एतच् छ्रुत्वा तु वचनं राधेयस्य महात्मनः ॥
उवाच वचनं शल्यः सूतपुत्रं तथागतम् ॥
अभियासि महाबाहो भीमसेनं महाबलम् ॥
निरस्य भीमसेनं तु ततः प्राप्स्यसि फल्गुनम् ॥
यस् ते कामो ऽभिलषितश् चिरात् प्रभृति हृद्गतः ॥
स वै संपत्स्यते कर्ण सत्यम् एतद् ब्रवीमि ते ॥
एवम् उक्ते ततः कर्णः शल्यं पुनर् अभाषत ॥
हन्ताहम् अर्जुनं संख्ये मां वा हन्ता धनंजयः ॥
युद्धे मनः समाधाय याहि याहीत्य् अचोदयत् ॥
ततः प्रायाद् रथेनाशु शल्यस् तत्र विशां पते ॥
यत्र भीमो महेष्वासो व्यद्रावयत वाहिनीम् ॥
ततस् तूर्यनिनादश् च भेरीणां च महास्वनः ॥
उदतिष्ठत राजेन्द्र कर्णभीमसमागमे ॥
भीमसेनो ऽथ संक्रुद्धस् तव सैन्यं दुरासदम् ॥
नाराचैर् विमलैस् तीक्ष्णैर् दिशः प्राद्रावयद् बली ॥
स संनिपातस् तुमुलो भीमरूपो विशां पते ॥
आसीद् रौद्रो महाराज कर्णपाण्डवयोर् मृधे ॥
ततो मुहूर्ताद् राजेन्द्र पाण्डवः कर्णम् आद्रवत् ॥
etac chrutvā tu vacanaṃ rādheyasya mahātmanaḥ ||
uvāca vacanaṃ śalyaḥ sūtaputraṃ tathāgatam ||
abhiyāsi mahābāho bhīmasenaṃ mahābalam ||
nirasya bhīmasenaṃ tu tataḥ prāpsyasi phalgunam ||
yas te kāmo 'bhilaṣitaś cirāt prabhṛti hṛdgataḥ ||
sa vai saṃpatsyate karṇa satyam etad bravīmi te ||
evam ukte tataḥ karṇaḥ śalyaṃ punar abhāṣata ||
hantāham arjunaṃ saṃkhye māṃ vā hantā dhanaṃjayaḥ ||
yuddhe manaḥ samādhāya yāhi yāhīty acodayat ||
tataḥ prāyād rathenāśu śalyas tatra viśāṃ pate ||
yatra bhīmo maheṣvāso vyadrāvayata vāhinīm ||
tatas tūryaninādaś ca bherīṇāṃ ca mahāsvanaḥ ||
udatiṣṭhata rājendra karṇabhīmasamāgame ||
bhīmaseno 'tha saṃkruddhas tava sainyaṃ durāsadam ||
nārācair vimalais tīkṣṇair diśaḥ prādrāvayad balī ||
sa saṃnipātas tumulo bhīmarūpo viśāṃ pate ||
āsīd raudro mahārāja karṇapāṇḍavayor mṛdhe ||
tato muhūrtād rājendra pāṇḍavaḥ karṇam ādravat ||
Услышав это слово великого Радхеи, Шалья сказал сыну суты: «Нападай, могучий, на великосильного Бхимасену. Отбросив Бхимасену, ты затем достигнешь Пхалгуны. Давнее желание, которое живёт в твоём сердце, Карна, исполнится; говорю тебе правду». Когда было сказано так, Карна снова сказал Шалье: «Либо я убью Арджуну в бою, либо Дхананджая убьёт меня. Сосредоточь ум на битве. Езжай, езжай!» Тогда Шалья быстро повёз колесницу туда, где великий лучник Бхима обращал войско в бегство. При встрече Карны и Бхимы поднялся звук труб и великий гул бхери. Разгневанный Бхимасена острыми чистыми нарачами разгонял твоё грозное войско по сторонам. Их столкновение, владыка людей, было шумным, страшным видом и грозным. Вскоре Пандава бросился на Карну».
02d5d060704c · प्रकाशित 20 जून 2026, 5:52:39 am UTC
उपलब्ध भाषाएँRUश्लोक बदलें इन कुंजियों से
Шалья теперь не удерживает Карну, а направляет его: Бхима становится воротами к Арджуне. Но звук труб при их встрече показывает, что это не промежуточный эпизод, а самостоятельная буря.