ततः शूर्पणखा दीना रावणं लोकरावणम् । अमात्यमध्ये संक्रुद्धा परुषं वाक्यम् अब्रवीत् ॥
प्रमत्तः कामभोगेषु स्वैरवृत्तो निरङ्कुशः । समुत्पन्नं भयं घोरं बोद्धव्यं नावबुध्यसे ॥
सक्तं ग्राम्येषु भोगेषु कामवृत्तं महीपतिम् । लुब्धं न बहु मन्यन्ते श्मशानाग्निम् इव प्रजाः ॥
स्वयं कार्याणि यः काले नानुतिष्ठति पार्थिवः । स तु वै सह राज्येन तैश् च कार्यैर् विनश्यति ॥
अयुक्तचारं दुर्दर्शम् अस्वाधीनं नराधिपम् । वर्जयन्ति नरा दूरान् नदीपङ्कम् इव द्विपाः ॥
ये न रक्षन्ति विषयम् अस्वाधीना नराधिपः । ते न वृद्ध्या प्रकाशन्ते गिरयः सागरे यथा ॥
आत्मवद्भिर् विगृह्य त्वं देवगन्धर्वदानवैः । अयुक्तचारश् चपलः कथं राजा भविष्यसि ॥
येषां चारश् च कोशश् च नयश् च जयतां वर । अस्वाधीना नरेन्द्राणां प्राकृतैस् ते जनैः समाः ॥
यस्मात् पश्यन्ति दूरस्थान् सर्वान् अर्थान् नराधिपाः । चारेण तस्माद् उच्यन्ते राजानो दीर्घचक्षुषः ॥
अयुक्तचारं मन्ये त्वां प्राकृतैः सचिवैर् वृतम् । स्वजनं च जनस्थानं हतं यो नावबुध्यसे ॥
tataḥ śūrpaṇakhā dīnā rāvaṇaṃ lokarāvaṇam | amātyamadhye saṃkruddhā paruṣaṃ vākyam abravīt ||
pramattaḥ kāmabhogeṣu svairavṛtto niraṅkuśaḥ | samutpannaṃ bhayaṃ ghoraṃ boddhavyaṃ nāvabudhyase ||
saktaṃ grāmyeṣu bhogeṣu kāmavṛttaṃ mahīpatim | lubdhaṃ na bahu manyante śmaśānāgnim iva prajāḥ ||
svayaṃ kāryāṇi yaḥ kāle nānutiṣṭhati pārthivaḥ | sa tu vai saha rājyena taiś ca kāryair vinaśyati ||
ayuktacāraṃ durdarśam asvādhīnaṃ narādhipam | varjayanti narā dūrān nadīpaṅkam iva dvipāḥ ||
ye na rakṣanti viṣayam asvādhīnā narādhipaḥ | te na vṛddhyā prakāśante girayaḥ sāgare yathā ||
ātmavadbhir vigṛhya tvaṃ devagandharvadānavaiḥ | ayuktacāraś capalaḥ kathaṃ rājā bhaviṣyasi ||
yeṣāṃ cāraś ca kośaś ca nayaś ca jayatāṃ vara | asvādhīnā narendrāṇāṃ prākṛtais te janaiḥ samāḥ ||
yasmāt paśyanti dūrasthān sarvān arthān narādhipāḥ | cāreṇa tasmād ucyante rājāno dīrghacakṣuṣaḥ ||
ayuktacāraṃ manye tvāṃ prākṛtaiḥ sacivair vṛtam | svajanaṃ ca janasthānaṃ hataṃ yo nāvabudhyase ||
Тогда жалкая Шурпанакха, разгневанная, среди министров сказала Раване, устрашающему мир, резкие слова: «Ты беспечен в наслаждениях желания, своеволен и ничем не сдержан; страшную опасность, которую должен был понять, ты не понимаешь. Подданные не ценят жадного царя, привязанного к грубым наслаждениям и движимого похотью, как не ценят огонь на кладбище. Царь, который сам вовремя не исполняет необходимые дела, погибает вместе с царством и с этими несделанными делами. Люди издалека обходят владыку, у которого нет надёжной разведки, который труднодоступен и не владеет собой, как слоны обходят речную грязь. Несамостоятельные цари, не охраняющие свою область, не прославляются ростом, как горы, погружённые в океан. Ты вступил в вражду с теми, кто владеет собой, с богами, гандхарвами и данавами; как же ты будешь царём, если ты непостоянен и не имеешь должной разведки? О лучший победителей, цари, у которых разведка, казна и политика не подчинены им, равны простым людям. Поскольку владыки людей через разведку видят все дела даже издалека, царей называют дальнозоркими. Я считаю тебя царём без должной разведки, окружённым простыми советниками: ведь ты не знаешь, что твои люди и вся Джанастхана уничтожены».
1e497ddc1887 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Шурпанакха говорит языком царской политики: власть без бдительности, самоконтроля и верной разведки становится пустой оболочкой. В её упрёке есть правда, хотя мотив рождается из обиды: Равана действительно силён внешне, но внутренне уже ослаблен похотью, гордостью и неведением.