कतमद् द्वैरथं युद्धं यत्राजैषीर् धनंजयम् ॥
नकुलं सहदेवं च धनं येषां त्वया हृतम् ॥
युधिष्ठिरो जितः कस्मिन् भीमश् च बलिनां वरः ॥
इन्द्रप्रस्थं त्वया कस्मिन् संग्रामे निर्जितं पुरा ॥
तथैव कतमं युद्धं यस्मिन् कृष्णा जिता त्वया ॥
एकवस्त्रा सभां नीता दुष्टकर्मन् रजस्वला ॥
मूलम् एषां महत् कृत्तं सारार्थी चन्दनं यथा ॥
कर्म कारयिथाः शूर तत्र किं विदुरो ऽब्रवीत् ॥
यथाशक्ति मनुष्याणां शमम् आलक्षयामहे ॥
अन्येषां चैव सत्त्वानाम् अपि कीटपिपीलिके ॥
द्रौपद्यास् तं परिक्लेशं न क्षन्तुं पाण्डवो ऽर्हति ॥
दुःखाय धार्तराष्ट्राणां प्रादुर्भूतो धनंजयः ॥
त्वं पुनः पण्डितो भूत्वा वाचं वक्तुम् इहेच्छसि ॥
वैरान्तकरणो जिष्णुर् न नः शेषं करिष्यति ॥
katamad dvairathaṃ yuddhaṃ yatrājaiṣīr dhanaṃjayam ||
nakulaṃ sahadevaṃ ca dhanaṃ yeṣāṃ tvayā hṛtam ||
yudhiṣṭhiro jitaḥ kasmin bhīmaś ca balināṃ varaḥ ||
indraprasthaṃ tvayā kasmin saṃgrāme nirjitaṃ purā ||
tathaiva katamaṃ yuddhaṃ yasmin kṛṣṇā jitā tvayā ||
ekavastrā sabhāṃ nītā duṣṭakarman rajasvalā ||
mūlam eṣāṃ mahat kṛttaṃ sārārthī candanaṃ yathā ||
karma kārayithāḥ śūra tatra kiṃ viduro 'bravīt ||
yathāśakti manuṣyāṇāṃ śamam ālakṣayāmahe ||
anyeṣāṃ caiva sattvānām api kīṭapipīlike ||
draupadyās taṃ parikleśaṃ na kṣantuṃ pāṇḍavo 'rhati ||
duḥkhāya dhārtarāṣṭrāṇāṃ prādurbhūto dhanaṃjayaḥ ||
tvaṃ punaḥ paṇḍito bhūtvā vācaṃ vaktum ihecchasi ||
vairāntakaraṇo jiṣṇur na naḥ śeṣaṃ kariṣyati ||
'In what chariot duel did you defeat Dhananjaya? In which did you defeat Nakula and Sahadeva, whose wealth you carried off? In what battle were Yudhishthira and Bhima, best among the mighty, ever defeated? In what battle did you formerly conquer Indraprastha? And in what battle did you win Krishna [Draupadi], when she, villain, was brought into the assembly clad in a single garment, in her courses? Their great root was severed, like a sandalwood tree cut down by one seeking its heartwood; you made this deed be done, hero -- but what did Vidura say then? To the best of our power we observe that peace is granted to men and to other beings alike, even to the worm and the ant. But the Pandava must not forgive that torment of Draupadi. Dhananjaya has arisen for the sorrow of the sons of Dhritarashtra. And you, having again become a wise man, wish to speak words here. Jishnu, who brings enmities to their end, will leave nothing of us remaining.'
d36c0f3fbecc · प्रकाशित 16 जुल॰ 2026, 6:27:29 pm UTC
उपलब्ध भाषाएँRUENश्लोक बदलें इन कुंजियों से
The memory of Draupadi brings the conversation back to the central wound. Ashvatthaman recognizes that an outrage against purity does not fade with time -- it demands an answer.