अर्जुन उवाच
सर्वाञ् जनपदाञ् जित्वा वित्तम् आच्छिद्य केवलम् ॥
मध्ये धनस्य तिष्ठामि तेनाहुर् मां धनंजयम् ॥
अभिप्रयामि संग्रामे यद् अहं युद्धदुर्मदान् ॥
नाजित्वा विनिवर्तामि तेन मां विजयं विदुः ॥
श्वेताः काञ्चनसंनाहा रथे युज्यन्ति मे हयाः ॥
संग्रामे युध्यमानस्य तेनाहं श्वेतवाहनः ॥
उत्तराभ्यां च पूर्वाभ्यां फल्गुनीभ्याम् अहं दिवा ॥
जातो हिमवतः पृष्ठे तेन मां फल्गुनं विदुः ॥
पुरा शक्रेण मे दत्तं युध्यतो दानवर्षभैः ॥
किरीटं मूर्ध्नि सूर्याभं तेन माहुः किरीटिनम् ॥
न कुर्यां कर्म बीभत्सं युध्यमानः कथं चन ॥
तेन देवमनुष्येषु बीभत्सुर् इति मां विदुः ॥
उभौ मे दक्षिणौ पाणी गाण्डीवस्य विकर्षणे ॥
तेन देवमनुष्येषु सव्यसाचीति मां विदुः ॥
पृथिव्यां चतुरन्तायां वर्णो मे दुर्लभः समः ॥
करोमि कर्म शुक्लं च तेन माम् अर्जुनं विदुः ॥
अहं दुरापो दुर्धर्षो दमनः पाकशासनिः ॥
तेन देवमनुष्येषु जिष्णुनामास्मि विश्रुतः ॥
कृष्ण इत्य् एव दशमं नाम चक्रे पिता मम ॥
कृष्णावदातस्य सतः प्रियत्वाद् बालकस्य वै ॥
arjuna uvāca
sarvāñ janapadāñ jitvā vittam ācchidya kevalam ||
madhye dhanasya tiṣṭhāmi tenāhur māṃ dhanaṃjayam ||
abhiprayāmi saṃgrāme yad ahaṃ yuddhadurmadān ||
nājitvā vinivartāmi tena māṃ vijayaṃ viduḥ ||
śvetāḥ kāñcanasaṃnāhā rathe yujyanti me hayāḥ ||
saṃgrāme yudhyamānasya tenāhaṃ śvetavāhanaḥ ||
uttarābhyāṃ ca pūrvābhyāṃ phalgunībhyām ahaṃ divā ||
jāto himavataḥ pṛṣṭhe tena māṃ phalgunaṃ viduḥ ||
purā śakreṇa me dattaṃ yudhyato dānavarṣabhaiḥ ||
kirīṭaṃ mūrdhni sūryābhaṃ tena māhuḥ kirīṭinam ||
na kuryāṃ karma bībhatsaṃ yudhyamānaḥ kathaṃ cana ||
tena devamanuṣyeṣu bībhatsur iti māṃ viduḥ ||
ubhau me dakṣiṇau pāṇī gāṇḍīvasya vikarṣaṇe ||
tena devamanuṣyeṣu savyasācīti māṃ viduḥ ||
pṛthivyāṃ caturantāyāṃ varṇo me durlabhaḥ samaḥ ||
karomi karma śuklaṃ ca tena mām arjunaṃ viduḥ ||
ahaṃ durāpo durdharṣo damanaḥ pākaśāsaniḥ ||
tena devamanuṣyeṣu jiṣṇunāmāsmi viśrutaḥ ||
kṛṣṇa ity eva daśamaṃ nāma cakre pitā mama ||
kṛṣṇāvadātasya sataḥ priyatvād bālakasya vai ||
Arjuna said: "Having conquered all countries and seized wealth alone, I stand amid wealth; therefore they call me Dhananjaya. When I advance into battle against those mad with war, I do not return without victory; therefore they know me as Vijaya. White horses in golden harness are yoked to my chariot when I fight in battle; therefore I am Shvetavahana. I was born by day on the ridge of the Himavat under the two Phalguni stars, the northern and the earlier; therefore they know me as Phalguna. Long ago Shakra gave me a crown, radiant as the sun, upon my head, when I fought against the bulls of the danavas; therefore they call me Kiriti. I would never commit a disgraceful act while fighting; therefore among gods and men they know me as Bibhatsu. Both my hands are as the right hand in drawing the Gandiva; therefore among gods and men they know me as Savyasachin. On the four-cornered earth a complexion equal to mine is hard to find, and I perform pure deeds; therefore they know me as Arjuna. I am hard to approach, hard to overcome, a subduer, son of Pakashasana; therefore among gods and men I am renowned by the name Jishnu. And the tenth name, Krishna, my father gave me out of love for the child, who was dark and fair."
d676015f6207 · प्रकाशित 16 जुल॰ 2026, 6:23:49 pm UTC
उपलब्ध भाषाएँRUENश्लोक बदलें इन कुंजियों से
Arjuna ties his renown to a moral measure: victory, purity of action, mastery of both hands, refusal of base deeds. His names speak not only of strength but of self-control.