स तौ प्रसार्योरगभोगकल्पौ; भुजौ भुजंगारिनिकाशवीर्यः । जगाम मेरुं नगराजम् अग्र्यं; दिशः प्रकर्षन्न् इव वायुसूनुः ॥
स सागरं घूर्णितवीचिमालं; तदा भृशं भ्रामितसर्वसत्त्वम् । समीक्षमाणः सहसा जगाम; चक्रं यथा विष्णुकराग्रमुक्तम् ॥
स पर्वतान् वृक्षगणान् सरांसि; नदीस् तटाकानि पुरोत्तमानि । स्फीताञ्जनांस् तान् अपि संप्रपश्यञ्; जगाम वेगात् पितृतुल्यवेगः ॥
आदित्यपथम् आश्रित्य जगाम स गतश्रमः । स ददर्श हरिश्रेष्ठो हिमवन्तं नगोत्तमम् ॥
नानाप्रस्रवणोपेतं बहुकंदरनिर्झरम् । श्वेताभ्रचयसंकाशैः शिखरैश् चारुदर्शनैः ॥
स तं समासाद्य महानगेन्द्रम्; अतिप्रवृद्धोत्तमघोरशृङ्गम् । ददर्श पुण्यानि महाश्रमाणि; सुरर्षिसंघोत्तमसेवितानि ॥
स ब्रह्मकोशं रजतालयं च; शक्रालयं रुद्रशरप्रमोक्षम् । हयाननं ब्रह्मशिरश् च दीप्तं; ददर्श वैवस्वत किंकरांश् च ॥
वज्रालयं वैश्वरणालयं च; सूर्यप्रभं सूर्यनिबन्धनं च । ब्रह्मासनं शंकरकार्मुकं च; ददर्श नाभिं च वसुंधरायाः ॥
कैलासम् अग्र्यं हिमवच्छिलां च; तथर्षभं काञ्चनशैलम् अग्र्यम् । स दीप्तसर्वौषधिसंप्रदीप्तं; ददर्श सर्वौषधिपर्वतेन्द्रम् ॥
स तं समीक्ष्यानलरश्मिदीप्तं; विसिष्मिये वासवदूतसूनुः । आप्लुत्य तं चौषधिपर्वतेन्द्रं; तत्रौषधीनां विचयं चकार ॥
sa tau prasāryoragabhogakalpau; bhujau bhujaṃgārinikāśavīryaḥ | jagāma meruṃ nagarājam agryaṃ; diśaḥ prakarṣann iva vāyusūnuḥ ||
sa sāgaraṃ ghūrṇitavīcimālaṃ; tadā bhṛśaṃ bhrāmitasarvasattvam | samīkṣamāṇaḥ sahasā jagāma; cakraṃ yathā viṣṇukarāgramuktam ||
sa parvatān vṛkṣagaṇān sarāṃsi; nadīs taṭākāni purottamāni | sphītāñjanāṃs tān api saṃprapaśyañ; jagāma vegāt pitṛtulyavegaḥ ||
ādityapatham āśritya jagāma sa gataśramaḥ | sa dadarśa hariśreṣṭho himavantaṃ nagottamam ||
nānāprasravaṇopetaṃ bahukaṃdaranirjharam | śvetābhracayasaṃkāśaiḥ śikharaiś cārudarśanaiḥ ||
sa taṃ samāsādya mahānagendram; atipravṛddhottamaghoraśṛṅgam | dadarśa puṇyāni mahāśramāṇi; surarṣisaṃghottamasevitāni ||
sa brahmakośaṃ rajatālayaṃ ca; śakrālayaṃ rudraśarapramokṣam | hayānanaṃ brahmaśiraś ca dīptaṃ; dadarśa vaivasvata kiṃkarāṃś ca ||
vajrālayaṃ vaiśvaraṇālayaṃ ca; sūryaprabhaṃ sūryanibandhanaṃ ca | brahmāsanaṃ śaṃkarakārmukaṃ ca; dadarśa nābhiṃ ca vasuṃdharāyāḥ ||
kailāsam agryaṃ himavacchilāṃ ca; tatharṣabhaṃ kāñcanaśailam agryam | sa dīptasarvauṣadhisaṃpradīptaṃ; dadarśa sarvauṣadhiparvatendram ||
sa taṃ samīkṣyānalaraśmidīptaṃ; visiṣmiye vāsavadūtasūnuḥ | āplutya taṃ cauṣadhiparvatendraṃ; tatrauṣadhīnāṃ vicayaṃ cakāra ||
Распростерев две руки, подобные змеиным кольцам, сын Ваю, мощью похожий на врага змей, двинулся к Меру, лучшему царю гор, словно притягивая к себе стороны света. Он стремительно пролетел над океаном с колышущейся гирляндой волн, сильно взволновавшим всех существ, как диск, выпущенный из руки Вишну. Скоростью равный своему отцу, он летел, полностью видя горы, группы деревьев, озёра, реки, пруды, лучшие города и богатые Анджаны. Приняв путь солнца, он шёл без усталости и увидел Химаван, лучшую гору, с разными ручьями, множеством пещер и водопадов, с прекрасными вершинами, подобными скоплениям белых облаков. Достигнув этой великой царской горы с чрезвычайно высокими, прекрасными и страшными вершинами, он увидел святые великие обители, посещаемые лучшими сонмами божественных риши. Он увидел Брахмакошу, серебряную обитель, обитель Шакры, место выпуска стрелы Рудры, Хаянану, сияющий Брахмаширас и слуг Вайвасваты. Он увидел обитель ваджры, обитель Вайшраваны, Сурьяпрабху, Сурьянибандхану, сиденье Брахмы, лук Шанкары и пуп земли. Он увидел превосходный Кайлас, камень Химавана, Ришабху, превосходную золотую гору, и царя гор всех трав, ярко освещённого сиянием всех целебных растений. Увидев эту гору, сияющую лучами огня, сын посланца Васавы удивился; прыгнув на царя гор целебных трав, он начал искать там растения.
e44cebaf1600 · publicado 22 jun 2026, 0:00:00 UTC
Disponible enRUPasa de verso en verso con
Полёт Ханумана раскрывает масштаб служения: ради Рамы он пересекает океан, небесный путь и святые горные области. Мир не препятствует ему, а становится пространством для исполнения поручения.