Vedawordएक वैदिक पुस्तकालय
खोज
प्रवेश
महाभारत
Gāṇḍīvanirghoṣagajasaṃgharṣaḥ (The Roar of the Gāṇḍīva and the Clash of Elephants)6.67.30-41
5700 / 15823
महाभारत · 6.67.30-41
॥
देवनागरी

भग्नचक्राक्षनीडाश् च निपातितमहाध्वजाः ॥
हताश्वाः पृथिवीं जग्मुस् तत्र तत्र महारथाः ॥
परिपेतुर् हयाश् चात्र के चिच् छस्त्रकृतव्रणाः ॥
रथान् विपरिकर्षन्तो हतेषु रथयोधिषु ॥
शराहता भिन्नदेहा बद्धयोक्त्रा हयोत्तमाः ॥
युगानि पर्यकर्षन्त तत्र तत्र स्म भारत ॥
अदृश्यन्त ससूताश् च साश्वाः सरथयोधिनः ॥
एकेन बलिना राजन् वारणेन हता रथाः ॥
गन्धहस्तिमदस्रावम् आघ्राय बहवो रणे ॥
संनिपाते बलौघानां वीतम् आददिरे गजाः ॥
सतोमरमहामात्रैर् निपतद्भिर् गतासुभिः ॥
बभूवायोधनं छन्नं नाराचाभिहतैर् गजैः ॥
संनिपाते बलौघानां प्रेषितैर् वरवारणैः ॥
निपेतुर् युधि संभग्नाः सयोधाः सध्वजा रथाः ॥
नागराजोपमैर् हस्तैर् नागैर् आक्षिप्य संयुगे ॥
व्यदृश्यन्त महाराज संभग्ना रथकूबराः ॥
विशीर्णरथजालाश् च केशेष्व् आक्षिप्य दन्तिभिः ॥
द्रुमशाखा इवाविध्य निष्पिष्टा रथिनो रणे ॥
रथेषु च रथान् युद्धे संसक्तान् वरवारणाः ॥
विकर्षन्तो दिशः सर्वाः संपेतुः सर्वशब्दगाः ॥
तेषां तथा कर्षतां च गजानां रूपम् आबभौ ॥
सरःसु नलिनीजालं विषक्तम् इव कर्षताम् ॥
एवं संछादितं तत्र बभूवायोधनं महत् ॥
सादिभिश् च पदातैश् च सध्वजैश् च महारथैः ॥

लिप्यंतरण (IAST)

bhagnacakrākṣanīḍāś ca nipātitamahādhvajāḥ ||
hatāśvāḥ pṛthivīṃ jagmus tatra tatra mahārathāḥ ||
paripetur hayāś cātra ke cic chastrakṛtavraṇāḥ ||
rathān viparikarṣanto hateṣu rathayodhiṣu ||
śarāhatā bhinnadehā baddhayoktrā hayottamāḥ ||
yugāni paryakarṣanta tatra tatra sma bhārata ||
adṛśyanta sasūtāś ca sāśvāḥ sarathayodhinaḥ ||
ekena balinā rājan vāraṇena hatā rathāḥ ||
gandhahastimadasrāvam āghrāya bahavo raṇe ||
saṃnipāte balaughānāṃ vītam ādadire gajāḥ ||
satomaramahāmātrair nipatadbhir gatāsubhiḥ ||
babhūvāyodhanaṃ channaṃ nārācābhihatair gajaiḥ ||
saṃnipāte balaughānāṃ preṣitair varavāraṇaiḥ ||
nipetur yudhi saṃbhagnāḥ sayodhāḥ sadhvajā rathāḥ ||
nāgarājopamair hastair nāgair ākṣipya saṃyuge ||
vyadṛśyanta mahārāja saṃbhagnā rathakūbarāḥ ||
viśīrṇarathajālāś ca keśeṣv ākṣipya dantibhiḥ ||
drumaśākhā ivāvidhya niṣpiṣṭā rathino raṇe ||
ratheṣu ca rathān yuddhe saṃsaktān varavāraṇāḥ ||
vikarṣanto diśaḥ sarvāḥ saṃpetuḥ sarvaśabdagāḥ ||
teṣāṃ tathā karṣatāṃ ca gajānāṃ rūpam ābabhau ||
saraḥsu nalinījālaṃ viṣaktam iva karṣatām ||
evaṃ saṃchāditaṃ tatra babhūvāyodhanaṃ mahat ||
sādibhiś ca padātaiś ca sadhvajaiś ca mahārathaiḥ ||

शब्दशः अर्थ
संस्कृतIASTअर्थ
भग्नचक्राक्षनीडाः चbhagnacakrākṣanīḍāḥ cawith wheels, axles, and naves shattered; broken in wheel and axle
निपातितमहाध्वजाःnipātitamahādhvajāḥwith their great banners brought down; with standards knocked down
हताश्वाः पृथिवीम् जग्मुःhatāśvāḥ pṛthivīm jagmuḥwith horses slain, sank to the ground; collapsed onto the earth
तत्र तत्र महारथाःtatra tatra mahārathāḥthe great chariot-warriors, here and there; the mighty rathins, everywhere
परिपेतुः हयाः च अत्रparipetuḥ hayāḥ ca atraand horses ran about here; horses dashed about
के चित् शस्त्रकृतव्रणाःke cit śastrakṛtavraṇāḥsome with wounds made by weapons; wounded by weapons
रथान् विपरिकर्षन्तःrathān viparikarṣantaḥdragging the chariots about in disorder; hauling the chariots around
हतेषु रथयोधिषुhateṣu rathayodhiṣuwhen the chariot-warriors had been slain; with the rathins fallen
शराहताः भिन्नदेहाःśarāhatāḥ bhinnadehāḥstruck by arrows, their bodies torn; wounded and gashed
बद्धयोक्त्राः हयोत्तमाःbaddhayoktrāḥ hayottamāḥthe finest horses, bound by their harness; held fast by their reins
युगानि पर्यकर्षन्तyugāni paryakarṣantadragged their yokes about; hauled the yoke-poles around
तत्र तत्र स्म भारतtatra tatra sma bhāratahere and there, O Bharata; everywhere, O Bharata
अदृश्यन्त ससूताः चadṛśyanta sasūtāḥ cawere seen together with their charioteers; appeared with their drivers
साश्वाः सरथयोधिनःsāśvāḥ sarathayodhinaḥwith horses and chariot-warriors; with horses and rathins
एकेन बलिना राजन्ekena balinā rājanby a single mighty one, O king; by one powerful being
वारणेन हताः रथाःvāraṇena hatāḥ rathāḥchariots shattered by an elephant; chariots crushed by an elephant
गन्धहस्तिमदस्रावम्gandhahastimadasrāvamthe scent of flowing must from elephants; the smell of elephant ichor
आघ्राय बहवः रणेāghrāya bahavaḥ raṇehaving caught the scent, many in the battle; having sensed it in the fight
संनिपाते बलौघानाम्saṃnipāte balaughānāmin the clash of the streaming hosts; in the collision of the armies
वीतम् आददिरे गजाःvītam ādadire gajāḥthe elephants took to flight; the elephants turned away
सतोमरमहामात्रैःsatomaramahāmātraiḥtogether with their javelins and drivers; with their goads and mahouts
निपतद्भिः गतासुभिःnipatadbhiḥ gatāsubhiḥfalling, their life gone; collapsing, dead
बभूव आयोधनम् छन्नम्babhūva āyodhanam channamthe battlefield became covered; the field of battle was strewn
नाराचाभिहतैः गजैःnārācābhihataiḥ gajaiḥwith elephants struck by narachas; with elephants pierced by arrows
संनिपाते बलौघानाम्saṃnipāte balaughānāmin the clash of the streaming hosts; in the collision of the masses
प्रेषितैः वरवारणैःpreṣitaiḥ varavāraṇaiḥsent forth by the finest elephants; driven by mighty elephants
निपेतुः युधि संभग्नाःnipetuḥ yudhi saṃbhagnāḥfell shattered in the battle; collapsed, broken, in the fight
सयोधाः सध्वजाः रथाःsayodhāḥ sadhvajāḥ rathāḥchariots with their warriors and banners; chariots with fighters and standards
नागराजोपमैः हस्तैःnāgarājopamaiḥ hastaiḥwith trunks like kings of serpents; with serpent-king-like trunks
नागैः आक्षिप्य संयुगेnāgaiḥ ākṣipya saṃyugeseized by elephants in the battle; the elephants, having seized
व्यदृश्यन्त महाराजvyadṛśyanta mahārājawere seen, O great king; could be seen
संभग्नाः रथकूबराःsaṃbhagnāḥ rathakūbarāḥthe shattered bodies of chariots; the broken frames of chariots
विशीर्णरथजालाः चviśīrṇarathajālāḥ caand the scattered ranks of chariots; the broken-up array of chariots
केशेषु आक्षिप्य दन्तिभिःkeśeṣu ākṣipya dantibhiḥseized by the hair by the elephants; caught by their hair by the elephants
द्रुमशाखाः इव आविध्यdrumaśākhāḥ iva āvidhyahurled about like branches of trees; like tree branches
निष्पिष्टाः रथिनः रणेniṣpiṣṭāḥ rathinaḥ raṇethe chariot-warriors crushed in battle; the charioteers ground down
रथेषु च रथान् युद्धेratheṣu ca rathān yuddheand chariots against chariots in the fight; chariots upon chariots
संसक्तान् वरवारणाःsaṃsaktān varavāraṇāḥlocked together, the finest elephants; mighty elephants
विकर्षन्तः दिशः सर्वाःvikarṣantaḥ diśaḥ sarvāḥdragging them off in every direction; hauling them in all directions
संपेतुः सर्वशब्दगाःsaṃpetuḥ sarvaśabdagāḥrushed about with every kind of roar; dashed about, thundering
तेषाम् तथा कर्षताम् चteṣām tathā karṣatām caof those thus dragging them; of those hauling them
गजानाम् रूपम् आबभौgajānām rūpam ābabhauthe elephants presented a likeness; the appearance of the elephants was
सरःसु नलिनीजालम्saraḥsu nalinījālama mass of lotuses in a lake; a growth of lotuses in the waters
विषक्तम् इव कर्षताम्viṣaktam iva karṣatāmlike those dragging a tangled mass; as if hauling something entangled
एवम् संछादितम् तत्रevam saṃchāditam tatrathus covered there; strewn in this way
बभूव आयोधनम् महत्babhūva āyodhanam mahatthe great battlefield became; the vast field of battle was
सादिभिः च पदातैः चsādibhiḥ ca padātaiḥ cawith horsemen and foot soldiers; with cavalry and infantry
सध्वजैः च महारथैःsadhvajaiḥ ca mahārathaiḥand with banner-bearing great chariot-warriors; with mighty rathins and their standards
अनुवाद

Everywhere the great chariot-warriors, their wheels, axles, and naves shattered, their great banners brought down, their horses slain, sank to the ground. Horses ran about here, some wounded by weapons; when the chariot-warriors had fallen, they dragged the chariots about in disorder. The finest horses, struck by arrows, their bodies torn, bound still by their harness, dragged their yokes about everywhere, O Bharata. Chariots, together with their charioteers, horses, and warriors, were seen shattered by a single mighty elephant, O king. Many elephants in the battle, having caught the scent of flowing must from other elephants amid the clash of the streaming hosts, turned and fled. The battlefield became covered with elephants struck by narachas, falling dead together with their drivers and javelins. In the clash of the streaming hosts, chariots with their warriors and banners, shattered by the mighty elephants sent against them, fell in battle. O great king, the shattered frames of chariots could be seen, which the elephants, in the fight, seized with trunks like the kings of serpents. Chariot-warriors, torn from the broken ranks of chariots and seized by the hair by the elephants, were hurled about like branches of trees and crushed in the battle. The mighty elephants, dragging off in every direction the chariots locked together in battle, rushed about with a deafening roar. The elephants, hauling the chariots thus, had the appearance of those who drag a tangled mass of lotuses in a lake. So the great battlefield was covered everywhere with horsemen, foot soldiers, and great chariot-warriors bearing their banners.'

संस्करण

723f469ebe43 · प्रकाशित 17 जुल॰ 2026, 9:35:52 pm UTC

उपलब्ध भाषाएँRUEN
पिछलाश्लोक 6.67.23-29

श्लोक बदलें इन कुंजियों से