Vedawordएक वैदिक पुस्तकालय
खोज
प्रवेश
महाभारत
Duryodhanabhīṣmasaṃvādaḥ (Duryodhana's Reproach to Bhishma)6.54.24-31
5633 / 15823
महाभारत · 6.54.24-31
॥
देवनागरी

अर्जुनस् तु ततः क्रुद्धस् तव सैन्यं विशां पते ॥
ववर्ष शरवर्षेण धाराभिर् इव तोयदः ॥
वध्यमानं ततस् तत् तु शरैः पार्थस्य संयुगे ॥
दुद्राव कौरवं सैन्यं विषादभयकम्पितम् ॥
द्रवतस् तान् समालोक्य भीष्मद्रोणौ महारथौ ॥
न्यवारयेतां संरब्धौ दुर्योधनहितैषिणौ ॥
ततो दुर्योधनो राजा समाश्वस्य विशां पते ॥
न्यवर्तयत तत् सैन्यं द्रवमाणं समन्ततः ॥
यत्र यत्र सुतं तुभ्यं यो यः पश्यति भारत ॥
तत्र तत्र न्यवर्तन्त क्षत्रियाणां महारथाः ॥
तान् निवृत्तान् समीक्ष्यैव ततो ऽन्ये ऽपीतरे जनाः ॥
अन्योन्यस्पर्धया राजंल् लज्जयान्ये ऽवतस्थिरे ॥
पुनरावर्ततां तेषां वेग आसीद् विशां पते ॥
पूर्यतः सागरस्येव चन्द्रस्योदयनं प्रति ॥
संनिवृत्तांस् ततस् तांस् तु दृष्ट्वा राजा सुयोधनः ॥
अब्रवीत् त्वरितो गत्वा भीष्मं शांतनवं वचः ॥

लिप्यंतरण (IAST)

arjunas tu tataḥ kruddhas tava sainyaṃ viśāṃ pate ||
vavarṣa śaravarṣeṇa dhārābhir iva toyadaḥ ||
vadhyamānaṃ tatas tat tu śaraiḥ pārthasya saṃyuge ||
dudrāva kauravaṃ sainyaṃ viṣādabhayakampitam ||
dravatas tān samālokya bhīṣmadroṇau mahārathau ||
nyavārayetāṃ saṃrabdhau duryodhanahitaiṣiṇau ||
tato duryodhano rājā samāśvasya viśāṃ pate ||
nyavartayata tat sainyaṃ dravamāṇaṃ samantataḥ ||
yatra yatra sutaṃ tubhyaṃ yo yaḥ paśyati bhārata ||
tatra tatra nyavartanta kṣatriyāṇāṃ mahārathāḥ ||
tān nivṛttān samīkṣyaiva tato 'nye 'pītare janāḥ ||
anyonyaspardhayā rājaṃl lajjayānye 'vatasthire ||
punarāvartatāṃ teṣāṃ vega āsīd viśāṃ pate ||
pūryataḥ sāgarasyeva candrasyodayanaṃ prati ||
saṃnivṛttāṃs tatas tāṃs tu dṛṣṭvā rājā suyodhanaḥ ||
abravīt tvarito gatvā bhīṣmaṃ śāṃtanavaṃ vacaḥ ||

शब्दशः अर्थ
संस्कृतIASTअर्थ
अर्जुनः तु ततः क्रुद्धःarjunaḥ tu tataḥ kruddhaḥArjuna, then enraged; after this, Arjuna in fury
तव सैन्यम् विशां पतेtava sainyam viśāṃ pateyour army, O lord of men; your host, O king
ववर्ष शरवर्षेणvavarṣa śaravarṣeṇashowered with a rain of arrows; covered with a downpour of arrows
धाराभिः इव तोयदःdhārābhiḥ iva toyadaḥlike a cloud with its streams; like a cloud with its torrents
वध्यमानम् ततः तत् तुvadhyamānam tataḥ tat tuthat being struck down, then; after this, that being cut down
शरैः पार्थस्य संयुगेśaraiḥ pārthasya saṃyugewith Partha's arrows in battle; with Arjuna's arrows in the fight
दुद्राव कौरवम् सैन्यम्dudrāva kauravam sainyamthe Kaurava army fled; the army of the Kurus turned to flight
विषादभयकम्पितम्viṣādabhayakampitamshaken with despair and fear; trembling with despondency
द्रवतः तान् समालोक्यdravataḥ tān samālokyaseeing them flee; looking upon them as they fled
भीष्मद्रोणौ महारथौbhīṣmadroṇau mahārathauBhishma and Drona, the great chariot-warriors; the mighty maharathas Bhishma and Drona
न्यवारयेताम् संरब्धौnyavārayetām saṃrabdhaustopped them, enraged; furiously strove to hold them back
दुर्योधनहितैषिणौduryodhanahitaiṣiṇauwishing well for Duryodhana; seeking Duryodhana's good
ततः दुर्योधनः राजाtataḥ duryodhanaḥ rājāthen king Duryodhana; after this, the ruler Duryodhana
समाश्वस्य विशां पतेsamāśvasya viśāṃ patehaving come to himself, O lord of men; having recovered, O king
न्यवर्तयत तत् सैन्यम्nyavartayata tat sainyamturned back that army; stopped this host
द्रवमाणम् समन्ततःdravamāṇam samantataḥfleeing in every direction; scattering from everywhere
यत्र यत्र सुतम् तुभ्यम्yatra yatra sutam tubhyamwherever your son; wherever your son might be
यः यः पश्यति भारतyaḥ yaḥ paśyati bhāratawhoever saw him, O Bharata; whoever caught sight of him, O Bharata
तत्र तत्र न्यवर्तन्तtatra tatra nyavartantathere and there they turned back; there they halted
क्षत्रियाणाम् महारथाःkṣatriyāṇām mahārathāḥthe great chariot-warriors of the kshatriyas; the mighty charioteers among the kshatriyas
तान् निवृत्तान् समीक्ष्य एवtān nivṛttān samīkṣya evaseeing them halted; seeing that they had turned back
ततः अन्ये अपि इतरे जनाःtataḥ anye api itare janāḥthen the other people too; after this, the rest as well
अन्योन्यस्पर्धया राजन्anyonyaspardhayā rājanout of rivalry with one another, O king; through mutual competition
लज्जया अन्ये अवतस्थिरेlajjayā anye avatasthireothers halted out of shame; some stood their ground from shame
पुनरावर्तताम् तेषाम्punarāvartatām teṣāmof those turning back again; as they turned back once more
वेगः आसीत् विशां पतेvegaḥ āsīt viśāṃ patethere was a surge, O lord of men; a momentum arose
पूर्यतः सागरस्य इवpūryataḥ sāgarasya ivalike the swelling ocean; like the rising sea
चन्द्रस्य उदयनम् प्रतिcandrasya udayanam pratiat the rising of the moon; toward the moon's ascent
संनिवृत्तान् ततः तान् तुsaṃnivṛttān tataḥ tān tuthem, having then turned back; after this, having turned back
दृष्ट्वा राजा सुयोधनःdṛṣṭvā rājā suyodhanaḥseeing, king Suyodhana; king Duryodhana, having seen
अब्रवीत् त्वरितः गत्वाabravīt tvaritaḥ gatvāsaid, having quickly approached; having hastened up, spoke
भीष्मम् शांतनवम् वचःbhīṣmam śāṃtanavam vacaḥwords to Bhishma, son of Shantanu; a speech to Bhishma, son of Shantanu
अनुवाद

Then Arjuna, enraged, O lord of men, showered your army with a rain of arrows, as a cloud pours down its torrents. Struck by Partha's arrows in battle, the Kaurava army fled, trembling with despondency and fear. Seeing them flee, Bhishma and Drona, the great chariot-warriors, wishing well for Duryodhana, furiously strove to hold them back. Then king Duryodhana, having come to himself, halted that army as it scattered in every direction, O lord of men. Wherever the kshatriya maharathas caught sight of your son, there they turned back, O Bharata. Seeing that they had halted, the other men too stood their ground — some out of rivalry with one another, others out of shame. As they turned back, their surge became like the swelling ocean rising to meet the moon at its ascent, O lord of men. Seeing that they had returned, king Suyodhana hastened up to Bhishma, son of Shantanu, and spoke to him."

संस्करण

c188e4b4222e · प्रकाशित 17 जुल॰ 2026, 9:22:45 pm UTC

उपलब्ध भाषाएँRUEN
पिछलाश्लोक 6.54.13-23

श्लोक बदलें इन कुंजियों से