भीष्म उवाच
इत्य् एवम् उक्त्वा वचनं ब्रह्मर्षिः सुमहातपाः ॥
प्रातिष्ठत शुकः सिद्धिं हित्वा लोकांश् चतुर्विधान् ॥
तमो ह्य् अष्टविधं हित्वा जहौ पञ्चविधं रजः ॥
ततः सत्त्वं जहौ धीमांस् तद् अद्भुतम् इवाभवत् ॥
ततस् तस्मिन् पदे नित्ये निर्गुणे लिङ्गवर्जिते ॥
ब्रह्मणि प्रत्यतिष्ठत् स विधूमो ऽग्निर् इव ज्वलन् ॥
उल्कापाता दिशां दाहा भूमिकम्पास् तथैव च ॥
प्रादुर्भूताः क्षणे तस्मिंस् तद् अद्भुतम् इवाभवत् ॥
द्रुमाः शाखाश् च मुमुचुः शिखराणि च पर्वताः ॥
निर्घातशब्दैश् च गिरिर् हिमवान् दीर्यतीव ह ॥
न बभासे सहस्रांशुर् न जज्वाल च पावकः ॥
ह्रदाश् च सरितश् चैव चुक्षुभुः सागरास् तथा ॥
ववर्ष वासवस् तोयं रसवच् च सुगन्धि च ॥
ववौ समीरणश् चापि दिव्यगन्धवहः शुचिः ॥
bhīṣma uvāca
ity evam uktvā vacanaṃ brahmarṣiḥ sumahātapāḥ ||
prātiṣṭhata śukaḥ siddhiṃ hitvā lokāṃś caturvidhān ||
tamo hy aṣṭavidhaṃ hitvā jahau pañcavidhaṃ rajaḥ ||
tataḥ sattvaṃ jahau dhīmāṃs tad adbhutam ivābhavat ||
tatas tasmin pade nitye nirguṇe liṅgavarjite ||
brahmaṇi pratyatiṣṭhat sa vidhūmo 'gnir iva jvalan ||
ulkāpātā diśāṃ dāhā bhūmikampās tathaiva ca ||
prādurbhūtāḥ kṣaṇe tasmiṃs tad adbhutam ivābhavat ||
drumāḥ śākhāś ca mumucuḥ śikharāṇi ca parvatāḥ ||
nirghātaśabdaiś ca girir himavān dīryatīva ha ||
na babhāse sahasrāṃśur na jajvāla ca pāvakaḥ ||
hradāś ca saritaś caiva cukṣubhuḥ sāgarās tathā ||
vavarṣa vāsavas toyaṃ rasavac ca sugandhi ca ||
vavau samīraṇaś cāpi divyagandhavahaḥ śuciḥ ||
Бхишма сказал: «Сказав это, брахмарши Шука, исполненный великого тапаса, отправился к совершенству, оставив четыре вида миров. Он оставил восьмивидный тамас, затем пятивидный раджас; после этого мудрый оставил и саттву — это было словно чудо. Тогда он утвердился в вечном, лишённом гун и признаков положении Брахмана, пылая, как бездымный огонь. В тот миг появились падения метеоров, пожары по сторонам света и землетрясения — это было словно чудо. Деревья сбрасывали ветви, горы — вершины, и от громовых звуков Химаван словно раскалывался. Солнце не сияло, огонь не пылал; озёра, реки и океаны взволновались. Индра пролил вкусный и благоуханный дождь, и подул чистый ветер, несущий божественный аромат».
d61f7c43a614 · प्रकाशित 21 जून 2026, 6:01:20 am UTC
उपलब्ध भाषाएँRUश्लोक बदलें इन कुंजियों से
Освобождение Шуки описано как выход за три гуны, а не просто как небесное восхождение. Мир отвечает потрясением и благими знаками, потому что уход такого святого касается всей космической ткани.