संजय उवाच
विरथं तं समासाद्य चित्रसेनं मनस्विनम् ॥
रथम् आरोपयाम् आस विकर्णस् तनयस् तव ॥
तस्मिंस् तथा वर्तमाने तुमुले संकुले भृशम् ॥
भीष्मः शांतनवस् तूर्णं युधिष्ठिरम् उपाद्रवत् ॥
ततः सरथनागाश्वाः समकम्पन्त सृञ्जयाः ॥
मृत्योर् आस्यम् अनुप्राप्तं मेनिरे च युधिष्ठिरम् ॥
यिधिष्ठिरो ऽपि कौरव्यो यमाभ्यां सहितः प्रभुः ॥
महेष्वासं नरव्याघ्रं भीष्मं शांतनवं ययौ ॥
ततः शरसहस्राणि प्रमुञ्चन् पाण्डवो युधि ॥
भीष्मं संछादयाम् आस यथा मेघो दिवाकरम् ॥
तेन सम्यक् प्रणीतानि शरजालानि भारत ॥
पतिजग्राह गाङ्गेयः शतशो ऽथ सहस्रशः ॥
तथैव शरजालानि भीष्मेणास्तानि मारिष ॥
आकाशे समदृश्यन्त खगमानां व्रजा इव ॥
निमेषार्धाच् च कौन्तेयं भीष्मः शांतनवो युधि ॥
अदृश्यं समरे चक्रे शरजालेन भागशः ॥
ततो युधिष्ठिरो राजा कौरव्यस्य महात्मनः ॥
नाराचं प्रेषयाम् आस क्रुद्ध आशीविषोपमम् ॥
असंप्राप्तं ततस् तं तु क्षुरप्रेण महारथः ॥
चिच्छेद समरे राजन् भीष्मस् तस्य धनुश्च्युतम् ॥
तं तु छित्त्वा रणे भीष्मो नाराचं कालसंमितम् ॥
निजघ्ने कौरवेन्द्रस्य हयान् काञ्चनभूषणान् ॥
हताश्वं तु रथं त्यक्त्वा धर्मपुत्रो युधिष्ठिरः ॥
आरुरोह रथं तूर्णं नकुलस्य महात्मनः ॥
यमाव् अपि सुसंक्रुद्धः समासाद्य रणे तदा ॥
शरैः संछादयाम् आस भीष्मः परपुरंजयः ॥
तौ तु दृष्ट्वा महाराज भीष्मबाणप्रपीडितौ ॥
जगामाथ परां चिन्तां भीष्मस्य वधकाङ्क्षया ॥
ततो युधिष्ठिरो वश्यान् राज्ञस् तान् समचोदयत् ॥
भीष्मं शांतनवं सर्वे निहतेति सुहृद्गणान् ॥
ततस् ते पार्थिवाः सर्वे श्रुत्वा पार्थस्य भाषितम् ॥
महता रथवंशेन परिवव्रुः पितामहम् ॥
saṃjaya uvāca
virathaṃ taṃ samāsādya citrasenaṃ manasvinam ||
ratham āropayām āsa vikarṇas tanayas tava ||
tasmiṃs tathā vartamāne tumule saṃkule bhṛśam ||
bhīṣmaḥ śāṃtanavas tūrṇaṃ yudhiṣṭhiram upādravat ||
tataḥ sarathanāgāśvāḥ samakampanta sṛñjayāḥ ||
mṛtyor āsyam anuprāptaṃ menire ca yudhiṣṭhiram ||
yidhiṣṭhiro 'pi kauravyo yamābhyāṃ sahitaḥ prabhuḥ ||
maheṣvāsaṃ naravyāghraṃ bhīṣmaṃ śāṃtanavaṃ yayau ||
tataḥ śarasahasrāṇi pramuñcan pāṇḍavo yudhi ||
bhīṣmaṃ saṃchādayām āsa yathā megho divākaram ||
tena samyak praṇītāni śarajālāni bhārata ||
patijagrāha gāṅgeyaḥ śataśo 'tha sahasraśaḥ ||
tathaiva śarajālāni bhīṣmeṇāstāni māriṣa ||
ākāśe samadṛśyanta khagamānāṃ vrajā iva ||
nimeṣārdhāc ca kaunteyaṃ bhīṣmaḥ śāṃtanavo yudhi ||
adṛśyaṃ samare cakre śarajālena bhāgaśaḥ ||
tato yudhiṣṭhiro rājā kauravyasya mahātmanaḥ ||
nārācaṃ preṣayām āsa kruddha āśīviṣopamam ||
asaṃprāptaṃ tatas taṃ tu kṣurapreṇa mahārathaḥ ||
ciccheda samare rājan bhīṣmas tasya dhanuścyutam ||
taṃ tu chittvā raṇe bhīṣmo nārācaṃ kālasaṃmitam ||
nijaghne kauravendrasya hayān kāñcanabhūṣaṇān ||
hatāśvaṃ tu rathaṃ tyaktvā dharmaputro yudhiṣṭhiraḥ ||
āruroha rathaṃ tūrṇaṃ nakulasya mahātmanaḥ ||
yamāv api susaṃkruddhaḥ samāsādya raṇe tadā ||
śaraiḥ saṃchādayām āsa bhīṣmaḥ parapuraṃjayaḥ ||
tau tu dṛṣṭvā mahārāja bhīṣmabāṇaprapīḍitau ||
jagāmātha parāṃ cintāṃ bhīṣmasya vadhakāṅkṣayā ||
tato yudhiṣṭhiro vaśyān rājñas tān samacodayat ||
bhīṣmaṃ śāṃtanavaṃ sarve nihateti suhṛdgaṇān ||
tatas te pārthivāḥ sarve śrutvā pārthasya bhāṣitam ||
mahatā rathavaṃśena parivavruḥ pitāmaham ||
Sanjaya said: "Vikarna, your son, coming upon resolute Chitrasena who had lost his chariot, took him up onto his own. While all this was happening amid the loud and violent tumult, Bhishma, son of Shantanu, swiftly attacked Yudhishthira. Then the Srinjayas, with their chariots, elephants, and horses, trembled and thought that Yudhishthira had fallen into the very mouth of death. But mighty Yudhishthira the Kaurava, together with the twins, advanced upon the great archer, the tiger among men, Bhishma son of Shantanu. Loosing thousands of arrows in the fight, the son of Pandu covered Bhishma as a cloud covers the sun. Gangeya received these nets of arrows, skillfully aimed by Yudhishthira, by the hundreds and thousands, O Bharata. And just so the nets of arrows loosed by Bhishma, O venerable one, were seen in the sky like flocks of birds in flight. Within half a wink, Bhishma, son of Shantanu, made the son of Kunti vanish from sight in the battle, wrapping him in layers of arrows. Then the enraged King Yudhishthira loosed at the great-souled Kaurava a naracha like unto a venomous serpent. But the great warrior Bhishma, with a kshurapra, cut it down in the fight before it had even reached its mark, O king. Having cut down that naracha, which was like Time itself, Bhishma slew the gold-adorned horses of the lord of the Kauravas. Yudhishthira, son of Dharma, abandoning his horseless chariot, swiftly mounted the chariot of great-souled Nakula. Then Bhishma, conqueror of enemy cities, greatly enraged, came upon the two twins in the battle and covered them with arrows. Seeing those two afflicted by Bhishma's arrows, O great king, Yudhishthira, desiring Bhishma's death, fell into deep anxiety. Then he urged on the kings subject to him and the bands of his friends: 'All of you, slay Bhishma, son of Shantanu!' Having heard the words of Partha, all those kings surrounded the grandsire with a great array of chariots."
e63e9a4d8023 · प्रकाशित 17 जुल॰ 2026, 9:46:24 pm UTC
उपलब्ध भाषाएँRUENश्लोक बदलें इन कुंजियों से
Bhishma is shown once more as a force able to change the mood of an entire army with a single movement: the Srinjayas already see Yudhishthira in the jaws of death. Yet Yudhishthira's answer is not flight but the marshaling of a common effort against the one man who is holding the whole front.