ततस् तु राजा सिन्धूनां वार्द्धक्षत्रिर् महायशाः ॥
विवाहकामः शाल्वेयान् प्रयातः सो ऽभवत् तदा ॥
महता परिबर्हेण राजयोग्येन संवृतः ॥
राजभिर् बहुभिः सार्धम् उपायात् काम्यकं च सः ॥
तत्रापश्यत् प्रियां भार्यां पाण्डवानां यशस्विनीम् ॥
तिष्ठन्तीम् आश्रमद्वारि द्रौपदीं निर्जने वने ॥
विभ्राजमानां वपुषा बिभ्रतीं रूपम् उत्तमम् ॥
भ्राजयन्तीं वनोद्देशं नीलाभ्रम् इव विद्युतम् ॥
अप्सरा देवकन्या वा माया वा देवनिर्मिता ॥
इति कृत्वाञ्जलिं सर्वे ददृशुस् ताम् अनिन्दिताम् ॥
ततः स राजा सिन्धूनां वार्द्धक्षत्रिर् जयद्रथः ॥
विस्मितस् ताम् अनिन्द्याङ्गीं दृष्ट्वासीद् धृष्टमानसः ॥
स कोटिकाश्यं राजानम् अब्रवीत् काममोहितः ॥
कस्य त्व् एषानवद्याङ्गी यदि वापि न मानुषी ॥
विवाहार्थो न मे कश् चिद् इमां दृष्ट्वातिसुन्दरीम् ॥
एताम् एवाहम् आदाय गमिष्यामि स्वम् आलयम् ॥
गच्छ जानीहि सौम्यैनां कस्य का च कुतो ऽपि वा ॥
किमर्थम् आगता सुभ्रूर् इदं कण्टकितं वनम् ॥
अपि नाम वरारोहा माम् एषा लोकसुन्दरी ॥
भजेद् अद्यायतापाङ्गी सुदती तनुमध्यमा ॥
अप्य् अहं कृतकामः स्याम् इमां प्राप्य वरस्त्रियम् ॥
गच्छ जानीहि को न्व् अस्या नाथ इत्य् एव कोटिक ॥
स कोटिकाश्यस् तच् छ्रुत्वा रथात् प्रस्कन्द्य कुण्डली ॥
उपेत्य पप्रच्छ तदा क्रोष्टा व्याघ्रवधूम् इव ॥
tatas tu rājā sindhūnāṃ vārddhakṣatrir mahāyaśāḥ ||
vivāhakāmaḥ śālveyān prayātaḥ so 'bhavat tadā ||
mahatā paribarheṇa rājayogyena saṃvṛtaḥ ||
rājabhir bahubhiḥ sārdham upāyāt kāmyakaṃ ca saḥ ||
tatrāpaśyat priyāṃ bhāryāṃ pāṇḍavānāṃ yaśasvinīm ||
tiṣṭhantīm āśramadvāri draupadīṃ nirjane vane ||
vibhrājamānāṃ vapuṣā bibhratīṃ rūpam uttamam ||
bhrājayantīṃ vanoddeśaṃ nīlābhram iva vidyutam ||
apsarā devakanyā vā māyā vā devanirmitā ||
iti kṛtvāñjaliṃ sarve dadṛśus tām aninditām ||
tataḥ sa rājā sindhūnāṃ vārddhakṣatrir jayadrathaḥ ||
vismitas tām anindyāṅgīṃ dṛṣṭvāsīd dhṛṣṭamānasaḥ ||
sa koṭikāśyaṃ rājānam abravīt kāmamohitaḥ ||
kasya tv eṣānavadyāṅgī yadi vāpi na mānuṣī ||
vivāhārtho na me kaś cid imāṃ dṛṣṭvātisundarīm ||
etām evāham ādāya gamiṣyāmi svam ālayam ||
gaccha jānīhi saumyaināṃ kasya kā ca kuto 'pi vā ||
kimartham āgatā subhrūr idaṃ kaṇṭakitaṃ vanam ||
api nāma varārohā mām eṣā lokasundarī ||
bhajed adyāyatāpāṅgī sudatī tanumadhyamā ||
apy ahaṃ kṛtakāmaḥ syām imāṃ prāpya varastriyam ||
gaccha jānīhi ko nv asyā nātha ity eva koṭika ||
sa koṭikāśyas tac chrutvā rathāt praskandya kuṇḍalī ||
upetya papraccha tadā kroṣṭā vyāghravadhūm iva ||
At that time the king of the Sindhus, the illustrious son of Vriddhakshatra, Jayadratha, desiring marriage with a woman of Shalva, was journeying there. Surrounded by a great royal retinue and many kings, he approached Kamyaka. There he saw the beloved wife of the Pandavas, the illustrious Draupadi, standing at the door of the hermitage in the lonely forest. She shone in body, bearing supreme beauty, and lit up that part of the forest as lightning lights a dark cloud. All, joining their palms, gazed upon the blameless one and thought: 'Is this an apsara? A daughter of the gods? Or an illusion wrought by the gods?' Then the king of the Sindhus, the son of Vriddhakshatra, Jayadratha, seeing this woman of flawless limbs, was astonished, and his heart rejoiced. Overcome by desire, he said to King Kotikashya: 'Whose is this flawless one? Or is she perhaps not human at all? Having seen this woman of surpassing beauty, I have no more need of any other marriage. I shall take her for myself and carry her to my own home. Go, gentle one, learn about her -- whose she is, where she is from, and why this fair-browed woman has come into this thorny forest. Perhaps this finest of women, this beauty of the world, with long corners to her eyes, lovely teeth, and a slender waist, will choose me today. Perhaps I shall have my desire fulfilled, winning this excellent woman. Go, Kotika, find out who is her protector.' Hearing this, Kotikashya, wearing his earrings, leapt down from the chariot and approached to question her -- like a jackal approaching a tigress.
01bcc83280d6 · प्रकाशित 16 जुल॰ 2026, 5:28:43 pm UTC
उपलब्ध भाषाएँRUENश्लोक बदलें इन कुंजियों से
The comparison to a jackal and a tigress already passes judgment on Jayadratha's intent. He sees beauty, but does not see the sanctity of another man's wife or of the hermitage.