एवम् उक्तस् तु वैदेह्या प्रत्युवाच प्लवंगमः । प्रगृहीताञ्जलिर् वाक्यं सीतायाः प्रमुखे स्थितः ॥
भर्तुः प्रियहिते युक्ते भर्तुर् विजयकाङ्क्षिणि । स्निग्धम् एवंविधं वाक्यं त्वम् एवार्हसि भाषितुम् ॥
तवैतद् वचनं सौम्ये सारवत् स्निग्धम् एव च । रत्नौघाद् विविधाच् चापि देवराज्याद् विशिष्यते ॥
अर्थतश् च मया प्राप्ता देवराज्यादयो गुणाः । हतशत्रुं विजयिनं रामं पश्यामि यत् स्थितम् ॥
इमास् तु खलु राक्षस्यो यदि त्वम् अनुमन्यसे । हन्तुम् इच्छाम्य् अहं सर्वा याभिस् त्वं तर्जिता पुरा ॥
क्लिश्यन्तीं पतिदेवां त्वाम् अशोकवनिकां गताम् । घोररूपसमाचाराः क्रूराः क्रूरतरेक्षणाः ॥
राक्षस्यो दारुणकथा वरम् एतं प्रयच्छ मे । इच्छामि विविधैर् घातैर् हन्तुम् एताः सुदारुणाः ॥
मुष्टिभिः पाणिभिश् चैव चरणैश् चैव शोभने । घोरैर् जानुप्रहारैश् च दशनानां च पातनैः ॥
भक्षणैः कर्णनासानां केशानां लुञ्चनैस् तथा । भृशं शुष्कमुखीभिश् च दारुणैर् लङ्घनैर् हतैः ॥
एवंप्रकारैर् बहुभिर् विप्रकारैर् यशस्विनि । हन्तुम् इच्छाम्य् अहं देवि तवेमाः कृतकिल्बिषाः ॥
evam uktas tu vaidehyā pratyuvāca plavaṃgamaḥ | pragṛhītāñjalir vākyaṃ sītāyāḥ pramukhe sthitaḥ ||
bhartuḥ priyahite yukte bhartur vijayakāṅkṣiṇi | snigdham evaṃvidhaṃ vākyaṃ tvam evārhasi bhāṣitum ||
tavaitad vacanaṃ saumye sāravat snigdham eva ca | ratnaughād vividhāc cāpi devarājyād viśiṣyate ||
arthataś ca mayā prāptā devarājyādayo guṇāḥ | hataśatruṃ vijayinaṃ rāmaṃ paśyāmi yat sthitam ||
imās tu khalu rākṣasyo yadi tvam anumanyase | hantum icchāmy ahaṃ sarvā yābhis tvaṃ tarjitā purā ||
kliśyantīṃ patidevāṃ tvām aśokavanikāṃ gatām | ghorarūpasamācārāḥ krūrāḥ krūratarekṣaṇāḥ ||
rākṣasyo dāruṇakathā varam etaṃ prayaccha me | icchāmi vividhair ghātair hantum etāḥ sudāruṇāḥ ||
muṣṭibhiḥ pāṇibhiś caiva caraṇaiś caiva śobhane | ghorair jānuprahāraiś ca daśanānāṃ ca pātanaiḥ ||
bhakṣaṇaiḥ karṇanāsānāṃ keśānāṃ luñcanais tathā | bhṛśaṃ śuṣkamukhībhiś ca dāruṇair laṅghanair hataiḥ ||
evaṃprakārair bahubhir viprakārair yaśasvini | hantum icchāmy ahaṃ devi tavemāḥ kṛtakilbiṣāḥ ||
Так отвеченный Вайдехи, Хануман, стоя перед Ситой со сложенными ладонями, сказал: «Только ты, устремлённая к дорогому и благому для мужа и желающая победы мужа, достойна произнести такие нежные слова. Кроткая, это твоё слово, содержательное и нежное, превосходит поток различных драгоценностей и даже царство богов. По сути, я уже получил блага, начиная с царства богов, потому что вижу Раму стоящим победоносно, убившим врага. Но если ты разрешишь, я хочу убить всех этих ракшаси, которыми ты прежде была запугана. Они мучили тебя, чтящую мужа как бога, когда ты находилась в роще Ашоки. Эти ракшаси страшны обликом и поведением, жестоки, с ещё более жестокими взглядами и жестокими речами. Дай мне эту милость: я хочу различными ударами убить этих ужасно жестоких. Прекрасная, кулаками, руками, ногами, страшными ударами коленей, выбиванием зубов, откусыванием ушей и носов, вырыванием волос, жестокими ударами и топтанием — такими многими видами расправ, славная госпожа, я хочу убить этих, совершивших перед тобой вину».
1a5f5f49ebbc · publicado 22 jun 2026, 0:00:00 UTC
Disponible enRUPasa de verso en verso con
Хануман говорит как защитник, чья любовь к Сите вспыхивает праведным гневом. Но эта сарга нужна именно для того, чтобы показать: высшая чистота Ситы проявится не только в терпении страдания, но и в отказе от мести.