तथा तु विलपन्तीं तां कौसल्यां राममातरम् । उवाच लक्ष्मणो दीनस् तत् कालसदृशं वचः ॥
न रोचते ममाप्य् एतद् आर्ये यद् राघवो वनम् । त्यक्त्वा राज्यश्रियं गच्छेत् स्त्रिया वाक्यवशं गतः ॥
विपरीतश् च वृद्धश् च विषयैश् च प्रधर्षितः । नृपः किम् इव न ब्रूयाच् चोद्यमानः समन्मथः ॥
नास्यापराधं पश्यामि नापि दोषं तथा विधम् । येन निर्वास्यते राष्ट्राद् वनवासाय राघवः ॥
न तं पश्याम्य् अहं लोके परोक्षम् अपि यो नरः । अमित्रो ऽपि निरस्तो ऽपि यो ऽस्य दोषम् उदाहरेत् ॥
देवकल्पम् ऋजुं दान्तं रिपूणाम् अपि वत्सलम् । अवेक्षमाणः को धर्मं त्यजेत् पुत्रम् अकारणात् ॥
तद् इदं वचनं राज्ञः पुनर् बाल्यम् उपेयुषः । पुत्रः को हृदये कुर्याद् राजवृत्तम् अनुस्मरन् ॥
यावद् एव न जानाति कश् चिद् अर्थम् इमं नरः । तावद् एव मया साधम् आत्मस्थं कुरु शासनम् ॥
मया पार्श्वे सधनुषा तव गुप्तस्य राघव । कः समर्थो ऽधिकं कर्तुं कृतान्तस्येव तिष्ठतः ॥
निर्मनुष्याम् इमां सर्वाम् अयोध्यां मनुजर्षभ । करिष्यामि शरैस् तीक्ष्णैर् यदि स्थास्यति विप्रिये ॥
भरतस्याथ पक्ष्यो वा यो वास्य हितम् इच्छति । सर्वान् एतान् वधिष्यामि मृदुर् हि परिभूयते ॥
त्वया चैव मया चैव कृत्वा वैरम् अनुत्तमम् । कस्य शक्तिः श्रियं दातुं भरतायारिशासन ॥
अनुरक्तो ऽस्मि भावेन भ्रातरं देवि तत्त्वतः । सत्येन धनुषा चैव दत्तेनेष्टेन ते शपे ॥
दीप्तम् अग्निम् अरण्यं वा यदि रामः प्रवेक्ष्यते । प्रविष्टं तत्र मां देवि त्वं पूर्वम् अवधारय ॥
हरामि वीर्याद् दुःखं ते तमः सूर्य इवोदितः । देवी पश्यतु मे वीर्यं राघवश् चैव पश्यतु ॥
tathā tu vilapantīṃ tāṃ kausalyāṃ rāmamātaram | uvāca lakṣmaṇo dīnas tat kālasadṛśaṃ vacaḥ ||
na rocate mamāpy etad ārye yad rāghavo vanam | tyaktvā rājyaśriyaṃ gacchet striyā vākyavaśaṃ gataḥ ||
viparītaś ca vṛddhaś ca viṣayaiś ca pradharṣitaḥ | nṛpaḥ kim iva na brūyāc codyamānaḥ samanmathaḥ ||
nāsyāparādhaṃ paśyāmi nāpi doṣaṃ tathā vidham | yena nirvāsyate rāṣṭrād vanavāsāya rāghavaḥ ||
na taṃ paśyāmy ahaṃ loke parokṣam api yo naraḥ | amitro 'pi nirasto 'pi yo 'sya doṣam udāharet ||
devakalpam ṛjuṃ dāntaṃ ripūṇām api vatsalam | avekṣamāṇaḥ ko dharmaṃ tyajet putram akāraṇāt ||
tad idaṃ vacanaṃ rājñaḥ punar bālyam upeyuṣaḥ | putraḥ ko hṛdaye kuryād rājavṛttam anusmaran ||
yāvad eva na jānāti kaś cid artham imaṃ naraḥ | tāvad eva mayā sādham ātmasthaṃ kuru śāsanam ||
mayā pārśve sadhanuṣā tava guptasya rāghava | kaḥ samartho 'dhikaṃ kartuṃ kṛtāntasyeva tiṣṭhataḥ ||
nirmanuṣyām imāṃ sarvām ayodhyāṃ manujarṣabha | kariṣyāmi śarais tīkṣṇair yadi sthāsyati vipriye ||
bharatasyātha pakṣyo vā yo vāsya hitam icchati | sarvān etān vadhiṣyāmi mṛdur hi paribhūyate ||
tvayā caiva mayā caiva kṛtvā vairam anuttamam | kasya śaktiḥ śriyaṃ dātuṃ bharatāyāriśāsana ||
anurakto 'smi bhāvena bhrātaraṃ devi tattvataḥ | satyena dhanuṣā caiva datteneṣṭena te śape ||
dīptam agnim araṇyaṃ vā yadi rāmaḥ pravekṣyate | praviṣṭaṃ tatra māṃ devi tvaṃ pūrvam avadhāraya ||
harāmi vīryād duḥkhaṃ te tamaḥ sūrya ivoditaḥ | devī paśyatu me vīryaṃ rāghavaś caiva paśyatu ||
Когда Каусалья, мать Рамы, так рыдала, опечаленный Лакшмана сказал слова, соответствующие тому часу: «О благородная, и мне не по душе, что Рагхава, оставив царскую славу, должен идти в лес, подчинившись слову женщины. Что только не скажет старый царь, сбившийся с пути, побеждённый чувственными желаниями и подстрекаемый страстью? Я не вижу у Рамы ни проступка, ни такой вины, за которую его нужно изгнать из царства на лесное житьё. Я не вижу в мире человека, даже врага или отвергнутого, кто заочно назвал бы его порок. Кто, помня дхарму, без причины отвергнет сына, подобного богу, прямого, самообузданного и милостивого даже к врагам? Какой сын, помня царский долг, примет к сердцу это слово царя, снова впавшего в ребячество? Пока никто не знает об этом деле, утверди власть за собой вместе со мной. Когда я стою рядом с луком и охраняю тебя, кто способен превзойти меня, стоящего словно сама Смерть? Если Айодхья станет против тебя, о лучший из людей, я сделаю её безлюдной острыми стрелами. Всех сторонников Бхараты и всех, кто желает ему блага, я поражу, ведь мягкого попирают. Если ты и я вступим в непревзойдённую борьбу, кто сможет передать царскую славу Бхарате, о карающий врагов? О царица, я сердцем предан брату; клянусь перед тобой истиной, луком, дарами и жертвами: если Рама войдёт в огонь или в лес, считай, что я войду туда прежде него. Я своей силой унесу твоё горе, как взошедшее солнце уносит тьму. Пусть царица увидит мою доблесть, и Рагхава пусть увидит».
8003d69200c6 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Лакшмана говорит языком кшатрийской защиты: для него несправедливость должна быть остановлена силой. Его гнев рождается не из честолюбия, а из любви к Раме и невозможности принять унижение дхармы.