एवम् उक्तस् ततो रामः प्रत्युवाच विभीषणम् । रक्षसां वानराणां च सर्वेषां चोपशृण्वताम् ॥
पूजितो ऽहं त्वया वीर साचिव्येन परंतप । सर्वात्मना च चेष्टिभिः सौहृदेनोत्तमेन च ॥
न खल्व् एतन् न कुर्यां ते वचनं राक्षसेश्वर । तं तु मे भ्रातरं द्रष्टुं भरतं त्वरते मनः ॥
मां निवर्तयितुं यो ऽसौ चित्रकूटम् उपागतः । शिरसा याचतो यस्य वचनं न कृतं मया ॥
कौसल्यां च सुमित्रां च कैकेयीं च यशस्विनीम् । गुरूंश् च सुहृदश् चैव पौरांश् च तनयैः सह ॥
उपस्थापय मे क्षिप्रं विमानं राक्षसेश्वर । कृतकार्यस्य मे वासः कथं चिद् इह संमतः ॥
अनुजानीहि मां सौम्य पूजितो ऽस्मि विभीषण । मन्युर् न खलु कर्तव्यस् त्वरितस् त्वानुमानये ॥
evam uktas tato rāmaḥ pratyuvāca vibhīṣaṇam | rakṣasāṃ vānarāṇāṃ ca sarveṣāṃ copaśṛṇvatām ||
pūjito 'haṃ tvayā vīra sācivyena paraṃtapa | sarvātmanā ca ceṣṭibhiḥ sauhṛdenottamena ca ||
na khalv etan na kuryāṃ te vacanaṃ rākṣaseśvara | taṃ tu me bhrātaraṃ draṣṭuṃ bharataṃ tvarate manaḥ ||
māṃ nivartayituṃ yo 'sau citrakūṭam upāgataḥ | śirasā yācato yasya vacanaṃ na kṛtaṃ mayā ||
kausalyāṃ ca sumitrāṃ ca kaikeyīṃ ca yaśasvinīm | gurūṃś ca suhṛdaś caiva paurāṃś ca tanayaiḥ saha ||
upasthāpaya me kṣipraṃ vimānaṃ rākṣaseśvara | kṛtakāryasya me vāsaḥ kathaṃ cid iha saṃmataḥ ||
anujānīhi māṃ saumya pūjito 'smi vibhīṣaṇa | manyur na khalu kartavyas tvaritas tvānumānaye ||
Тогда Рама ответил Вибхишане, пока слушали все ракшасы и ванары: «Герой, мучитель врагов, я почтён тобой твоей помощью, твоими действиями всем сердцем и высшей дружбой. Владыка ракшасов, я, конечно, не отказался бы исполнить твоё слово. Но мой ум спешит увидеть моего брата Бхарату. Он приходил на Читракуту, чтобы вернуть меня; он просил, склонив голову, но я не исполнил его слова. Я хочу увидеть Каушалью, Сумитру, славную Кайкейи, старших, друзей и горожан вместе с их сыновьями. Владыка ракшасов, быстро представь мне колесницу. Для меня, совершившего дело, пребывание здесь едва ли приемлемо. Милый Вибхишана, отпусти меня. Я уже почтён тобой. Не следует гневаться: я спешу и прошу твоего разрешения».
d6598f88a436 · publicado 22 jun 2026, 0:00:00 UTC
Disponible enRUPasa de verso en verso con
Рама принимает любовь Вибхишаны, но не позволяет почестям задержать исполнение другого долга. Его сердце устремлено к Бхарате и матерям: победитель Ланки остаётся сыном и братом.