स तु गत्वा मधुपुरं प्रविश्य च दशाननः । न ददर्श मधुं तत्र भगिनीं तत्र दृष्टवान् ॥
सा प्रह्वा प्राञ्जलिर् भूत्वा शिरसा पादयोर् गता । तस्य राक्षसराजस्य त्रस्ता कुम्भीनसी स्वसा ॥
तां समुत्थापयाम् आस न भेतव्यम् इति ब्रुवन् । रावणो राक्षसश्रेष्ठः किं चापि करवाणि ते ॥
साब्रवीद् यदि मे राजन् प्रसन्नस् त्वं महाबल । भर्तारं न ममेहाद्य हन्तुम् अर्हसि मानद ॥
सत्यवाग् भव राजेन्द्र माम् अवेक्षस्व याचतीम् । त्वया ह्य् उक्तं महाबाहो न भेतव्यम् इति स्वयम् ॥
रावणस् त्व् अब्रवीद् धृष्टः स्वसारं तत्र संस्थिताम् । क्व चासौ तव भर्ता वै मम शीघ्रं निवेद्यताम् ॥
सह तेन गमिष्यामि सुरलोकं जयाय वै । तव कारुण्यसौहार्दान् निवृत्तो ऽस्मि मधोर् वधात् ॥
sa tu gatvā madhupuraṃ praviśya ca daśānanaḥ | na dadarśa madhuṃ tatra bhaginīṃ tatra dṛṣṭavān ||
sā prahvā prāñjalir bhūtvā śirasā pādayor gatā | tasya rākṣasarājasya trastā kumbhīnasī svasā ||
tāṃ samutthāpayām āsa na bhetavyam iti bruvan | rāvaṇo rākṣasaśreṣṭhaḥ kiṃ cāpi karavāṇi te ||
sābravīd yadi me rājan prasannas tvaṃ mahābala | bhartāraṃ na mamehādya hantum arhasi mānada ||
satyavāg bhava rājendra mām avekṣasva yācatīm | tvayā hy uktaṃ mahābāho na bhetavyam iti svayam ||
rāvaṇas tv abravīd dhṛṣṭaḥ svasāraṃ tatra saṃsthitām | kva cāsau tava bhartā vai mama śīghraṃ nivedyatām ||
saha tena gamiṣyāmi suralokaṃ jayāya vai | tava kāruṇyasauhārdān nivṛtto 'smi madhor vadhāt ||
Десятиликий пришёл в Мадхупуру и вошёл в неё, но не увидел там Мадху; там он увидел свою сестру. Испуганная Кумбхинаси, его сестра, склонилась, сложила ладони и припала головой к ногам царя ракшасов. Лучший из ракшасов Равана поднял её, говоря: «Не бойся. Что я могу сделать для тебя?» Она сказала: «О царь, если ты милостив ко мне, могучий, то не должен сегодня убивать здесь моего мужа, о дарующий честь. Будь правдив, лучший из царей, посмотри на меня, просящую: ведь ты сам сказал, могучерукий, “не бойся”». Смелый Равана сказал стоявшей там сестре: «Где твой муж? Пусть мне быстро сообщат. Из сострадания и дружбы к тебе я отказался от убийства Мадху; вместе с ним я пойду в мир богов ради победы».
a56baf4bf174 · publicado 22 jun 2026, 0:00:00 UTC
Disponible enRUPasa de verso en verso con
Просьба Кумбхинаси на мгновение останавливает мстительный порыв Раваны. Но даже милость у него тут же становится средством войны: Мадху из врага превращается в союзника для похода на небеса.