धर्मस्य ब्राह्मणा योनिस् तस्मात् तान् पूजयेत् सदा ॥
ब्राह्मणानां च मान्धातः कामान् कुर्याद् अमत्सरी ॥
तेषां ह्य् अकामकरणाद् राज्ञः संजायते भयम् ॥
मित्राणि च न वर्धन्ते तथामित्रीभवन्त्य् अपि ॥
ब्राह्मणान् वै तदासूयाद् यदा वैरोचनो बलिः ॥
अथास्माच् छ्रीर् अपाक्रामद् यास्मिन्न् आसीत् प्रतापिनी ॥
ततस् तस्माद् अपक्रम्य सागच्छत् पाकशासनम् ॥
अथ सो ऽन्वतपत् पश्चाच् छ्रियं दृष्ट्वा पुरंदरे ॥
एतत् फलम् असूयाया अभिमानस्य चाभिभो ॥
तस्माद् बुध्यस्व मान्धातर् मा त्वा जह्यात् प्रतापिनी ॥
दर्पो नाम श्रियः पुत्रो जज्ञे ऽधर्माद् इति श्रुतिः ॥
तेन देवासुरा राजन् नीताः सुबहुशो वशम् ॥
राजर्षयश् च बहवस् तस्माद् बुध्यस्व पार्थिव ॥
राजा भवति तं जित्वा दासस् तेन पराजितः ॥
स यथा दर्पसहितम् अधर्मं नानुसेवसे ॥
तथा वर्तस्व मान्धातश् चिरं चेत् स्थातुम् इच्छसि ॥
dharmasya brāhmaṇā yonis tasmāt tān pūjayet sadā ||
brāhmaṇānāṃ ca māndhātaḥ kāmān kuryād amatsarī ||
teṣāṃ hy akāmakaraṇād rājñaḥ saṃjāyate bhayam ||
mitrāṇi ca na vardhante tathāmitrībhavanty api ||
brāhmaṇān vai tadāsūyād yadā vairocano baliḥ ||
athāsmāc chrīr apākrāmad yāsminn āsīt pratāpinī ||
tatas tasmād apakramya sāgacchat pākaśāsanam ||
atha so 'nvatapat paścāc chriyaṃ dṛṣṭvā puraṃdare ||
etat phalam asūyāyā abhimānasya cābhibho ||
tasmād budhyasva māndhātar mā tvā jahyāt pratāpinī ||
darpo nāma śriyaḥ putro jajñe 'dharmād iti śrutiḥ ||
tena devāsurā rājan nītāḥ subahuśo vaśam ||
rājarṣayaś ca bahavas tasmād budhyasva pārthiva ||
rājā bhavati taṃ jitvā dāsas tena parājitaḥ ||
sa yathā darpasahitam adharmaṃ nānusevase ||
tathā vartasva māndhātaś ciraṃ cet sthātum icchasi ||
«Брахманы — источник дхармы; поэтому царь должен всегда их почитать. Мандхатар, без зависти исполняй нужды брахманов. Если их нужды не исполняются, у царя возникает страх: друзья не растут, а иногда становятся врагами. Когда Бали, сын Вирочаны, стал завидовать брахманам, сияющая Шри, бывшая в нём, ушла от него. Покинув его, она пришла к Индре; потом Бали раскаялся, увидев Шри у Пурандары. Таков плод зависти и гордости, владыка. Поэтому образумься, Мандхатар, чтобы сияющая Шри не оставила тебя. Гордыня, по имени Дарпа, — сын Шри, рождённый от адхармы, таково предание. Им много раз были подчинены боги, асуры и многие царственные риши. Поэтому образумься, земной владыка: победив гордыню, человек становится царём, а побеждённый ею становится рабом. Если ты хочешь стоять долго, Мандхатар, действуй так, чтобы не служить адхарме, соединённой с гордыней».
11bb37bb409c · प्रकाशित 20 जून 2026, 7:42:47 pm UTC
उपलब्ध भाषाएँRUश्लोक बदलें इन कुंजियों से
Почитание брахманов здесь связано не с социальной вежливостью, а с сохранением Шри. Богатство и власть уходят от царя, когда гордость заставляет его враждовать с источником дхармы.