तं तु शब्दम् अभिश्रुत्य भीमसेनो महाबलः ॥
बभूव परमप्रीतः पार्थदर्शनलालसः ॥
श्रुत्वैव पार्थम् आयान्तं भीमसेनः प्रतापवान् ॥
त्यक्त्वा प्राणान् महाराज सेनां तव ममर्द ह ॥
स वायुवेगप्रतिमो वायुवेगसमो जवे ॥
वायुवद् व्यचरद् भीमो वायुपुत्रः प्रतापवान् ॥
तेनार्द्यमाना राजेन्द्र सेना तव विशां पते ॥
व्यभ्राम्यत महाराज भिन्ना नौर् इव सागरे ॥
तां तु सेनां तदा भीमो दर्शयन् पाणिलाघवम् ॥
शरैर् अवचकर्तोग्रैः प्रेषयिष्यन् यमक्षयम् ॥
तत्र भारत भीमस्य बलं दृष्ट्वातिमानुषम् ॥
व्यत्रस्यन्त रणे योधाः कालस्येव युगक्षये ॥
तथार्दितान् भीमबलान् भीमसेनेन भारत ॥
दृष्ट्वा दुर्योधनो राजा इदं वचनम् अब्रवीत् ॥
सैनिकान् स महेष्वासो योधांश् च भरतर्षभ ॥
समादिशद् रणे सर्वान् हत भीमम् इति स्म ह ॥
तस्मिन् हते हतं मन्ये सर्वसैन्यम् अशेषतः ॥
प्रतिगृह्य च ताम् आज्ञां तव पुत्रस्य पार्थिवाः ॥
भीमं प्रच्छादयाम् आसुः शरवर्षैः समन्ततः ॥
गजाश् च बहुला राजन् नराश् च जयगृद्धिनः ॥
रथा हयाश् च राजेन्द्र परिवव्रुर् वृकोदरम् ॥
स तैः परिवृतः शूरैः शूरो राजन् समन्ततः ॥
शुशुभे भरतश्रेष्ठ नक्षत्रैर् इव चन्द्रमाः ॥
स रराज तथा संख्ये दर्शनीयो नरोत्तमः ॥
निर्विशेषं महाराज यथा हि विजयस् तथा ॥
तत्र ते पार्थिवाः सर्वे शरवृष्टीः समासृजन् ॥
क्रोधरक्तेक्षणाः क्रूरा हन्तुकामा वृकोदरम् ॥
स विदार्य महासेनां शरैः संनतपर्वभिः ॥
निश्चक्राम रणाद् भीमो मत्स्यो जालाद् इवाम्भसि ॥
taṃ tu śabdam abhiśrutya bhīmaseno mahābalaḥ ||
babhūva paramaprītaḥ pārthadarśanalālasaḥ ||
śrutvaiva pārtham āyāntaṃ bhīmasenaḥ pratāpavān ||
tyaktvā prāṇān mahārāja senāṃ tava mamarda ha ||
sa vāyuvegapratimo vāyuvegasamo jave ||
vāyuvad vyacarad bhīmo vāyuputraḥ pratāpavān ||
tenārdyamānā rājendra senā tava viśāṃ pate ||
vyabhrāmyata mahārāja bhinnā naur iva sāgare ||
tāṃ tu senāṃ tadā bhīmo darśayan pāṇilāghavam ||
śarair avacakartograiḥ preṣayiṣyan yamakṣayam ||
tatra bhārata bhīmasya balaṃ dṛṣṭvātimānuṣam ||
vyatrasyanta raṇe yodhāḥ kālasyeva yugakṣaye ||
tathārditān bhīmabalān bhīmasenena bhārata ||
dṛṣṭvā duryodhano rājā idaṃ vacanam abravīt ||
sainikān sa maheṣvāso yodhāṃś ca bharatarṣabha ||
samādiśad raṇe sarvān hata bhīmam iti sma ha ||
tasmin hate hataṃ manye sarvasainyam aśeṣataḥ ||
pratigṛhya ca tām ājñāṃ tava putrasya pārthivāḥ ||
bhīmaṃ pracchādayām āsuḥ śaravarṣaiḥ samantataḥ ||
gajāś ca bahulā rājan narāś ca jayagṛddhinaḥ ||
rathā hayāś ca rājendra parivavrur vṛkodaram ||
sa taiḥ parivṛtaḥ śūraiḥ śūro rājan samantataḥ ||
śuśubhe bharataśreṣṭha nakṣatrair iva candramāḥ ||
sa rarāja tathā saṃkhye darśanīyo narottamaḥ ||
nirviśeṣaṃ mahārāja yathā hi vijayas tathā ||
tatra te pārthivāḥ sarve śaravṛṣṭīḥ samāsṛjan ||
krodharaktekṣaṇāḥ krūrā hantukāmā vṛkodaram ||
sa vidārya mahāsenāṃ śaraiḥ saṃnataparvabhiḥ ||
niścakrāma raṇād bhīmo matsyo jālād ivāmbhasi ||
Услышав этот гул, могучий Бхимасена очень обрадовался, жаждая увидеть Партху. Едва услышав, что Партха идёт, доблестный Бхимасена, не щадя жизни, стал сокрушать твоё войско, великий царь. Сын Ваю, доблестный Бхима, двигался как ветер, равный ветру по стремительности. Твоё войско, теснимое им, металось, о царь царей, словно разбитая лодка в море. Тогда Бхима, являя ловкость рук, страшными стрелами кромсал эту армию, отправляя её к Яме. Там, Бхарата, воины в бою содрогнулись, увидев сверхчеловеческую силу Бхимы, словно увидели Время в конце юги. Увидев, как Бхимасена давит их своей мощью, царь Дурьодхана сказал такие слова. Этот великий лучник приказал всем воинам в бою: “Убейте Бхиму! Если он будет убит, я считаю всё войско врагов уничтоженным без остатка”. Получив приказ твоего сына, цари со всех сторон покрыли Бхиму дождями стрел. Многочисленные слоны, люди, жаждущие победы, колесницы и кони окружили Врикодару. Окружённый со всех сторон героями, герой сиял, лучший Бхаратов, как луна среди звёзд. В бою он блистал так, прекрасный лучший из людей, что был неотличим от Виджаи. Тогда все те цари, жестокие, с глазами, красными от гнева, желая убить Врикодару, излили на него дожди стрел. Но Бхима прорвал великую армию острыми стрелами и вышел из боя, как рыба из сети в воде».
e0237ed30f4f · प्रकाशित 20 जून 2026, 7:46:48 am UTC
उपलब्ध भाषाएँRUश्लोक बदलें इन कुंजियों से
Радость Бхимы от близости Арджуны сразу превращается в ещё большую силу. Братская связь здесь не сентиментальна: она питает решимость стоять за общую правду даже посреди окружения.