Vedawordएक वैदिक पुस्तकालय
खोज
प्रवेश
महाभारत
After Karṇa's Fall8.68.13-32
9008 / 15823
महाभारत · 8.68.13-32
॥
देवनागरी

एतद् वचो मद्रपतेर् निशम्य; स्वं चापनीतं मनसा निरीक्ष्य ॥
दुर्योधनो दीनमना विसंज्ञः; पुनः पुनर् न्यश्वसद् आर्तरूपः ॥
तं ध्यानमूकं कृपणं भृशार्तम्; आर्तायनिर् दीनम् उवाच वाक्यम् ॥
पश्येदम् उग्रं नरवाजिनागैर्; आयोधनं वीरहतैः प्रपन्नम् ॥
महीधराभैः पतितैर् महागजैः; सकृत् प्रविद्धैः शरविद्धमर्मभिः ॥
तैर् विह्वलद्भिश् च गतासुभिश् च; प्रध्वस्तयन्त्रायुधवर्मयोधैः ॥
वज्रापविद्धैर् इव चाचलेन्द्रैर्; विभिन्नपाषाणमृगद्रुमौषधैः ॥
प्रविद्धघण्टाङ्कुशतोमरध्वजैः; सहेममालै रुधिरौघसंप्लुतैः ॥
शरावभिन्नैः पतितैश् च वाजिभिः; श्वसद्भिर् अन्यैः क्षतजं वमद्भिः ॥
दीनैः स्तनद्भिः परिवृत्तनेत्रैर्; महीं दशद्भिः कृपणं नदद्भिः ॥
तथापविद्धैर् गजवाजियोधैर्; मन्दासुभिश् चैव गतासुभिश् च ॥
नराश्वनागैश् च रथैश् च मर्दितैर्; मही महावैतरणीव दुर्दृशा ॥
गजैर् निकृत्तापरहस्तगात्रैर्; उद्वेपमानैः पतितैः पृथिव्याम् ॥
यशस्विभिर् नागरथाश्वयोधिभिः; पदातिभिश् चाभिमुखैर् हतैः परैः ॥
विशीर्णवर्माभरणाम्बरायुधैर्; वृता निशान्तैर् इव पावकैर् मही ॥
शरप्रहाराभिहतैर् महाबलैर्; अवेक्ष्यमाणैः पतितैः सहस्रशः ॥
प्रनष्टसंज्ञैः पुनर् उच्छ्वसद्भिर्; मही बभूवानुगतैर् इवाग्निभिः ॥
दिवश् च्युतैर् भूर् अतिदीप्तिमद्भिर्; नक्तं ग्रहैर् द्यौर् अमलेव दीप्तैः ॥
शरास् तु कर्णार्जुनबाहुमुक्ता; विदार्य नागाश्वमनुष्यदेहान् ॥
प्राणान् निरस्याशु महीम् अतीयुर्; महोरगा वासम् इवाभितो ऽस्त्रैः ॥
हतैर् मनुष्याश्वगजैश् च संख्ये; शरावभिन्नैश् च रथैर् बभूव ॥
धनंजयस्याधिरथेश् च मार्गे; गजैर् अगम्या वसुधातिदुर्गा ॥
रथैर् वरेषून् मथितैश् च योधैः; संस्यूतसूताश्ववरायुधध्वजैः ॥
विशीर्णशस्त्रैर् विनिकृत्तबन्धुरैर्; निकृत्तचक्राक्षयुगत्रिवेणुभिः ॥
विमुक्तयन्त्रैर् निहतैर् अयस्मयैर्; हतानुषङ्गैर् विनिषङ्गबन्धुरैः ॥
प्रभग्ननीडैर् मणिहेममण्डितैः; स्तृता मही द्यौर् इव शारदैर् घनैः ॥
विकृष्यमणैर् जवनैर् अलंकृतैर्; हतेश्वरैर् आजिरथैः सुकल्पितैः ॥
मनुष्यमातङ्गरथाश्वराशिभिर्; द्रुतं व्रजन्तो बहुधा विचूर्णिताः ॥
सहेमपट्टाः परिघाः परश्वधाः; कडङ्गरायोमुसलानि पट्टिशाः ॥
पेतुश् च खड्गा विमला विकोशा; गदाश् च जाम्बूनदपट्टबद्धाः ॥
चापानि रुक्माङ्गदभूषणानि; शराश् च कार्तस्वरचित्रपुङ्खाः ॥
ऋष्ट्यश् च पीता विमला विकोशाः; प्रासाः सखड्गाः कनकावभासाः ॥
छत्राणि वालव्यजनानि शङ्खाः; स्रजश् च पुष्पोत्तमहेमचित्राः ॥
कुथाः पताकाम्बरवेष्टिताश् च; किरीटमाला मुकुटाश् च शुभ्राः ॥
प्रकीर्णका विप्रकीर्णाः कुथाश् च; प्रधानमुक्तातरलाश् च हाराः ॥
आपीडकेयूरवराङ्गदानि; ग्रैवेयनिष्काः ससुवर्णसूत्राः ॥
मण्युत्तमा वज्रसुवर्णमुक्ता; रत्नानि चोच्चावचमङ्गलानि ॥
गात्राणि चात्यन्तसुखोचितानि; शिरांसि चेन्दुप्रतिमाननानि ॥
देहांश् च भोगांश् च परिच्छदांश् च; त्यक्त्वा मनोज्ञानि सुखानि चापि ॥
स्वधर्मनिष्ठां महतीम् अवाप्य; व्याप्तांश् च लोकान् यशसा समीयुः ॥
इत्य् एवम् उक्त्वा विरराम शल्यो; दुर्योधनः शोकपरीतचेताः ॥
हा कर्ण हा कर्ण इति ब्रुवाण; आर्तो विसंज्ञो भृशम् अश्रुनेत्रः ॥

लिप्यंतरण (IAST)

etad vaco madrapater niśamya; svaṃ cāpanītaṃ manasā nirīkṣya ||
duryodhano dīnamanā visaṃjñaḥ; punaḥ punar nyaśvasad ārtarūpaḥ ||
taṃ dhyānamūkaṃ kṛpaṇaṃ bhṛśārtam; ārtāyanir dīnam uvāca vākyam ||
paśyedam ugraṃ naravājināgair; āyodhanaṃ vīrahataiḥ prapannam ||
mahīdharābhaiḥ patitair mahāgajaiḥ; sakṛt praviddhaiḥ śaraviddhamarmabhiḥ ||
tair vihvaladbhiś ca gatāsubhiś ca; pradhvastayantrāyudhavarmayodhaiḥ ||
vajrāpaviddhair iva cācalendrair; vibhinnapāṣāṇamṛgadrumauṣadhaiḥ ||
praviddhaghaṇṭāṅkuśatomaradhvajaiḥ; sahemamālai rudhiraughasaṃplutaiḥ ||
śarāvabhinnaiḥ patitaiś ca vājibhiḥ; śvasadbhir anyaiḥ kṣatajaṃ vamadbhiḥ ||
dīnaiḥ stanadbhiḥ parivṛttanetrair; mahīṃ daśadbhiḥ kṛpaṇaṃ nadadbhiḥ ||
tathāpaviddhair gajavājiyodhair; mandāsubhiś caiva gatāsubhiś ca ||
narāśvanāgaiś ca rathaiś ca marditair; mahī mahāvaitaraṇīva durdṛśā ||
gajair nikṛttāparahastagātrair; udvepamānaiḥ patitaiḥ pṛthivyām ||
yaśasvibhir nāgarathāśvayodhibhiḥ; padātibhiś cābhimukhair hataiḥ paraiḥ ||
viśīrṇavarmābharaṇāmbarāyudhair; vṛtā niśāntair iva pāvakair mahī ||
śaraprahārābhihatair mahābalair; avekṣyamāṇaiḥ patitaiḥ sahasraśaḥ ||
pranaṣṭasaṃjñaiḥ punar ucchvasadbhir; mahī babhūvānugatair ivāgnibhiḥ ||
divaś cyutair bhūr atidīptimadbhir; naktaṃ grahair dyaur amaleva dīptaiḥ ||
śarās tu karṇārjunabāhumuktā; vidārya nāgāśvamanuṣyadehān ||
prāṇān nirasyāśu mahīm atīyur; mahoragā vāsam ivābhito 'straiḥ ||
hatair manuṣyāśvagajaiś ca saṃkhye; śarāvabhinnaiś ca rathair babhūva ||
dhanaṃjayasyādhiratheś ca mārge; gajair agamyā vasudhātidurgā ||
rathair vareṣūn mathitaiś ca yodhaiḥ; saṃsyūtasūtāśvavarāyudhadhvajaiḥ ||
viśīrṇaśastrair vinikṛttabandhurair; nikṛttacakrākṣayugatriveṇubhiḥ ||
vimuktayantrair nihatair ayasmayair; hatānuṣaṅgair viniṣaṅgabandhuraiḥ ||
prabhagnanīḍair maṇihemamaṇḍitaiḥ; stṛtā mahī dyaur iva śāradair ghanaiḥ ||
vikṛṣyamaṇair javanair alaṃkṛtair; hateśvarair ājirathaiḥ sukalpitaiḥ ||
manuṣyamātaṅgarathāśvarāśibhir; drutaṃ vrajanto bahudhā vicūrṇitāḥ ||
sahemapaṭṭāḥ parighāḥ paraśvadhāḥ; kaḍaṅgarāyomusalāni paṭṭiśāḥ ||
petuś ca khaḍgā vimalā vikośā; gadāś ca jāmbūnadapaṭṭabaddhāḥ ||
cāpāni rukmāṅgadabhūṣaṇāni; śarāś ca kārtasvaracitrapuṅkhāḥ ||
ṛṣṭyaś ca pītā vimalā vikośāḥ; prāsāḥ sakhaḍgāḥ kanakāvabhāsāḥ ||
chatrāṇi vālavyajanāni śaṅkhāḥ; srajaś ca puṣpottamahemacitrāḥ ||
kuthāḥ patākāmbaraveṣṭitāś ca; kirīṭamālā mukuṭāś ca śubhrāḥ ||
prakīrṇakā viprakīrṇāḥ kuthāś ca; pradhānamuktātaralāś ca hārāḥ ||
āpīḍakeyūravarāṅgadāni; graiveyaniṣkāḥ sasuvarṇasūtrāḥ ||
maṇyuttamā vajrasuvarṇamuktā; ratnāni coccāvacamaṅgalāni ||
gātrāṇi cātyantasukhocitāni; śirāṃsi cendupratimānanāni ||
dehāṃś ca bhogāṃś ca paricchadāṃś ca; tyaktvā manojñāni sukhāni cāpi ||
svadharmaniṣṭhāṃ mahatīm avāpya; vyāptāṃś ca lokān yaśasā samīyuḥ ||
ity evam uktvā virarāma śalyo; duryodhanaḥ śokaparītacetāḥ ||
hā karṇa hā karṇa iti bruvāṇa; ārto visaṃjño bhṛśam aśrunetraḥ ||

शब्दशः अर्थ
संस्कृतIASTअर्थ
एतद् वचः मद्रपतेः निशम्यetad vacaḥ madrapateḥ niśamyaэто слово царя Мадров услышав; услышав речь Шальи
स्वम् च अपनीतम् मनसा निरीक्ष्यsvam ca apanītam manasā nirīkṣyaи своё унесённое мысленно увидев; осознав свою потерю
दुर्योधनः दीनमना विसंज्ञःduryodhanaḥ dīnamanā visaṃjñaḥДурьодхана унылый умом, без чувств; потрясённый Дурьодхана
पुनः पुनर् न्यश्वसत् आर्तरूपःpunaḥ punar nyaśvasat ārtarūpaḥснова и снова вздыхал скорбным видом; тяжело вздыхал
तम् ध्यानमूकम् कृपणम् भृशार्तम्tam dhyānamūkam kṛpaṇam bhṛśārtamего молчаливого в думе, жалкого, сильно страдающего; скорбного царя
आर्तायनिः दीनम् उवाच वाक्यम्ārtāyaniḥ dīnam uvāca vākyamпотомок Артаяны сказал унылое слово; Шалья сказал
पश्य इदम् उग्रम्paśya idam ugramсмотри на это ужасное; взгляни на страшное
नरवाजिनागैः आयोधनम्naravājināgaiḥ āyodhanamлюдьми, конями, слонами поле боя; боевище
वीरहतैः प्रपन्नम्vīrahataiḥ prapannamпокрытое убитыми героями; полное павших
महीधराभैः पतितैः महागजैःmahīdharābhaiḥ patitaiḥ mahāgajaiḥпавшими великими слонами, подобными горам; огромными слонами
सकृत् प्रविद्धैः शरविद्धमर्मभिःsakṛt praviddhaiḥ śaraviddhamarmabhiḥоднажды пронзёнными, с мармами пробитыми стрелами; смертельно ранеными
तैः विह्वलद्भिः च गतासुभिः चtaiḥ vihvaladbhiḥ ca gatāsubhiḥ caими дрожащими и безжизненными; одни бьются, другие мертвы
प्रध्वस्तयन्त्रायुधवर्मयोधैःpradhvastayantrāyudhavarmayodhaiḥс разрушенными приспособлениями, оружием, бронёй и воинами; разбитым снаряжением
वज्रापविद्धैः इव अचलेन्द्रैःvajrāpaviddhaiḥ iva acalendraiḥкак царями гор, разбитыми ваджрой; словно горы от молнии
विभिन्नपाषाणमृगद्रुमौषधैःvibhinnapāṣāṇamṛgadrumauṣadhaiḥс расколотыми камнями, зверями, деревьями, травами; с разрушенными склонами
प्रविद्धघण्टाङ्कुशतोमरध्वजैःpraviddhaghaṇṭāṅkuśatomaradhvajaiḥс разбросанными колоколами, крюками, томарами, знамёнами; слоновьим снаряжением
सहेममालै रुधिरौघसंप्लुतैःsahemamālai rudhiraughasaṃplutaiḥс золотыми гирляндами, залитыми потоками крови; окровавленным золотом
शरावभिन्नैः पतितैः च वाजिभिःśarāvabhinnaiḥ patitaiḥ ca vājibhiḥконями, пробитыми стрелами и павшими; ранеными лошадьми
श्वसद्भिः अन्यैः क्षतजम् वमद्भिःśvasadbhiḥ anyaiḥ kṣatajam vamadbhiḥдругими дышащими, кровь изрыгающими; живыми, истекающими кровью
दीनैः स्तनद्भिः परिवृत्तनेत्रैःdīnaiḥ stanadbhiḥ parivṛttanetraiḥжалкими, стонущими, с закатившимися глазами; стонущими в муке
महीम् दशद्भिः कृपणम् नदद्भिःmahīm daśadbhiḥ kṛpaṇam nadadbhiḥкусающими землю, жалко кричащими; грызущими землю
तथा अपविद्धैः गजवाजियोधैःtathā apaviddhaiḥ gajavājiyodhaiḥтак же отброшенными слонами, конями, воинами; разбросанными телами
मन्दासुभिः च एव गतासुभिः चmandāsubhiḥ ca eva gatāsubhiḥ caс слабыми жизнями и безжизненными; полуживыми и мёртвыми
नराश्वनागैः च रथैः च मर्दितैःnarāśvanāgaiḥ ca rathaiḥ ca marditaiḥлюдьми, конями, слонами и колесницами, раздавленными; размозжёнными
मही महावैतरणी इव दुर्दृशाmahī mahāvaitaraṇī iva durdṛśāземля как великая Вайтарани, страшная видом; ужасна как река смерти
गजैः निकृत्तापरहस्तगात्रैःgajaiḥ nikṛttāparahastagātraiḥслонами с отсечёнными хоботами и членами; изувеченными слонами
उद्वेपमानैः पतितैः पृथिव्याम्udvepamānaiḥ patitaiḥ pṛthivyāmдрожащими, павшими на земле; трепещущими на земле
यशस्विभिः नागरथाश्वयोधिभिःyaśasvibhiḥ nāgarathāśvayodhibhiḥславными бойцами слонов, колесниц и коней; знаменитыми воинами
पदातिभिः च अभिमुखैः हतैः परैःpadātibhiḥ ca abhimukhaiḥ hataiḥ paraiḥи пешими, лицом к врагу убитыми; пехотой, павшей вперед
विशीर्णवर्माभरणाम्बरायुधैःviśīrṇavarmābharaṇāmbarāyudhaiḥс разбитыми доспехами, украшениями, одеждой, оружием; разбросанным снаряжением
वृता निशान्तैः इव पावकैः महीvṛtā niśāntaiḥ iva pāvakaiḥ mahīземля покрыта словно угасшими огнями; как затухшие костры
शरप्रहाराभिहतैः महाबलैःśaraprahārābhihataiḥ mahābalaiḥвеликими силачами, поражёнными ударами стрел; мощными ранеными героями
अवेक्ष्यमाणैः पतितैः सहस्रशःavekṣyamāṇaiḥ patitaiḥ sahasraśaḥтысячами лежащими и смотрящими; павшими тысячами
प्रनष्टसंज्ञैः पुनर् उच्छ्वसद्भिःpranaṣṭasaṃjñaiḥ punar ucchvasadbhiḥпотерявшими сознание и снова дышащими; приходящими в себя
मही बभूव अनुगतैः इव अग्निभिःmahī babhūva anugataiḥ iva agnibhiḥземля стала словно покрыта огнями; словно огни на земле
दिवः च्युतैः भूः अतिदीप्तिमद्भिःdivaḥ cyutaiḥ bhūḥ atidīptimadbhiḥземля с падшими с неба, очень сияющими; как упавшими светилами
नक्तं ग्रहैःnaktaṃ grahaiḥночью планетами; ночными светилами
द्यौः अमला इव दीप्तैःdyauḥ amalā iva dīptaiḥкак чистое небо яркими; словно ясное небо
शराः तु कर्णार्जुनबाहुमुक्ताःśarāḥ tu karṇārjunabāhumuktāḥстрелы же, выпущенные руками Карны и Арджуны; их стрелы
विदार्य नागाश्वमनुष्यदेहान्vidārya nāgāśvamanuṣyadehānразорвав тела слонов, коней, людей; пробив живые тела
प्राणान् निरस्य आशु महीम् अतीयुःprāṇān nirasya āśu mahīm atīyuḥбыстро выбросив жизни, входили в землю; уносили жизнь
महोरगाः वासम् इव अभितः अस्त्रैःmahoragāḥ vāsam iva abhitaḥ astraiḥкак великие змеи к норам со всех сторон; словно наги
हतैः मनुष्याश्वगजैः च संख्येhataiḥ manuṣyāśvagajaiḥ ca saṃkhyeубитыми людьми, конями и слонами в бою; павшими существами
शरावभिन्नैः च रथैः बभूवśarāvabhinnaiḥ ca rathaiḥ babhūvaи пробитыми стрелами колесницами стала; колесницами
धनंजयस्य आधिरथेः च मार्गेdhanaṃjayasya ādhiratheḥ ca mārgeна пути Дхананджаи и Адхиратхина; на следе их боя
गजैः अगम्या वसुधा अतिदुर्गाgajaiḥ agamyā vasudhā atidurgāземля непроходима для слонов, крайне трудна; страшно труднопроходима
रथैः वरेषून् मथितैः च योधैःrathaiḥ vareṣūn mathitaiḥ ca yodhaiḥколесницами, лучшими стрелами и разбитыми воинами; раздавленными ратхами
संस्यूतसूताश्ववरायुधध्वजैःsaṃsyūtasūtāśvavarāyudhadhvajaiḥсо сшитыми возницами, конями, оружием, знамёнами; сбитым вместе снаряжением
विशीर्णशस्त्रैः विनिकृत्तबन्धुरैःviśīrṇaśastraiḥ vinikṛttabandhuraiḥразбитым оружием и рассечёнными боковинами; сломленными деталями
निकृत्तचक्राक्षयुगत्रिवेणुभिःnikṛttacakrākṣayugatriveṇubhiḥс отрезанными колёсами, осями, ярмами, древками; изуродованными ратхами
विमुक्तयन्त्रैः निहतैः अयस्मयैःvimuktayantraiḥ nihataiḥ ayasmayaiḥс освобождёнными механизмами, железными, разбитыми; сломленными железными частями
हतानुषङ्गैः विनिषङ्गबन्धुरैःhatānuṣaṅgaiḥ viniṣaṅgabandhuraiḥс сорванными креплениями, колчанами и боками; разорванными связями
प्रभग्ननीडैः मणिहेममण्डितैःprabhagnanīḍaiḥ maṇihemamaṇḍitaiḥс разбитыми сиденьями, украшенными камнями и золотом; украшенными обломками
स्तृता महीstṛtā mahīземля устлана; земля покрыта
द्यौर् इव शारदैः घनैःdyaur iva śāradaiḥ ghanaiḥкак небо осенними облаками; словно осеннее небо
विकृष्यमणैः जवनैः अलंकृतैःvikṛṣyamaṇaiḥ javanaiḥ alaṃkṛtaiḥувлекаемыми быстрыми украшенными; тащимыми резвыми конями
हतेश्वरैः आजिरथैः सुकल्पितैःhateśvaraiḥ ājirathaiḥ sukalpitaiḥбоевыми колесницами с убитыми хозяевами; готовыми ратхами без воинов
मनुष्यमातङ्गरथाश्वराशिभिःmanuṣyamātaṅgarathāśvarāśibhiḥгрудами людей, слонов, колесниц, коней; скоплениями тел
द्रुतम् व्रजन्तः बहुधा विचूर्णिताःdrutam vrajantaḥ bahudhā vicūrṇitāḥбыстро движущиеся, многократно раздробленные; разнесённые на части
सहेमपट्टाः परिघाः परश्वधाःsahemapaṭṭāḥ parighāḥ paraśvadhāḥпалицы с золотыми пластинами, секиры; оружие с золотом
कडङ्गरायोमुसलानि पट्टिशाःkaḍaṅgarāyomusalāni paṭṭiśāḥкадангары, железные палицы, паттиши; разное тяжёлое оружие
पेतुः च खड्गाः विमलाः विकोशाःpetuḥ ca khaḍgāḥ vimalāḥ vikośāḥи чистые мечи без ножен падали; обнажённые мечи
गदाः च जाम्बूनदपट्टबद्धाःgadāḥ ca jāmbūnadapaṭṭabaddhāḥи булавы, обвязанные золотыми пластинами; златоокованные булавы
चापानि रुक्माङ्गदभूषणानिcāpāni rukmāṅgadabhūṣaṇāniлуки, украшенные золотыми браслетами; золотоукрашенные луки
शराः च कार्तस्वरचित्रपुङ्खाःśarāḥ ca kārtasvaracitrapuṅkhāḥи стрелы с пёстрыми золотыми перьями; золотопёрые стрелы
ऋष्ट्यः च पीताः विमलाः विकोशाःṛṣṭyaḥ ca pītāḥ vimalāḥ vikośāḥи жёлтые чистые ришти без чехлов; блестящие копья
प्रासाः सखड्गाः कनकावभासाःprāsāḥ sakhaḍgāḥ kanakāvabhāsāḥдротики с мечами, сияющие золотом; золотистое оружие
छत्राणि वालव्यजनानि शङ्खाःchatrāṇi vālavyajanāni śaṅkhāḥзонты, опахала из хвостов, раковины; царские регалии
स्रजः च पुष्पोत्तमहेमचित्राःsrajaḥ ca puṣpottamahemacitrāḥи гирлянды, пёстрые лучшими цветами и золотом; роскошные венки
कुथाः पताकाम्बरवेष्टिताः चkuthāḥ patākāmbaraveṣṭitāḥ caпопоны, обвитые знамёнами и тканями; покровы и флаги
किरीटमालाः मुकुटाः च शुभ्राःkirīṭamālāḥ mukuṭāḥ ca śubhrāḥряды диадем и светлые короны; сияющие венцы
प्रकीर्णकाः विप्रकीर्णाः कुथाः चprakīrṇakāḥ viprakīrṇāḥ kuthāḥ caразбросанные чамары и рассеянные попоны; разметённые покровы
प्रधानमुक्तातरलाः च हाराःpradhānamuktātaralāḥ ca hārāḥожерелья с лучшими дрожащими жемчужинами; жемчужные нити
आपीडकेयूरवराङ्गदानिāpīḍakeyūravarāṅgadāniголовные украшения, браслеты, лучшие ангады; драгоценные украшения рук
ग्रैवेयनिष्काः ससुवर्णसूत्राःgraiveyaniṣkāḥ sasuvarṇasūtrāḥшейные украшения и ниски с золотыми нитями; нагрудные цепи
मण्युत्तमा वज्रसुवर्णमुक्ताःmaṇyuttamā vajrasuvarṇamuktāḥлучшие самоцветы, алмазы, золото, жемчуг; драгоценные камни
रत्नानि च उच्चावचमङ्गलानिratnāni ca uccāvacamaṅgalāniи разные благоприятные драгоценности; всевозможные украшения
गात्राणि च अत्यन्तसुखोचितानिgātrāṇi ca atyantasukhocitāniи тела, привыкшие к высшему счастью; изнеженные тела
शिरांसि च इन्दुप्रतिमाननानिśirāṃsi ca indupratimānanāniи головы с лицами, подобными луне; луноликие головы
देहान् च भोगान् चdehān ca bhogān caи тела, и наслаждения; тела и радости
परिच्छदान् चparicchadān caи утварь; и снаряжение
त्यक्त्वा मनोज्ञानि सुखानि च अपिtyaktvā manojñāni sukhāni ca apiоставив приятные наслаждения; покинув земные радости
स्वधर्मनिष्ठाम् महतीम् अवाप्यsvadharmaniṣṭhām mahatīm avāpyaобретя великую стойкость в своей дхарме; исполнение долга
व्याप्तान् च लोकान् यशसा समीयुःvyāptān ca lokān yaśasā samīyuḥи миры, охваченные славой, достигли; ушли в славные миры
इति एवम् उक्त्वा विरराम शल्यःiti evam uktvā virarāma śalyaḥтак сказав, Шалья остановился; Шалья умолк
दुर्योधनः शोकपरीतचेताःduryodhanaḥ śokaparītacetāḥДурьодхана с умом, охваченным скорбью; горем объятый
हा कर्ण हा कर्णhā karṇa hā karṇaо Карна, о Карна; ах, Карна
इति ब्रुवाणःiti bruvāṇaḥтак говоря; так повторяя
आर्तः विसंज्ञः भृशम् अश्रुनेत्रःārtaḥ visaṃjñaḥ bhṛśam aśrunetraḥстрадающий, без чувств, с глазами в слезах; потрясённый и плачущий
अनुवाद

Услышав слова царя Мадров и мысленно увидев свою потерю, Дурьодхана, унылый и потрясённый, снова и снова тяжело вздыхал. Тогда Шалья сказал ему, безмолвному от дум, жалкому и измученному: “Посмотри на это ужасное поле боя, покрытое убитыми героями, людьми, конями и слонами. Великие слоны, подобные горам, лежат, смертельно пронзённые стрелами; одни ещё бьются, другие уже безжизненны, с разбитым снаряжением, оружием, бронёй и воинами. Они похожи на великие горы, поражённые ваджрой, с расколотыми камнями, зверями, деревьями и травами; их колокола, крюки, томары, знамёна и золотые гирлянды разбросаны и залиты потоками крови. Кони, пробитые стрелами, одни лежат, другие ещё дышат, изрыгая кровь, стонут, закатывают глаза, кусают землю и жалко кричат. Земля, покрытая отброшенными слонами, конями, воинами, людьми, колесницами, полуживыми и мёртвыми, стала страшной, словно великая Вайтарани. Она покрыта изувеченными слонами, славными воинами на слонах, колесницах и конях, пешими, убитыми лицом к врагу, разбросанными доспехами, украшениями, одеждой и оружием, словно угасшими огнями. Тысячи могучих воинов, поражённых стрелами, лежат, то теряя сознание, то снова дыша; земля похожа на чистое ночное небо, усыпанное яркими светилами, упавшими с небес. Стрелы, выпущенные руками Карны и Арджуны, разрывали тела слонов, коней и людей, быстро выбрасывали из них жизнь и уходили в землю, как великие змеи в свои норы. На пути Дхананджаи и Адхиратхина земля стала непроходимой даже для слонов из-за убитых людей, коней, слонов, пробитых стрелами колесниц и раздробленного снаряжения. Земля была устлана разбитыми колесницами, сорванными креплениями, колчанами, обломками железа, сиденьями, украшенными камнями и золотом, словно осеннее небо облаками. Падали палицы с золотыми пластинами, секиры, железные дубины, паттиши, чистые обнажённые мечи, златоокованные булавы, украшенные луки, золотопёрые стрелы, копья, дротики, зонты, опахала, раковины, гирлянды, попоны, флаги, ткани, диадемы, короны, чамары, жемчужные ожерелья, браслеты, ангады, шейные украшения, золотые нити, самоцветы, алмазы, золото, жемчуг и всякие драгоценности. Там лежали тела, привыкшие к высшему счастью, и луноликие головы. Оставив тела, наслаждения, снаряжение и приятные земные радости, эти воины, утвердившись в великой собственной дхарме, достигли миров, охваченных славой”. Сказав так, Шалья умолк. Дурьодхана, с умом, охваченным скорбью, плача и едва сознавая себя, повторял: “О Карна! О Карна!”»

संस्करण

8af3cddd7e1a · प्रकाशित 20 जून 2026, 8:39:40 am UTC

उपलब्ध भाषाएँRU
पिछलाश्लोक 8.68.1-12

श्लोक बदलें इन कुंजियों से