स तु दीनः परित्रस्तो महेन्द्रो रावणं प्रति । विष्णोः समीपम् आगत्य वाक्यम् एतद् उवाच ह ॥
विष्णो कथं करिष्यामो महावीर्यपराक्रम । असौ हि बलवान् रक्षो युद्धार्थम् अभिवर्तते ॥
वरप्रदानाद् बलवान् न खल्व् अन्येन हेतुना । तच् च सत्यं हि कर्तव्यं वाक्यं देव प्रजापतेः ॥
तद् यथा नमुचिर् वृत्रो बलिर् नरकशम्बरौ । त्वन् मतं समवष्टभ्य यथा दग्धास् तथा कुरु ॥
न ह्य् अन्यो देव देवानाम् आपत्सु सुमहाबल । गतिः परायणं वास्ति त्वाम् ऋते पुरुषोत्तम ॥
त्वं हि नारायणः श्रीमान् पद्मनाभः सनातनः । त्वयाहं स्थापितश् चैव देवराज्ये सनातने ॥
तद् आख्याहि यथातत्त्वं देवदेव मम स्वयम् । असिचक्रसहायस् त्वं युध्यसे संयुगे रिपुम् ॥
sa tu dīnaḥ paritrasto mahendro rāvaṇaṃ prati | viṣṇoḥ samīpam āgatya vākyam etad uvāca ha ||
viṣṇo kathaṃ kariṣyāmo mahāvīryaparākrama | asau hi balavān rakṣo yuddhārtham abhivartate ||
varapradānād balavān na khalv anyena hetunā | tac ca satyaṃ hi kartavyaṃ vākyaṃ deva prajāpateḥ ||
tad yathā namucir vṛtro balir narakaśambarau | tvan mataṃ samavaṣṭabhya yathā dagdhās tathā kuru ||
na hy anyo deva devānām āpatsu sumahābala | gatiḥ parāyaṇaṃ vāsti tvām ṛte puruṣottama ||
tvaṃ hi nārāyaṇaḥ śrīmān padmanābhaḥ sanātanaḥ | tvayāhaṃ sthāpitaś caiva devarājye sanātane ||
tad ākhyāhi yathātattvaṃ devadeva mama svayam | asicakrasahāyas tvaṃ yudhyase saṃyuge ripum ||
Но сам Махендра, удручённый и испуганный перед Раваной, пришёл к Вишну и сказал: «О Вишну, обладающий великой силой и доблестью, что нам делать? Этот могучий ракшас приближается ради битвы. Он силён из-за дарованного ему дара, а не по какой-то иной причине; и слово Праджапати, о бог, должно быть сохранено истинным. Как Намучи, Вритра, Бали, Нарака и Шамбара были сожжены благодаря твоему решению, так сделай и теперь. В бедах у богов нет другого прибежища и высшей опоры, кроме тебя, о Пурушоттама. Ты — Нараяна, исполненный Шри, Падманабха, вечный. Именно тобой я поставлен в вечном царстве богов. Поэтому сам скажи мне, Бог богов, как всё есть на самом деле: вступишь ли ты в битву с врагом, сопровождаемый мечом и диском?»
801ed4016ad4 · publicado 22 jun 2026, 0:00:00 UTC
Disponible enRUPasa de verso en verso con
Индра признаёт предел собственной власти и обращается к Нараяне как к высшему прибежищу. Важная точка здесь — истина дара Брахмы: даже защита мира должна действовать так, чтобы божественное слово не стало ложным.