सीताया वचनं श्रुत्वा दशग्रीवः प्रतापवान् । हस्ते हस्तं समाहत्य चकार सुमहद् वपुः ॥
स मैथिलीं पुनर् वाक्यं बभाषे च ततो भृशम् । नोन्मत्तया श्रुतौ मन्ये मम वीर्यपराक्रमौ ॥
उद्वहेयं भुजाभ्यां तु मेदिनीम् अम्बरे स्थितः । आपिबेयं समुद्रं च मृत्युं हन्यां रणे स्थितः ॥
अर्कं रुन्ध्यां शरैस् तीक्ष्णैर् विभिन्द्यां हि महीतलम् । कामरूपिणम् उन्मत्ते पश्य मां कामदं पतिम् ॥
एवम् उक्तवतस् तस्य रावणस्य शिखिप्रभे । क्रुद्धस्य हरिपर्यन्ते रक्ते नेत्रे बभूवतुः ॥
सद्यः सौम्यं परित्यज्य भिक्षुरूपं स रावणः । स्वं रूपं कालरूपाभं भेजे वैश्रवणानुजः ॥
संरक्तनयनः श्रीमांस् तप्तकाञ्चनकुण्डलः । दशास्यः कार्मुकी बाणी बभूव क्षणदाचरः ॥
स परिव्राजकच्छद्म महाकायो विहाय तत् । प्रतिपेदे स्वकं रूपं रावणो राक्षसाधिपः ॥
संरक्तनयनः क्रोधाज् जीमूतनिचयप्रभः । रक्ताम्बरधरस् तस्थौ स्त्रीरत्नं प्रेक्ष्य मैथिलीम् ॥
स ताम् असितकेशान्तां भास्करस्य प्रभाम् इव । वसनाभरणोपेतां मैथिलीं रावणो ऽब्रवीत् ॥
त्रिषु लोकेषु विख्यातं यदि भर्तारम् इच्छसि । माम् आश्रय वरारोहे तवाहं सदृशः पतिः ॥
मां भजस्व चिराय त्वम् अहं श्लाघ्यस् तव प्रियः । नैव चाहं क्व चिद् भद्रे करिष्ये तव विप्रियम् । त्यज्यतां मानुषो भावो मयि भावः प्रणीयताम् ॥
राज्याच् च्युतम् असिद्धार्थं रामं परिमितायुषम् । कैर् गुणैर् अनुरक्तासि मूढे पण्डितमानिनि ॥
यः स्त्रिया वचनाद् राज्यं विहाय ससुहृज्जनम् । अस्मिन् व्यालानुचरिते वने वसति दुर्मतिः ॥
sītāyā vacanaṃ śrutvā daśagrīvaḥ pratāpavān | haste hastaṃ samāhatya cakāra sumahad vapuḥ ||
sa maithilīṃ punar vākyaṃ babhāṣe ca tato bhṛśam | nonmattayā śrutau manye mama vīryaparākramau ||
udvaheyaṃ bhujābhyāṃ tu medinīm ambare sthitaḥ | āpibeyaṃ samudraṃ ca mṛtyuṃ hanyāṃ raṇe sthitaḥ ||
arkaṃ rundhyāṃ śarais tīkṣṇair vibhindyāṃ hi mahītalam | kāmarūpiṇam unmatte paśya māṃ kāmadaṃ patim ||
evam uktavatas tasya rāvaṇasya śikhiprabhe | kruddhasya hariparyante rakte netre babhūvatuḥ ||
sadyaḥ saumyaṃ parityajya bhikṣurūpaṃ sa rāvaṇaḥ | svaṃ rūpaṃ kālarūpābhaṃ bheje vaiśravaṇānujaḥ ||
saṃraktanayanaḥ śrīmāṃs taptakāñcanakuṇḍalaḥ | daśāsyaḥ kārmukī bāṇī babhūva kṣaṇadācaraḥ ||
sa parivrājakacchadma mahākāyo vihāya tat | pratipede svakaṃ rūpaṃ rāvaṇo rākṣasādhipaḥ ||
saṃraktanayanaḥ krodhāj jīmūtanicayaprabhaḥ | raktāmbaradharas tasthau strīratnaṃ prekṣya maithilīm ||
sa tām asitakeśāntāṃ bhāskarasya prabhām iva | vasanābharaṇopetāṃ maithilīṃ rāvaṇo 'bravīt ||
triṣu lokeṣu vikhyātaṃ yadi bhartāram icchasi | mām āśraya varārohe tavāhaṃ sadṛśaḥ patiḥ ||
māṃ bhajasva cirāya tvam ahaṃ ślāghyas tava priyaḥ | naiva cāhaṃ kva cid bhadre kariṣye tava vipriyam | tyajyatāṃ mānuṣo bhāvo mayi bhāvaḥ praṇīyatām ||
rājyāc cyutam asiddhārthaṃ rāmaṃ parimitāyuṣam | kair guṇair anuraktāsi mūḍhe paṇḍitamānini ||
yaḥ striyā vacanād rājyaṃ vihāya sasuhṛjjanam | asmin vyālānucarite vane vasati durmatiḥ ||
Услышав слова Ситы, могущественный Десятиглавый ударил рукой о руку и сделал своё тело огромным. Затем он снова резко сказал Майтили: «Думаю, ты не в безумии слышала о моей силе и доблести. Стоя в небе, я мог бы поднять землю двумя руками; я мог бы выпить океан и убить саму смерть, стоя в бою. Острыми стрелами я мог бы закрыть солнце и рассечь землю. Смотри же на меня, способного принимать любой облик, о безумная, на мужа, исполняющего желания». Когда Равана говорил так, его разгневанные глаза, с жёлтыми краями, стали красными. Сразу оставив мягкий облик нищего, младший брат Вайшраваны принял свой собственный облик, подобный времени-смерти. Ночной странник стал красноглазым, блистательным, с серьгами из раскалённого золота, десятиликим, с луком и стрелами. Огромнотелый Равана, владыка ракшасов, сбросил маску странника и принял собственный вид. Красноглазый от гнева, подобный скоплению туч, в красной одежде, он стоял и смотрел на Майтили, драгоценность среди женщин. Тогда Равана сказал Майтили, чьи волосы были черны на концах, кто сияла как свет солнца и была украшена одеждами и украшениями: «Если ты хочешь мужа, известного в трёх мирах, прими меня, прекраснобёдрая: я подходящий тебе муж. Будь со мной надолго; я буду достойным похвалы и любимым тобою. Благородная, я никогда не сделаю тебе ничего неприятного. Оставь человеческую привязанность, пусть твоё чувство будет направлено ко мне. Какими качествами ты привязана к Раме — лишённому царства, не достигшему цели и с ограниченной жизнью, глупая, считающая себя мудрой? Он по слову женщины оставил царство вместе с друзьями и живёт в этом лесу, где ходят змеи, этот дурноумный».
f41c71d52f85 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Равана окончательно раскрывает природу своего желания: он требует, чтобы Сита перенесла любовь с Рамы на него. Но любовь к Раме не является обычной человеческой привязанностью, которую можно заменить властью, угрозой или обещанием наслаждений.