एवम् उक्ता समुत्पत्य सीता शशिनिभानना । प्रहर्षेणावरुद्धा सा व्याजहार न किं चन ॥
अब्रवीच् च हरिश्रेष्ठः सीताम् अप्रतिजल्पतीम् । किं त्वं चिन्तयसे देवि किं च मां नाभिभाषसे ॥
एवम् उक्ता हनुमता सीता धर्मे व्यवस्थिता । अब्रवीत् परमप्रिता हर्षगद्गदया गिरा ॥
प्रियम् एतद् उपश्रुत्य भर्तुर् विजयसंश्रितम् । प्रहर्षवशम् आपन्ना निर्वाक्यास्मि क्षणान्तरम् ॥
न हि पश्यामि सदृशं चिन्तयन्ती प्लवंगम । मत्प्रियाख्यानकस्येह तव प्रत्यभिनन्दनम् ॥
न च पश्यामि तत् सौम्य पृथिव्याम् अपि वानर । सदृशं मत्प्रियाख्याने तव दातुं भवेत् समम् ॥
हिरण्यं वा सुवर्णं वा रत्नानि विविधानि च । राज्यं वा त्रिषु लोकेषु नैतद् अर्हति भाषितुम् ॥
evam uktā samutpatya sītā śaśinibhānanā | praharṣeṇāvaruddhā sā vyājahāra na kiṃ cana ||
abravīc ca hariśreṣṭhaḥ sītām apratijalpatīm | kiṃ tvaṃ cintayase devi kiṃ ca māṃ nābhibhāṣase ||
evam uktā hanumatā sītā dharme vyavasthitā | abravīt paramapritā harṣagadgadayā girā ||
priyam etad upaśrutya bhartur vijayasaṃśritam | praharṣavaśam āpannā nirvākyāsmi kṣaṇāntaram ||
na hi paśyāmi sadṛśaṃ cintayantī plavaṃgama | matpriyākhyānakasyeha tava pratyabhinandanam ||
na ca paśyāmi tat saumya pṛthivyām api vānara | sadṛśaṃ matpriyākhyāne tava dātuṃ bhavet samam ||
hiraṇyaṃ vā suvarṇaṃ vā ratnāni vividhāni ca | rājyaṃ vā triṣu lokeṣu naitad arhati bhāṣitum ||
Услышав это, лунеподобноликая Сита поднялась, но, охваченная радостью, не смогла произнести ни слова. Тогда лучший из обезьян сказал Сите, которая не отвечала: «Госпожа, о чём ты думаешь? Почему ты не говоришь со мной?» Сита, утверждённая в дхарме, чрезвычайно довольная, ответила Хануману голосом, прерывающимся от радости: «Услышав эту дорогую весть о победе моего мужа, я на мгновение попала во власть восторга и лишилась слов. Обезьяна, размышляя, я не вижу здесь достойного ответного приветствия тебе за эту дорогую для меня весть. Милый ванара, даже на земле я не вижу ничего равного, что можно было бы дать тебе за такую дорогую весть. Ни золото, ни чистое золото, ни различные драгоценности, ни даже царство в трёх мирах не достойны быть названными наградой».
b2274a954a8c · publicado 22 jun 2026, 0:00:00 UTC
Disponible enRUPasa de verso en verso con
Сита встречает победу не шумом, а молчанием переполненного сердца. Хануман принёс ей то, чему нет цены в мире: весть о Раме, о верности обета и о конце разлуки.