कुमारान् आगताञ् श्रुत्वा चिन्ताव्याकुलितेन्द्रियः । अवाक्शिरा दीनमना द्वाःस्थं वचनम् अब्रवीत् ॥
प्रवेशय कुमारांस् त्वं मत्समीपं त्वरान्वितः । एतेषु जीवितं मह्यम् एते प्राणा बहिश्चराः ॥
आज्ञप्तास् तु नरेन्द्रेण कुमाराः शुक्लवाससः । प्रह्वाः प्राञ्जलयो भूत्वा विविशुस् ते समाहिताः ॥
ते तु दृष्ट्वा मुखं तस्य सग्रहं शशिनं यथा । संध्यागतम् इवादित्यं प्रभया परिवर्जितम् ॥
बाष्पपूर्णे च नयने दृष्ट्व रामस्य धीमतः । हतशोभां यथा पद्मं मुखं वीक्ष्य च तस्य ते ॥
ततो ऽभिवाद्य त्वरिताः पादौ रामस्य मूर्धभिः । तस्थुः समाहिताः सर्वे रामश् चाश्रूण्य् अवर्तयत् ॥
तान् परिष्वज्य बाहुभ्याम् उत्थाप्य च महाभुजः । आसनेष्व् आध्वम् इत्य् उक्त्वा ततो वाक्यं जगाद ह ॥
kumārān āgatāñ śrutvā cintāvyākulitendriyaḥ | avākśirā dīnamanā dvāḥsthaṃ vacanam abravīt ||
praveśaya kumārāṃs tvaṃ matsamīpaṃ tvarānvitaḥ | eteṣu jīvitaṃ mahyam ete prāṇā bahiścarāḥ ||
ājñaptās tu narendreṇa kumārāḥ śuklavāsasaḥ | prahvāḥ prāñjalayo bhūtvā viviśus te samāhitāḥ ||
te tu dṛṣṭvā mukhaṃ tasya sagrahaṃ śaśinaṃ yathā | saṃdhyāgatam ivādityaṃ prabhayā parivarjitam ||
bāṣpapūrṇe ca nayane dṛṣṭva rāmasya dhīmataḥ | hataśobhāṃ yathā padmaṃ mukhaṃ vīkṣya ca tasya te ||
tato 'bhivādya tvaritāḥ pādau rāmasya mūrdhabhiḥ | tasthuḥ samāhitāḥ sarve rāmaś cāśrūṇy avartayat ||
tān pariṣvajya bāhubhyām utthāpya ca mahābhujaḥ | āsaneṣv ādhvam ity uktvā tato vākyaṃ jagāda ha ||
Услышав, что царевичи пришли, Рама с чувствами, смятёнными тревогой, с опущенной головой и подавленным умом сказал привратнику: «Поспешно введи царевичей ко мне. В них моя жизнь; они — мои жизненные дыхания, ходящие вовне». По приказу царя людей царевичи в белых одеждах вошли склонённые, сосредоточенные и со сложенными ладонями. Они увидели его лицо, подобное луне с помрачением или солнцу на закате, лишённому сияния; увидели глаза мудрого Рамы, полные слёз, и его лицо, утратившее красоту, как лотос. Затем они поспешно поклонились стопам Рамы головами и все встали сосредоточенно, а Рама проливал слёзы. Могучерукий обнял их двумя руками, поднял и, сказав: «Садитесь на сиденья», затем произнёс слово.
50a8df5f9e16 · publicado 22 jun 2026, 0:00:00 UTC
Disponible enRUPasa de verso en verso con
Образ Рамы здесь не царственно холоден: его лицо помрачено, глаза полны слёз. Его дхарма не отменяет любви; именно поэтому предстоящее решение так тяжело.