स्यूमरश्मिर् उवाच
स्वर्गकामो यजेतेति सततं श्रूयते श्रुतिः ॥
फलं प्रकल्प्य पूर्वं हि ततो यज्ञः प्रतायते ॥
अजश् चाश्वश् च मेषश् च गौश् च पक्षिगणाश् च ये ॥
ग्राम्यारण्या ओषधयः प्राणस्यान्नम् इति श्रुतिः ॥
तथैवान्नं ह्य् अहरहः सायं प्रातर् निरुप्यते ॥
पशवश् चाथ धान्यं च यज्ञस्याङ्गम् इति श्रुतिः ॥
एतानि सह यज्ञेन प्रजापतिर् अकल्पयत् ॥
तेन प्रजापतिर् देवान् यज्ञेनायजत प्रभुः ॥
ते स्मान्योन्यंचराः सर्वे प्राणिनः सप्त सप्त च ॥
यज्ञेषूपाकृतं विश्वं प्राहुर् उत्तमसंज्ञितम् ॥
एतच् चैवाभ्यनुज्ञातं पूर्वैः पूर्वतरैस् तथा ॥
को जातु न विचिन्वीत विद्वान् स्वां शक्तिम् आत्मनः ॥
पशवश् च मनुष्याश् च द्रुमाश् चौषधिभिः सह ॥
स्वर्गम् एवाभिकाङ्क्षन्ते न च स्वर्गस् त्व् ऋते मखम् ॥
ओषध्यः पशवो वृक्षा वीरुद् आज्यं पयो दधि ॥
हविर् भूमिर् दिशः श्रद्धा कालश् चैतानि द्वादश ॥
ऋचो यजूंषि सामानि यजमानश् च षोडशः ॥
अग्निर् ज्ञेयो गृहपतिः स सप्तदश उच्यते ॥
अङ्गान्य् एतानि यज्ञस्य यज्ञो मूलम् इति श्रुतिः ॥
syūmaraśmir uvāca
svargakāmo yajeteti satataṃ śrūyate śrutiḥ ||
phalaṃ prakalpya pūrvaṃ hi tato yajñaḥ pratāyate ||
ajaś cāśvaś ca meṣaś ca gauś ca pakṣigaṇāś ca ye ||
grāmyāraṇyā oṣadhayaḥ prāṇasyānnam iti śrutiḥ ||
tathaivānnaṃ hy aharahaḥ sāyaṃ prātar nirupyate ||
paśavaś cātha dhānyaṃ ca yajñasyāṅgam iti śrutiḥ ||
etāni saha yajñena prajāpatir akalpayat ||
tena prajāpatir devān yajñenāyajata prabhuḥ ||
te smānyonyaṃcarāḥ sarve prāṇinaḥ sapta sapta ca ||
yajñeṣūpākṛtaṃ viśvaṃ prāhur uttamasaṃjñitam ||
etac caivābhyanujñātaṃ pūrvaiḥ pūrvatarais tathā ||
ko jātu na vicinvīta vidvān svāṃ śaktim ātmanaḥ ||
paśavaś ca manuṣyāś ca drumāś cauṣadhibhiḥ saha ||
svargam evābhikāṅkṣante na ca svargas tv ṛte makham ||
oṣadhyaḥ paśavo vṛkṣā vīrud ājyaṃ payo dadhi ||
havir bhūmir diśaḥ śraddhā kālaś caitāni dvādaśa ||
ṛco yajūṃṣi sāmāni yajamānaś ca ṣoḍaśaḥ ||
agnir jñeyo gṛhapatiḥ sa saptadaśa ucyate ||
aṅgāny etāni yajñasya yajño mūlam iti śrutiḥ ||
Сьюмарашми сказал: «Шрути постоянно говорит: “Желающий неба пусть совершает жертву”. Сначала устанавливается плод, и затем разворачивается жертва. Козёл, конь, баран, корова, птицы, домашние и лесные существа, растения — всё это, говорит шрути, является пищей жизни. Так же ежедневно утром и вечером назначается пища; животные и зерно названы частью жертвы. Праджапати установил это вместе с жертвой, и этой жертвой владыка Праджапати почтил богов. Все живые существа взаимно связаны, группами по семь; всё приготовленное в жертвах называют высшим. Это было разрешено древними и ещё более древними. Какой знающий человек не стал бы взвешивать собственную силу? Животные, люди, деревья и травы желают именно неба, а неба без жертвы нет. Травы, животные, деревья, ползучие растения, масло, молоко, творог, хавис, земля, стороны света, вера и время — вот двенадцать. Ричи, яджусы, саманы и жертвователь как шестнадцатый; огонь следует понимать как хозяина дома, он называется семнадцатым. Таковы члены жертвы; шрути говорит, что жертва — корень».
224bda532c36 · प्रकाशित 21 जून 2026, 5:37:44 am UTC
उपलब्ध भाषाएँRUश्लोक बदलें इन कुंजियों से
Сьюмарашми защищает ведийскую жертву как космическую взаимосвязь: пища, время, вера, огонь, гимны и жертвователь образуют единый порядок, а не частный акт насилия.