युधिष्ठिर उवाच
नार्थोपभोगलिप्सार्थम् इयम् अर्थेप्सुता मम ॥
भरणार्थं तु विप्राणां ब्रह्मन् काङ्क्षे न लोभतः ॥
कथं ह्य् अस्मद्विधो ब्रह्मन् वर्तमानो गृहाश्रमे ॥
भरणं पालनं चापि न कुर्याद् अनुयायिनाम् ॥
संविभागो हि भूतानां सर्वेषाम् एव शिष्यते ॥
तथैवापचमानेभ्यः प्रदेयं गृहमेधिना ॥
तृणानि भूमिर् उदकं वाक् चतुर्थी च सूनृता ॥
सताम् एतानि गेहेषु नोच्छिद्यन्ते कदा चन ॥
देयम् आर्तस्य शयनं स्थितश्रान्तस्य चासनम् ॥
तृषितस्य च पानीयं क्षुधितस्य च भोजनम् ॥
चक्षुर् दद्यान् मनो दद्याद् वाचं दद्याच् च सूनृताम् ॥
प्रत्युद्गम्याभिगमनं कुर्यान् न्यायेन चार्चनम् ॥
अघिहोत्रम् अनड्वांश् च ज्ञातयो ऽतिथिबान्धवाः ॥
पुत्रदारभृताश् चैव निर्दहेयुर् अपूजिताः ॥
नात्मार्थं पाचयेद् अन्नं न वृथा घातयेत् पशून् ॥
न च तत् स्वयम् अश्नीयाद् विधिवद् यन् न निर्वपेत् ॥
श्वभ्यश् च श्वपचेभ्यश् च वयोभ्यश् चावपेद् भुवि ॥
वैश्वदेवं हि नामैतत् सायंप्रातर् विधीयते ॥
विघसाशी भवेत् तस्मान् नित्यं चामृतभोजनः ॥
विघसं भृत्यशेषं तु यज्ञशेषं तथामृतम् ॥
एतां यो वर्तते वृत्तिं वर्तमानो गृहाश्रमे ॥
तस्य धर्मं परं प्राहुः कथं वा विप्र मन्यसे ॥
yudhiṣṭhira uvāca
nārthopabhogalipsārtham iyam arthepsutā mama ||
bharaṇārthaṃ tu viprāṇāṃ brahman kāṅkṣe na lobhataḥ ||
kathaṃ hy asmadvidho brahman vartamāno gṛhāśrame ||
bharaṇaṃ pālanaṃ cāpi na kuryād anuyāyinām ||
saṃvibhāgo hi bhūtānāṃ sarveṣām eva śiṣyate ||
tathaivāpacamānebhyaḥ pradeyaṃ gṛhamedhinā ||
tṛṇāni bhūmir udakaṃ vāk caturthī ca sūnṛtā ||
satām etāni geheṣu nocchidyante kadā cana ||
deyam ārtasya śayanaṃ sthitaśrāntasya cāsanam ||
tṛṣitasya ca pānīyaṃ kṣudhitasya ca bhojanam ||
cakṣur dadyān mano dadyād vācaṃ dadyāc ca sūnṛtām ||
pratyudgamyābhigamanaṃ kuryān nyāyena cārcanam ||
aghihotram anaḍvāṃś ca jñātayo 'tithibāndhavāḥ ||
putradārabhṛtāś caiva nirdaheyur apūjitāḥ ||
nātmārthaṃ pācayed annaṃ na vṛthā ghātayet paśūn ||
na ca tat svayam aśnīyād vidhivad yan na nirvapet ||
śvabhyaś ca śvapacebhyaś ca vayobhyaś cāvaped bhuvi ||
vaiśvadevaṃ hi nāmaitat sāyaṃprātar vidhīyate ||
vighasāśī bhavet tasmān nityaṃ cāmṛtabhojanaḥ ||
vighasaṃ bhṛtyaśeṣaṃ tu yajñaśeṣaṃ tathāmṛtam ||
etāṃ yo vartate vṛttiṃ vartamāno gṛhāśrame ||
tasya dharmaṃ paraṃ prāhuḥ kathaṃ vā vipra manyase ||
Yudhishthira said: ‘O brahmin, my desire for means is not for the enjoyment of wealth; I desire it for the support of brahmins, not out of greed. How could one such as I, living the householder's life, fail to feed and sustain those who follow him? The sharing of food is enjoined upon all beings; and the householder must give also to those who do not cook for themselves. Grass, ground, water, and a fourth — kind speech — should never fail in the homes of good people. To the suffering one should give a bed, to the weary a seat, to the thirsty drink, to the hungry food. One should give a glance, one's mind, and gentle speech, going out to meet the guest and honoring him rightly. The agnihotra, the oxen, kinsmen, guests, relatives, children, and wives will consume with fire the one who fails to honor them. One should not cook food only for oneself, nor kill living beings in vain, nor eat oneself what has not been duly offered. For dogs, outcastes, and birds one should set food upon the ground: this is called the vaishvadeva, performed morning and evening. Therefore one should live eating the remnant and ever partaking of nectar; the remnant after the servants is called vighasa, and the remnant of sacrifice is called amrita. Whoever follows this way of life as a householder is said to hold the highest dharma. What do you think of this, O brahmin?’
243135a0c9e8 · प्रकाशित 16 जुल॰ 2026, 4:33:27 pm UTC
उपलब्ध भाषाएँRUENश्लोक बदलें इन कुंजियों से
Yudhishthira reveals an important distinction: he does not seek wealth for pleasure, but the means to fulfill his duty. The householder's dharma is to feed, to share, to welcome, to speak gently, and to remember even those standing at the edge of society. In this way possessions become not a cause for pride but an instrument of sacrifice.