गते पुरोहिते रामः स्नातो नियतमानसः । सह पत्न्या विशालाक्ष्या नारायणम् उपागमत् ॥
प्रगृह्य शिरसा पात्रीं हविषो विधिवत् तदा । महते दैवतायाज्यं जुहाव ज्वलिते ऽनले ॥
शेषं च हविषस् तस्य प्राश्याशास्यात्मनः प्रियम् । ध्यायन् नारायणं देवं स्वास्तीर्णे कुशसंस्तरे ॥
वाग्यतः सह वैदेह्या भूत्वा नियतमानसः । श्रीमत्य् आयतने विष्णोः शिश्ये नरवरात्मजः ॥
एकयामावशिष्टायां रात्र्यां प्रतिविबुध्य सः । अलंकारविधिं कृत्स्नं कारयाम् आस वेश्मनः ॥
तत्र शृण्वन् सुखा वाचः सूतमागधबन्दिनाम् । पूर्वां संध्याम् उपासीनो जजाप यतमानसः ॥
तुष्टाव प्रणतश् चैव शिरसा मधुसूदनम् । विमलक्षौमसंवीतो वाचयाम् आस च द्विजान् ॥
तेषां पुण्याहघोषो ऽथ गम्भीरमधुरस् तदा । अयोध्यां पूरयाम् आस तूर्यघोषानुनादितः ॥
gate purohite rāmaḥ snāto niyatamānasaḥ | saha patnyā viśālākṣyā nārāyaṇam upāgamat ||
pragṛhya śirasā pātrīṃ haviṣo vidhivat tadā | mahate daivatāyājyaṃ juhāva jvalite 'nale ||
śeṣaṃ ca haviṣas tasya prāśyāśāsyātmanaḥ priyam | dhyāyan nārāyaṇaṃ devaṃ svāstīrṇe kuśasaṃstare ||
vāgyataḥ saha vaidehyā bhūtvā niyatamānasaḥ | śrīmaty āyatane viṣṇoḥ śiśye naravarātmajaḥ ||
ekayāmāvaśiṣṭāyāṃ rātryāṃ prativibudhya saḥ | alaṃkāravidhiṃ kṛtsnaṃ kārayām āsa veśmanaḥ ||
tatra śṛṇvan sukhā vācaḥ sūtamāgadhabandinām | pūrvāṃ saṃdhyām upāsīno jajāpa yatamānasaḥ ||
tuṣṭāva praṇataś caiva śirasā madhusūdanam | vimalakṣaumasaṃvīto vācayām āsa ca dvijān ||
teṣāṃ puṇyāhaghoṣo 'tha gambhīramadhuras tadā | ayodhyāṃ pūrayām āsa tūryaghoṣānunāditaḥ ||
Когда пурохита ушёл, Рама, совершив омовение и собрав ум, вместе со своей широкоокой супругой приступил к поклонению Нараяне. Взяв над головой сосуд с жертвенной пищей, он по правилу возлил гхи великому Божеству в пылающий огонь. Вкусив остаток этой жертвенной пищи и испросив себе благое, он созерцал Бога Нараяну на хорошо расстеленной подстилке из куши. Обуздав речь, вместе с Вайдехи и с собранным умом, царевич лёг в прекрасном святилище Вишну. Когда от ночи оставалась одна стража, Рама проснулся и велел полностью украсить свой дом. Там, слушая приятные голоса сут, магадхов и бардов, он совершал утреннюю сандхью и повторял мантры с обузданным умом. Склонив голову, он прославил Мадхусудану и, облачённый в чистые льняные одежды, велел брахманам возглашать благословения. Их глубокий и сладкий возглас о благом дне, сопровождаемый звуками инструментов, наполнил Айодхью.
9e9ab39c7f00 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама встречает будущую власть не как право, а как поклонение Нараяне. Пост, жертва, остаток хави, молчание, святилище Вишну и утренняя джапа показывают, что царское служение должно начинаться с внутренней чистоты и преданности.