханным упал на землю. Когда этот могучий враг богов, главный воин ракшасов, был убит в бою, разгневанный Трёхглавый осыпал грудь Нилы страшным дождём остронаконечных стрел. Осыпаний потоками стрел, с рассечённым телом, хранитель войска обезьян Нила обмяк, оглушённый этим могучим воином. Но затем Нила пришёл в сознание, вырвал гору вместе с чащей деревьев, вскочил с крайне страшной скоростью и ударил ею Маходару в голову. Разбитый ударом горы, Маходара вместе со своим слоном, расплющенный на земле и лишённый жизни, упал как гора, поражённая ваджрой.
a42742e5ae3a · publicado 22 jun 2026, 0:00:00 UTC
Disponible enRUPasa de verso en verso con
Помощь приходит не как внешний героизм ради славы, а как верность товарищу в деле Рамы. Хануман и Нила действуют без промедления: когда служение требует защиты другого, решимость становится мгновенной.