Vedawordएक वैदिक पुस्तकालय
खोज
प्रवेश
महाभारत
The Duties of the Four Varnas12.60.27-35
10229 / 15823
महाभारत · 12.60.27-35
॥
देवनागरी

शूद्रस्यापि हि यो धर्मस् तं ते वक्ष्यामि भारत ॥
प्रजापतिर् हि वर्णानां दासं शूद्रम् अकल्पयत् ॥
तस्माच् छूद्रस्य वर्णानां परिचर्या विधीयते ॥
तेषां शुश्रूषणाच् चैव महत् सुखम् अवाप्नुयात् ॥
शूद्र एतान् परिचरेत् त्रीन् वर्णान् अनसूयकः ॥
संचयांश् च न कुर्वीत जातु शूद्रः कथं चन ॥
पापीयान् हि धनं लब्ध्वा वशे कुर्याद् गरीयसः ॥
राज्ञा वा समनुज्ञातः कामं कुर्वीत धार्मिकः ॥
तस्य वृत्तिं प्रवक्ष्यामि यच् च तस्योपजीवनम् ॥
अवश्यभरणीयो हि वर्णानां शूद्र उच्यते ॥
छत्रं वेष्टनम् औशीरम् उपानद् व्यजनानि च ॥
यातयामानि देयानि शूद्राय परिचारिणे ॥
अधार्याणि विशीर्णानि वसनानि द्विजातिभिः ॥
शूद्रायैव विधेयानि तस्य धर्मधनं हि तत् ॥
यश् च कश् चिद् द्विजातीनां शूद्रः शुश्रूषुर् आव्रजेत् ॥
कल्प्यां तस्य तु तेनाहुर् वृत्तिं धर्मविदो जनाः ॥
देयः पिण्डो ऽनपेताय भर्तव्यौ वृद्धदुर्बलौ ॥
शूद्रेण च न हातव्यो भर्ता कस्यां चिद् आपदि ॥
अतिरेकेण भर्तव्यो भर्ता द्रव्यपरिक्षये ॥
न हि स्वम् अस्ति शूद्रस्य भर्तृहार्यधनो ह्य् असौ ॥

लिप्यंतरण (IAST)

śūdrasyāpi hi yo dharmas taṃ te vakṣyāmi bhārata ||
prajāpatir hi varṇānāṃ dāsaṃ śūdram akalpayat ||
tasmāc chūdrasya varṇānāṃ paricaryā vidhīyate ||
teṣāṃ śuśrūṣaṇāc caiva mahat sukham avāpnuyāt ||
śūdra etān paricaret trīn varṇān anasūyakaḥ ||
saṃcayāṃś ca na kurvīta jātu śūdraḥ kathaṃ cana ||
pāpīyān hi dhanaṃ labdhvā vaśe kuryād garīyasaḥ ||
rājñā vā samanujñātaḥ kāmaṃ kurvīta dhārmikaḥ ||
tasya vṛttiṃ pravakṣyāmi yac ca tasyopajīvanam ||
avaśyabharaṇīyo hi varṇānāṃ śūdra ucyate ||
chatraṃ veṣṭanam auśīram upānad vyajanāni ca ||
yātayāmāni deyāni śūdrāya paricāriṇe ||
adhāryāṇi viśīrṇāni vasanāni dvijātibhiḥ ||
śūdrāyaiva vidheyāni tasya dharmadhanaṃ hi tat ||
yaś ca kaś cid dvijātīnāṃ śūdraḥ śuśrūṣur āvrajet ||
kalpyāṃ tasya tu tenāhur vṛttiṃ dharmavido janāḥ ||
deyaḥ piṇḍo 'napetāya bhartavyau vṛddhadurbalau ||
śūdreṇa ca na hātavyo bhartā kasyāṃ cid āpadi ||
atirekeṇa bhartavyo bhartā dravyaparikṣaye ||
na hi svam asti śūdrasya bhartṛhāryadhano hy asau ||

शब्दशः अर्थ
संस्कृतIASTअर्थ
शूद्रस्य अपि हि यः धर्मःśūdrasya api hi yaḥ dharmaḥи ведь какая дхарма шудры; обязанность
तम् ते वक्ष्यामि भारतtam te vakṣyāmi bhārataеё тебе скажу, Бхарата; изложу
प्रजापतिः हि वर्णानाम्prajāpatiḥ hi varṇānāmведь Праджапати для варн; сословий
दासम् शूद्रम् अकल्पयत्dāsam śūdram akalpayatслугой шудру назначил; установил
तस्मात् शूद्रस्य वर्णानाम्tasmāt śūdrasya varṇānāmпоэтому для шудры варнам; сословиям
परिचर्या विधीयतेparicaryā vidhīyateслужение предписывается; обслуживание
तेषाम् शुश्रूषणात् च एवteṣām śuśrūṣaṇāt ca evaи от служения им именно; послушного служения
महत् सुखम् अवाप्नुयात्mahat sukham avāpnuyātвеликое счастье получает; благо
शूद्रः एतान् परिचरेत्śūdraḥ etān paricaretшудра пусть служит этим; обслуживает
त्रीन् वर्णान् अनसूयकःtrīn varṇān anasūyakaḥтрём варнам, независтливый; без злобы
संचयान् च न कुर्वीतsaṃcayān ca na kurvītaи накоплений пусть не делает; запасов
जातु शूद्रः कथम् चनjātu śūdraḥ katham canaникогда шудра никоим образом; совсем
पापीयान् हि धनम् लब्ध्वाpāpīyān hi dhanam labdhvāведь худший, получив богатство; став богатым
वशे कुर्यात् गरीयसःvaśe kuryāt garīyasaḥпод власть поставит старших; высших
राज्ञा वा समनुज्ञातःrājñā vā samanujñātaḥили царём разрешённый; с позволения
कामम् कुर्वीत धार्मिकःkāmam kurvīta dhārmikaḥпо желанию пусть действует праведный; законно
तस्य वृत्तिम् प्रवक्ष्यामिtasya vṛttim pravakṣyāmiего образ жизни расскажу; средства
यत् च तस्य उपजीवनम्yat ca tasya upajīvanamи что его пропитание; доход
अवश्य भरणीयः हिavaśya bharaṇīyaḥ hiведь обязательно содержимый; должен быть обеспечен
वर्णानाम् शूद्रः उच्यतेvarṇānām śūdraḥ ucyateсреди варн шудра называется; считается
छत्रम् वेष्टनम् औशीरम्chatram veṣṭanam auśīramзонт, повязка, веер из травы; покрывало
उपानद् व्यजनानि चupānad vyajanāni caобувь и опахала; веера
यातयामानि देयानिyātayāmāni deyāniиспользованные должны даваться; бывшие в употреблении
शूद्राय परिचारिणेśūdrāya paricāriṇeшудре-служителю; обслуживающему
अधार्याणि विशीर्णानिadhāryāṇi viśīrṇāniнепригодные для ношения, изношенные; ветхие
वसनानि द्विजातिभिःvasanāni dvijātibhiḥодежды дваждырождёнными; для брахманов и прочих
शूद्राय एव विधेयानिśūdrāya eva vidheyāniшудре именно должны назначаться; передаваться
तस्य धर्म धनम् हि तत्tasya dharma dhanam hi tatведь это его законное богатство; дхармическое имущество
यः च कः चित् द्विजातीनाम्yaḥ ca kaḥ cit dvijātīnāmи какой-либо из дваждырождённых; кто-нибудь
शूद्रः शुश्रूषुः आव्रजेत्śūdraḥ śuśrūṣuḥ āvrajetшудра, желающий служить, придёт; поступит
कल्प्याम् तस्य तु तेन आहुःkalpyām tasya tu tena āhuḥподходящее ему этим называют; устроенную
वृत्तिम् धर्म विदः जनाःvṛttim dharma vidaḥ janāḥсредство жизни знатоки дхармы; люди
देयः पिण्डः अनपेतायdeyaḥ piṇḍaḥ anapetāyaдолжен даваться кусок неушедшему; верному
भर्तव्यौ वृद्ध दुर्बलौbhartavyau vṛddha durbalauдолжны содержаться старые и слабые; немощные
शूद्रेण च न हातव्यःśūdreṇa ca na hātavyaḥи шудрой не должен оставляться; покидаться
भर्ता कस्याम् चित् आपदिbhartā kasyām cit āpadiгосподин в какой-либо беде; хозяин
अतिरेकेण भर्तव्यःatirekeṇa bhartavyaḥиз избытка должен содержаться; поддерживаться
भर्ता द्रव्य परिक्षयेbhartā dravya parikṣayeгосподин при истощении имущества; обнищании
न हि स्वम् अस्ति शूद्रस्यna hi svam asti śūdrasyaведь нет своего у шудры; личной собственности
भर्तृ हार्य धनः हि असौbhartṛ hārya dhanaḥ hi asauведь его имущество берётся господином; принадлежит хозяину
अनुवाद

«Теперь, Бхарата, я скажу тебе дхарму шудры. Праджапати назначил шудру слугой варн, поэтому ему предписано служение им; через это служение он получает великое благо. Шудра должен без зависти служить трём варнам и никогда никоим образом не делать накоплений. Ведь дурной человек, получив богатство, может подчинить себе старших; но праведный шудра, если царь разрешит, может действовать по своему желанию. Теперь я расскажу его образ жизни и средства пропитания. Среди варн шудра считается тем, кого необходимо содержать. Зонт, повязка, травяной веер, обувь, опахала и прочие уже использованные вещи следует давать шудре-служителю. Одежды, которые дваждырождённые уже не могут носить и которые изношены, должны передаваться именно шудре: это его законное имущество. Если какой-либо шудра приходит к дваждырождённым, желая служить, знатоки дхармы говорят, что ему следует устроить подходящее содержание. Верному служителю нужно давать пищу, а старых и слабых содержать. Шудра не должен оставлять господина ни в какой беде; когда имущество господина истощилось, его надо поддерживать из избытка. Ведь у шудры нет отдельного собственного имущества: его богатство связано с господином».

संस्करण

142f85a967f7 · प्रकाशित 21 जून 2026, 2:29:00 am UTC

उपलब्ध भाषाएँRU
पिछलाश्लोक 12.60.21-26

श्लोक बदलें इन कुंजियों से