संजय उवाच
स एवं चिन्तयित्वा तु द्रोणपुत्रो विशां पते ॥
अवतीर्य रथोपस्थाद् दध्यौ संप्रयतः स्थितः ॥
द्रौणिर् उवाच
उग्रं स्थाणुं शिवं रुद्रं शर्वम् ईशानम् ईश्वरम् ॥
गिरिशं वरदं देवं भवं भावनम् अव्ययम् ॥
शितिकण्ठम् अजं शक्रं क्रथं क्रतुहरं हरम् ॥
विश्वरूपं विरूपाक्षं बहुरूपम् उमापतिम् ॥
श्मशानवासिनं दृप्तं महागणपतिं प्रभुम् ॥
खट्वाङ्गधारिणं मुण्डं जटिलं ब्रह्मचारिणम् ॥
मनसाप्य् असुचिन्त्येन दुष्करेणाल्पचेतसा ॥
सो ऽहम् आत्मोपहारेण यक्ष्ये त्रिपुरघातिनम् ॥
स्तुतं स्तुत्यं स्तूयमानम् अमोघं चर्मवाससम् ॥
विलोहितं नीलकण्ठम् अपृक्तं दुर्निवारणम् ॥
शुक्रं विश्वसृजं ब्रह्म ब्रह्मचारिणम् एव च ॥
व्रतवन्तं तपोनित्यम् अनन्तं तपतां गतिम् ॥
बहुरूपं गणाध्यक्षं त्र्यक्षं पारिषदप्रियम् ॥
गणाध्यक्षेक्षितमुखं गौरीहृदयवल्लभम् ॥
कुमारपितरं पिङ्गं गोवृषोत्तमवाहनम् ॥
तनुवाससम् अत्युग्रम् उमाभूषणतत्परम् ॥
परं परेभ्यः परमं परं यस्मान् न विद्यते ॥
इष्वस्त्रोत्तमभर्तारं दिगन्तं चैव दक्षिणम् ॥
हिरण्यकवचं देवं चन्द्रमौलिविभूषितम् ॥
प्रपद्ये शरणं देवं परमेण समाधिना ॥
इमां चाप्य् आपदं घोरां तराम्य् अद्य सुदुस्तराम् ॥
सर्वभूतोपहारेण यक्ष्ये ऽहं शुचिना शुचिम् ॥
saṃjaya uvāca
sa evaṃ cintayitvā tu droṇaputro viśāṃ pate ||
avatīrya rathopasthād dadhyau saṃprayataḥ sthitaḥ ||
drauṇir uvāca
ugraṃ sthāṇuṃ śivaṃ rudraṃ śarvam īśānam īśvaram ||
giriśaṃ varadaṃ devaṃ bhavaṃ bhāvanam avyayam ||
śitikaṇṭham ajaṃ śakraṃ krathaṃ kratuharaṃ haram ||
viśvarūpaṃ virūpākṣaṃ bahurūpam umāpatim ||
śmaśānavāsinaṃ dṛptaṃ mahāgaṇapatiṃ prabhum ||
khaṭvāṅgadhāriṇaṃ muṇḍaṃ jaṭilaṃ brahmacāriṇam ||
manasāpy asucintyena duṣkareṇālpacetasā ||
so 'ham ātmopahāreṇa yakṣye tripuraghātinam ||
stutaṃ stutyaṃ stūyamānam amoghaṃ carmavāsasam ||
vilohitaṃ nīlakaṇṭham apṛktaṃ durnivāraṇam ||
śukraṃ viśvasṛjaṃ brahma brahmacāriṇam eva ca ||
vratavantaṃ taponityam anantaṃ tapatāṃ gatim ||
bahurūpaṃ gaṇādhyakṣaṃ tryakṣaṃ pāriṣadapriyam ||
gaṇādhyakṣekṣitamukhaṃ gaurīhṛdayavallabham ||
kumārapitaraṃ piṅgaṃ govṛṣottamavāhanam ||
tanuvāsasam atyugram umābhūṣaṇatatparam ||
paraṃ parebhyaḥ paramaṃ paraṃ yasmān na vidyate ||
iṣvastrottamabhartāraṃ digantaṃ caiva dakṣiṇam ||
hiraṇyakavacaṃ devaṃ candramaulivibhūṣitam ||
prapadye śaraṇaṃ devaṃ parameṇa samādhinā ||
imāṃ cāpy āpadaṃ ghorāṃ tarāmy adya sudustarām ||
sarvabhūtopahāreṇa yakṣye 'haṃ śucinā śucim ||
Санджая сказал: «Так поразмыслив, сын Дроны, о владыка людей, сошёл с площадки колесницы и, стоя сосредоточенно, погрузился в размышление. Драуни сказал: “Я почту самопожертвованием убийцу Трипуры: грозного Стхану, Шиву, Рудру, Шарву, Ишану, Ишвару, Гиришу, бога-дарителя, Бхаву, неизменного творца; синешеего, нерождённого, могущественного, сокрушителя, Хару — разрушителя жертвы; вселенскообразного, разноглазого, многообразного супруга Умы; обитателя кремационных мест, неукротимого владыку великих сонмов, держащего кхатвангу, бритоголового, спутанноволосого, соблюдающего брахмачарью. Я, маломысленный, почту его трудным и непостижимым даже для ума самоподнесением: воспетого, достойного хвалы, прославляемого, непогрешимого, одетого в шкуру, красного, синешеего, несмешанного, неудержимого; сияющего творца вселенной, Брахму и брахмачарина, соблюдающего обеты, всегда пребывающего в тапасе, бесконечного, цель подвижников; многообразного главу ган, трёхглазого, любимого спутниками, того, к чьему лицу обращены предводители сонмов, дорогого сердцу Гаури; отца Кумары, рыжеватого, ездящего на лучшем быке, скудно одетого, крайне грозного, радующего Уму; высшего над высшими, наивысшего, того, выше кого нет никого, носителя лучшего лука и стрел, южный предел сторон; златодоспешного бога, украшенного луной на голове. К этому богу я прибегаю как к защите с высшим сосредоточением. Эту страшную, труднопреодолимую беду я сегодня перейду; подношением всех существ я, чистый, почту Чистого”».
214f54a373f1 · प्रकाशित 20 जून 2026, 12:15:54 pm UTC
उपलब्ध भाषाएँRUश्लोक बदलें इन कुंजियों से
Молитва Ашваттхамана величественна, но её внутреннее направление трагично: он хочет принести себя, чтобы получить силу для ночного насилия. Сам обряд жертвы ещё не делает сердце чистым, если цель остаётся омрачённой.