एवम् उक्ते ततस् ताभ्यां सर्व एव महर्षयः । विश्वामित्रं पुरस्कृत्य रामं वचनम् अब्रुवन् ॥
मैथिलस्य नरश्रेष्ठ जनकस्य भविष्यति । यज्ञः परमधर्मिष्ठस् तत्र यास्यामहे वयम् ॥
त्वं चैव नरशार्दूल सहास्माभिर् गमिष्यसि । अद्भुतं च धनूरत्नं तत्र त्वं द्रष्टुम् अर्हसि ॥
तद् धि पूर्वं नरश्रेष्ठ दत्तं सदसि दैवतैः । अप्रमेयबलं घोरं मखे परमभास्वरम् ॥
नास्य देवा न गन्धर्वा नासुरा न च राक्षसाः । कर्तुम् आरोपणं शक्ता न कथं चन मानुषाः ॥
धनुषस् तस्य वीर्यं हि जिज्ञासन्तो महीक्षितः । न शेकुर् आरोपयितुं राजपुत्रा महाबलाः ॥
तद् धनुर् नरशार्दूल मैथिलस्य महात्मनः । तत्र द्रक्ष्यसि काकुत्स्थ यज्ञं चाद्भुतदर्शनम् ॥
तद् धि यज्ञफलं तेन मैथिलेनोत्तमं धनुः । याचितं नरशार्दूल सुनाभं सर्वदैवतैः ॥
evam ukte tatas tābhyāṃ sarva eva maharṣayaḥ | viśvāmitraṃ puraskṛtya rāmaṃ vacanam abruvan ||
maithilasya naraśreṣṭha janakasya bhaviṣyati | yajñaḥ paramadharmiṣṭhas tatra yāsyāmahe vayam ||
tvaṃ caiva naraśārdūla sahāsmābhir gamiṣyasi | adbhutaṃ ca dhanūratnaṃ tatra tvaṃ draṣṭum arhasi ||
tad dhi pūrvaṃ naraśreṣṭha dattaṃ sadasi daivataiḥ | aprameyabalaṃ ghoraṃ makhe paramabhāsvaram ||
nāsya devā na gandharvā nāsurā na ca rākṣasāḥ | kartum āropaṇaṃ śaktā na kathaṃ cana mānuṣāḥ ||
dhanuṣas tasya vīryaṃ hi jijñāsanto mahīkṣitaḥ | na śekur āropayituṃ rājaputrā mahābalāḥ ||
tad dhanur naraśārdūla maithilasya mahātmanaḥ | tatra drakṣyasi kākutstha yajñaṃ cādbhutadarśanam ||
tad dhi yajñaphalaṃ tena maithilenottamaṃ dhanuḥ | yācitaṃ naraśārdūla sunābhaṃ sarvadaivataiḥ ||
Когда братья сказали это, все великие риши, поставив Вишвамитру во главе, обратились к Раме: «О лучший из людей, у майтхильского царя Джанаки состоится в высшей степени праведное жертвоприношение, и мы отправимся туда. О тигр среди людей, ты тоже пойдёшь вместе с нами. Там ты достоин увидеть удивительный драгоценный лук. О лучший из людей, прежде божества даровали его в собрании на жертвоприношении: он грозен, неизмеримо силён и в высшей степени сияющ. Ни боги, ни гандхарвы, ни асуры, ни ракшасы, ни тем более люди никак не способны натянуть его. Могучие царевичи и цари земли, желая испытать силу этого лука, не смогли поднять его на тетиву. О тигр среди людей, там, у великодушного майтхильского царя, ты увидишь этот лук и жертвоприношение, удивительное для взгляда. Этот превосходный лук, Сунабха, был получен майтхильцем от всех божеств как плод жертвоприношения».
1727ef1a0ae9 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Путь Рамы естественно разворачивается от защиты жертвы к будущей встрече с луком Джанаки. Мудрецы не объявляют исход заранее; они лишь приглашают Раму увидеть то, что не смогли покорить ни боги, ни могучие цари. Так повествование ведёт к проявлению силы без саморекламы.