ब्रह्म तेजोमयं शुक्रं यस्य सर्वम् इदं जगत् ॥
एकस्य भूतं भूतस्य द्वयं स्थावरजङ्गमम् ॥
अहर् मुखे विबुद्धः सन् सृजते विद्यया जगत् ॥
अग्र एव महाभूतम् आशु व्यक्तात्मकं मनः ॥
अभिभूयेह चार्चिष्मद् व्यसृजत् सप्त मानसान् ॥
दूरगं बहुधागामि प्रार्थनासंशयात्मकम् ॥
मनः सृष्टिं विकुरुते चोद्यमानं सिसृक्षया ॥
आकाशं जायते तस्मात् तस्य शब्दो गुणो मतः ॥
आकाशात् तु विकुर्वाणात् सर्वगन्धवहः शुचिः ॥
बलवाञ् जायते वायुस् तस्य स्पर्शो गुणो मतः ॥
वायोर् अपि विकुर्वाणाज् ज्योतिर् भूतं तमोनुदम् ॥
रोचिष्णु जायते तत्र तद् रूपगुणम् उच्यते ॥
ज्योतिषो ऽपि विकुर्वाणाद् भवन्त्य् आपो रसात्मिकाः ॥
अद्भ्यो गन्धगुणा भूमिः पूर्वैषा सृष्टिर् उच्यते ॥
गुणाः पूर्वस्य पूर्वस्य प्राप्नुवन्त्य् उत्तरोत्तरम् ॥
तेषां यावत् तिथं यद् यत् तत् तत् तावद् गुणं स्मृतम् ॥
उपलभ्याप्सु चेद् गन्धं के चिद् ब्रूयुर् अनैपुणात् ॥
पृथिव्याम् एव तं विद्याद् आपो वायुं च संश्रितम् ॥
एते तु सप्त पुरुषा नानाविर्याः पृथक् पृथक् ॥
नाशक्नुवन् प्रजाः स्रष्टुम् असमागम्य सर्वतः ॥
ते समेत्य महात्मानम् अन्योन्यम् अभिसंश्रिताः ॥
शरीराश्रयणं प्राप्तास् ततः पुरुष उच्यते ॥
श्रयणाच् छरीरं भवति मूर्तिमत् षोडशात्मकम् ॥
तद् आविशन्ति भूतानि महान्ति सह कर्मणा ॥
सर्वभूतानि चादाय तपसश् चरणाय च ॥
आदिकर्ता महाभूतं तम् एवाहुः प्रजापतिम् ॥
स वै सृजति भूतानि स एव पुरुषः परः ॥
अजो जनयते ब्रह्मा देवर्षिपितृमानवान् ॥
लोकान् नदीः समुद्रांश् च दिशः शैलान् वनस्पतीन् ॥
नरकिंनररक्षांसि वयःपशुमृगोरगान् ॥
अव्ययं च व्ययं चैव द्वयं स्थावरजङ्गमम् ॥
brahma tejomayaṃ śukraṃ yasya sarvam idaṃ jagat ||
ekasya bhūtaṃ bhūtasya dvayaṃ sthāvarajaṅgamam ||
ahar mukhe vibuddhaḥ san sṛjate vidyayā jagat ||
agra eva mahābhūtam āśu vyaktātmakaṃ manaḥ ||
abhibhūyeha cārciṣmad vyasṛjat sapta mānasān ||
dūragaṃ bahudhāgāmi prārthanāsaṃśayātmakam ||
manaḥ sṛṣṭiṃ vikurute codyamānaṃ sisṛkṣayā ||
ākāśaṃ jāyate tasmāt tasya śabdo guṇo mataḥ ||
ākāśāt tu vikurvāṇāt sarvagandhavahaḥ śuciḥ ||
balavāñ jāyate vāyus tasya sparśo guṇo mataḥ ||
vāyor api vikurvāṇāj jyotir bhūtaṃ tamonudam ||
rociṣṇu jāyate tatra tad rūpaguṇam ucyate ||
jyotiṣo 'pi vikurvāṇād bhavanty āpo rasātmikāḥ ||
adbhyo gandhaguṇā bhūmiḥ pūrvaiṣā sṛṣṭir ucyate ||
guṇāḥ pūrvasya pūrvasya prāpnuvanty uttarottaram ||
teṣāṃ yāvat tithaṃ yad yat tat tat tāvad guṇaṃ smṛtam ||
upalabhyāpsu ced gandhaṃ ke cid brūyur anaipuṇāt ||
pṛthivyām eva taṃ vidyād āpo vāyuṃ ca saṃśritam ||
ete tu sapta puruṣā nānāviryāḥ pṛthak pṛthak ||
nāśaknuvan prajāḥ sraṣṭum asamāgamya sarvataḥ ||
te sametya mahātmānam anyonyam abhisaṃśritāḥ ||
śarīrāśrayaṇaṃ prāptās tataḥ puruṣa ucyate ||
śrayaṇāc charīraṃ bhavati mūrtimat ṣoḍaśātmakam ||
tad āviśanti bhūtāni mahānti saha karmaṇā ||
sarvabhūtāni cādāya tapasaś caraṇāya ca ||
ādikartā mahābhūtaṃ tam evāhuḥ prajāpatim ||
sa vai sṛjati bhūtāni sa eva puruṣaḥ paraḥ ||
ajo janayate brahmā devarṣipitṛmānavān ||
lokān nadīḥ samudrāṃś ca diśaḥ śailān vanaspatīn ||
narakiṃnararakṣāṃsi vayaḥpaśumṛgoragān ||
avyayaṃ ca vyayaṃ caiva dvayaṃ sthāvarajaṅgamam ||
«Светлый, сияющий Брахман есть то, чьим является весь этот мир: от одного сущего происходит двойной мир неподвижного и движущегося. В начале дня, пробудившись, Он знанием творит мир: прежде всего махат, затем быстро - ум проявленной природы. Овладев сияющим, Он создал семь ментальных принципов. Ум далеко идёт, движется многими путями, состоит из желания и сомнения; побуждаемый желанием творить, он изменяет творение. Из него рождается пространство, и его качеством считается звук. Из изменяющегося пространства рождается мощный, чистый ветер, несущий все запахи; его качеством считается касание. Из изменяющегося ветра рождается световое существо, сияющее и гонящее тьму; его качеством называется форма. Из изменяющегося света возникают воды, природа которых - вкус; из вод возникает земля, обладающая качеством запаха. Это называется первым творением. Качества предыдущих элементов переходят в последующие: насколько каждый элемент содержит предшествующее, настолько он считается наделённым качествами. Если кто-то из-за неумелости говорит, что запах воспринимается в воде, знай: он принадлежит земле; воды же опираются на ветер. Эти семь пуруш, обладая разными силами, по отдельности не смогли создавать существ; соединившись с Махатмой и взаимно опираясь друг на друга, они достигли телесной опоры, и потому это называется пурушей. Из опоры возникает тело, имеющее форму и состоящее из шестнадцати начал; в него входят великие элементы вместе с кармой. Взяв все существа ради совершения тапаса, первотворец, великое существо, называется Праджапати. Он творит существ; он же высший Пуруша. Нерождённый Брахма порождает богов, риши, предков, людей, миры, реки, океаны, стороны света, горы, деревья, наров, киннаров, ракшасов, птиц, скот, зверей, змей, а также двойной мир - неистощимое и преходящее, неподвижное и движущееся».
0562365507de · प्रकाशित 21 जून 2026, 8:45:22 am UTC
उपलब्ध भाषाएँRUश्लोक बदलें इन कुंजियों से
Творение описано как последовательность проявления от ума к элементам и телу. Элементы не независимы: каждый последующий несёт качества предыдущих, а тело становится местом, где элементы и карма соединяются.