तेऽनुज्ञां रघुनाथस्य प्राप्य मोदं प्रपेदिरे । चिरकालं साम्परायं वाञ्छन्तो युद्धदुर्मदाः
सन्नद्धाः कवचाद्यैश्च तथा शस्त्रास्त्रवर्तनैः । ययुः शत्रुघ्नसंवासं सीतापतिप्रणोदिताः
अथोक्त ऋषिणा रामो विधिनापूजयत्क्रमात् । आचार्यादीनृषीन्सर्वान्यथोक्तवरदक्षिणैः
आचार्याय ददौ रामो हस्तिनं षष्टिहायनम् । हयमेकं मनोवेगं रत्नमालाविभूषितम्
पौरटं रथमेकं च मणिरत्नविभूषितम् । चतुर्भिर्वाजिभिर्युक्तं सर्वोपस्करसंयुतम्
मणिमेकं तु प्रत्यक्षं मुक्ताफलतुलाशतम् । विद्रुमस्य तुलानां तु सहस्रं स्फुटतेजसाम्
ग्राममेकं सुसम्पन्नं नानाजनसमाकुलम् । विचित्रसस्यनिष्पन्नं विविधैर्मन्दिरैर्वृतम्
ब्रह्मणेऽपि तथैवादाद्धोत्रेऽप्यध्वर्यवे ददौ । ऋत्विग्भ्यो भूरिशो दत्त्वा प्रणनाम रघूत्तमः । सर्वे तेऽवर्धयन्वाग्भिराशीर्भिरभिपूजिताः । चिरंजीव महाराज रामचन्द्र रघूद्वह
कन्यादानं भूमिदानं गजदानं तथैव च । अश्वदानं स्वर्णदानं तिलदानं समौक्तिकम्
अन्नदानं पयोदानमभयदानमुत्तमम् । रत्नदानानि सर्वाणि विप्रेभ्यश्चादिशन्महान्
देहि देहि धनं देहि मा नेति ब्रूहि कस्याचित् । ददात्वन्नं ददात्वन्नं सर्वभोगसमन्वितम्
इत्थं प्रावर्तत मखो रघुनाथस्य धीमतः । स दक्षिणो द्विजवरैः पूर्णः सर्वशुभक्रियः
अथ रामानुजो गत्वा मातरं प्रणनाम ह । आज्ञापयाश्वरक्षार्थमेष गच्छामि शोभने
त्वत्कृपातो रिपुकुलं जित्वा शोभासमन्वितः । आयास्यामि महाराजैर्हयवर्यसमन्वितः
पुत्र गच्छ महावीर शिवाः पन्थान एव ते । सर्वान्रिपुगणाञ्जित्वा पुनरागच्छ सन्मते
te'nujñāṃ raghunāthasya prāpya modaṃ prapedire | cirakālaṃ sāmparāyaṃ vāñchanto yuddhadurmadāḥ
sannaddhāḥ kavacādyaiśca tathā śastrāstravartanaiḥ | yayuḥ śatrughnasaṃvāsaṃ sītāpatipraṇoditāḥ
athokta ṛṣiṇā rāmo vidhināpūjayatkramāt | ācāryādīnṛṣīnsarvānyathoktavaradakṣiṇaiḥ
ācāryāya dadau rāmo hastinaṃ ṣaṣṭihāyanam | hayamekaṃ manovegaṃ ratnamālāvibhūṣitam
pauraṭaṃ rathamekaṃ ca maṇiratnavibhūṣitam | caturbhirvājibhiryuktaṃ sarvopaskarasaṃyutam
maṇimekaṃ tu pratyakṣaṃ muktāphalatulāśatam | vidrumasya tulānāṃ tu sahasraṃ sphuṭatejasām
grāmamekaṃ susampannaṃ nānājanasamākulam | vicitrasasyaniṣpannaṃ vividhairmandirairvṛtam
brahmaṇe'pi tathaivādāddhotre'pyadhvaryave dadau | ṛtvigbhyo bhūriśo dattvā praṇanāma raghūttamaḥ | sarve te'vardhayanvāgbhirāśīrbhirabhipūjitāḥ | ciraṃjīva mahārāja rāmacandra raghūdvaha
kanyādānaṃ bhūmidānaṃ gajadānaṃ tathaiva ca | aśvadānaṃ svarṇadānaṃ tiladānaṃ samauktikam
annadānaṃ payodānamabhayadānamuttamam | ratnadānāni sarvāṇi viprebhyaścādiśanmahān
dehi dehi dhanaṃ dehi mā neti brūhi kasyācit | dadātvannaṃ dadātvannaṃ sarvabhogasamanvitam
itthaṃ prāvartata makho raghunāthasya dhīmataḥ | sa dakṣiṇo dvijavaraiḥ pūrṇaḥ sarvaśubhakriyaḥ
atha rāmānujo gatvā mātaraṃ praṇanāma ha | ājñāpayāśvarakṣārthameṣa gacchāmi śobhane
tvatkṛpāto ripukulaṃ jitvā śobhāsamanvitaḥ | āyāsyāmi mahārājairhayavaryasamanvitaḥ
putra gaccha mahāvīra śivāḥ panthāna eva te | sarvānripugaṇāñjitvā punarāgaccha sanmate
«Они, получив дозволение Рагхунатхи, обрели радость — долгое время желавшие битвы, неистовые в бою. Снаряжённые доспехами и прочим, а также упражнениями в оружии и стрелах, пошли они в жилище Шатругхны, посланные супругом Ситы. Затем Рама, наставленный мудрецом, по уставу почтил по порядку наставника и всех прочих мудрецов предписанными щедрыми дарами. Наставнику Рама дал шестидесятилетнего слона, одного коня, быстрого как мысль, украшенного самоцветными гирляндами; и одну золотую колесницу, украшенную самоцветами, запряжённую четырьмя конями, со всею утварью; и один самоцвет — явный, — сто мер жемчуга и тысячу мер ярко сияющего коралла; и одну весьма богатую деревню, полную разного народа, изобильную разными хлебами, окружённую разными домами. Точно так же дал он и брахману, и хотару, и адхварью; обильно одарив жрецов, лучший из рода Рагху поклонился им. И все они, почтённые, возвеличили его речами и благословениями: „Живи долго, о великий царь, о Рамачандра, о потомок Рагху!“ Дар девы, дар земли, дар слона, а также дар коня, дар золота, дар кунжута с жемчугом, дар пищи, дар молока, высший дар безопасности и все дары самоцветов — всё это великий назначил випрам. „Дай, дай, дай богатство; никому не говори «нет»! Пусть даст пищу, пусть даст пищу со всеми яствами!“ Так начался обряд мудрого Рагхунатхи — со щедрыми дарами, полный лучшими из дваждырождённых, со всеми благими обрядами. Затем младший брат Рамы, придя к матери, поклонился ей: „Дозволь: вот я иду ради охраны коня, о прекрасная. По твоей милости, победив род врагов, я вернусь, исполненный красы, с великими царями и с лучшим из коней“. — „Иди, сын, о великий герой; благи да будут пути твои! Победив все сонмы врагов, приходи снова, о благомысленный.“»
3ecb400224ad · प्रकाशित 3 सित॰ 2026, 4:13:45 am UTC
उपलब्ध भाषाएँRUश्लोक बदलें इन कुंजियों से
Между списком войск и прощанием с матерью — длинный перечень даров, и он не случаен: жертва коня измеряется не победами, а розданным. «Никому не говори „нет“» — вот единственный приказ, который Рама отдаёт дважды. А сам поход начинается не с выступления, а с поклона матери.