Vedawordएक वैदिक पुस्तकालय
खोज
प्रवेश
महाभारत
Bhagavad-gītā (015) (Purushottama Yoga)6.37.7-11
5515 / 15823
महाभारत · 6.37.7-11
॥
देवनागरी

ममैवांशो जीवलोके जीवभूतः सनातनः ॥
मनःषष्ठानीन्द्रियाणि प्रकृतिस्थानि कर्षति ॥
शरीरं यद् अवाप्नोति यच् चाप्य् उत्क्रामतीश्वरः ॥
गृहीत्वैतानि संयाति वायुर् गन्धान् इवाशयात् ॥
श्रोत्रं चक्षुः स्पर्शनं च रसनं घ्राणम् एव च ॥
अधिष्ठाय मनश् चायं विषयान् उपसेवते ॥
उत्क्रामन्तं स्थितं वापि भुञ्जानं वा गुणान्वितम् ॥
विमूढा नानुपश्यन्ति पश्यन्ति ज्ञानचक्षुषः ॥
यतन्तो योगिनश् चैनं पश्यन्त्य् आत्मन्य् अवस्थितम् ॥
यतन्तो ऽप्य् अकृतात्मानो नैनं पश्यन्त्य् अचेतसः ॥

लिप्यंतरण (IAST)

mamaivāṃśo jīvaloke jīvabhūtaḥ sanātanaḥ ||
manaḥṣaṣṭhānīndriyāṇi prakṛtisthāni karṣati ||
śarīraṃ yad avāpnoti yac cāpy utkrāmatīśvaraḥ ||
gṛhītvaitāni saṃyāti vāyur gandhān ivāśayāt ||
śrotraṃ cakṣuḥ sparśanaṃ ca rasanaṃ ghrāṇam eva ca ||
adhiṣṭhāya manaś cāyaṃ viṣayān upasevate ||
utkrāmantaṃ sthitaṃ vāpi bhuñjānaṃ vā guṇānvitam ||
vimūḍhā nānupaśyanti paśyanti jñānacakṣuṣaḥ ||
yatanto yoginaś cainaṃ paśyanty ātmany avasthitam ||
yatanto 'py akṛtātmāno nainaṃ paśyanty acetasaḥ ||

शब्दशः अर्थ
संस्कृतIASTअर्थ
ममैवांशो जीवलोकेmamaivāṃśo jīvalokeMy own fragment in the world of the living; just My part among the jivas
जीवभूतः सनातनःjīvabhūtaḥ sanātanaḥbecome a living being, eternal; eternal as the individual soul
मनःषष्ठानीन्द्रियाणिmanaḥṣaṣṭhānīndriyāṇithe senses with mind as the sixth; the organs of sense, of which mind is the sixth
प्रकृतिस्थानि कर्षतिprakṛtisthāni karṣatiabiding in prakriti, it draws; it draws along, being situated in nature
शरीरं यद् अवाप्नोतिśarīraṃ yad avāpnotiwhen it obtains a body; when it acquires a body
यच् चाप्य् उत्क्रामतीश्वरःyac cāpy utkrāmatīśvaraḥand when the lord departs; and when the master of the body leaves
गृहीत्वैतानि संयातिgṛhītvaitāni saṃyātihaving taken these, it goes on; having seized them, it is carried away
वायुर् गन्धान् इवाशयात्vāyur gandhān ivāśayātas the wind carries scents from their source; like the wind carrying fragrances from their abode
श्रोत्रं चक्षुः स्पर्शनं चśrotraṃ cakṣuḥ sparśanaṃ cahearing, sight, and touch; ear, eye, and touch
रसनं घ्राणम् एव चrasanaṃ ghrāṇam eva cataste, and smell as well; tongue and nose as well
अधिष्ठाय मनश् चायंadhiṣṭhāya manaś cāyaṃresting on the mind and these; relying on mind and these senses
विषयान् उपसेवतेviṣayān upasevateit partakes of the objects; it enjoys the objects of sense
उत्क्रामन्तं स्थितं वापिutkrāmantaṃ sthitaṃ vāpideparting or abiding; going forth, remaining
भुञ्जानं वा गुणान्वितम्bhuñjānaṃ vā guṇānvitamor enjoying, joined with the gunas; experiencing together with the gunas
विमूढा नानुपश्यन्तिvimūḍhā nānupaśyantithe deluded do not perceive; the bewildered do not behold
पश्यन्ति ज्ञानचक्षुषःpaśyanti jñānacakṣuṣaḥthose with the eye of knowledge perceive; those possessed of the eye of knowledge behold
यतन्तो योगिनश् चैनंyatanto yoginaś cainaṃstriving yogis, him; yogis, exerting themselves, him
पश्यन्त्य् आत्मन्य् अवस्थितम्paśyanty ātmany avasthitamperceive as established in the self; behold as abiding in the Atman
यतन्तो ऽप्य् अकृतात्मानोyatanto 'py akṛtātmānoeven striving but unpurified in themselves; unrestrained, though they try
नैनं पश्यन्त्य् अचेतसःnainaṃ paśyanty acetasaḥdo not perceive him, being witless; do not behold him, being devoid of reason
अनुवाद

"In the world of the living, the eternal jiva is My own fragment; abiding in prakriti, it draws along the senses together with the mind as the sixth. When the lord of the body obtains a body and when it leaves, it takes these with it, as the wind carries scents from their source. Resting on hearing, sight, touch, taste, smell, and mind, it partakes of the objects of sense. The deluded do not see it as it departs, abides, or enjoys, joined to the gunas; but those possessed of the eye of knowledge do see. Striving yogis see it established within themselves, but the unpurified and witless do not see it, however much they strive."

संस्करण

07dd3365663f · प्रकाशित 17 जुल॰ 2026, 9:02:20 pm UTC

उपलब्ध भाषाएँRUEN
पिछलाश्लोक 6.37.1-6

श्लोक बदलें इन कुंजियों से