इत्य् उक्तस्य यथान्यायं रावणस्य जटायुषा । क्रुद्धस्याग्निनिभाः सर्वा रेजुर् विंशतिदृष्टयः ॥
संरक्तनयनः कोपात् तप्तकाञ्चनकुण्डलः । राक्षसेन्द्रो ऽभिदुद्राव पतगेन्द्रम् अमर्षणः ॥
स संप्रहारस् तुमुलस् तयोस् तस्मिन् महावने । बभूव वातोद्धतयोर् मेघयोर् गगने यथा ॥
तद् बभूवाद्भुतं युद्धं गृध्रराक्षसयोस् तदा । सपक्षयोर् माल्यवतोर् महापर्वतयोर् इव ॥
ततो नालीकनाराचैस् तीक्ष्णाग्रैश् च विकर्णिभिः । अभ्यवर्षन् महाघोरैर् गृध्रराजं महाबलः ॥
स तानि शरजालानि गृध्रः पत्ररथेश्वरः । जटायुः प्रतिजग्राह रावणास्त्राणि संयुगे ॥
तस्य तीक्ष्णनखाभ्यां तु चरणाभ्यां महाबलः । चकार बहुधा गात्रे व्रणान् पतगसत्तमः ॥
अथ क्रोधाद् दशग्रीवो जग्राह दशमार्गणान् । मृत्युदण्डनिभान् घोराञ् शत्रुमर्दनकाङ्क्षया ॥
स तैर् बाणैर् महावीर्यः पूर्णमुक्तैर् अजिह्मगैः । बिभेद निशितैस् तीक्ष्णैर् गृध्रं घोरैः शिलीमुखैः ॥
ity uktasya yathānyāyaṃ rāvaṇasya jaṭāyuṣā | kruddhasyāgninibhāḥ sarvā rejur viṃśatidṛṣṭayaḥ ||
saṃraktanayanaḥ kopāt taptakāñcanakuṇḍalaḥ | rākṣasendro 'bhidudrāva patagendram amarṣaṇaḥ ||
sa saṃprahāras tumulas tayos tasmin mahāvane | babhūva vātoddhatayor meghayor gagane yathā ||
tad babhūvādbhutaṃ yuddhaṃ gṛdhrarākṣasayos tadā | sapakṣayor mālyavator mahāparvatayor iva ||
tato nālīkanārācais tīkṣṇāgraiś ca vikarṇibhiḥ | abhyavarṣan mahāghorair gṛdhrarājaṃ mahābalaḥ ||
sa tāni śarajālāni gṛdhraḥ patraratheśvaraḥ | jaṭāyuḥ pratijagrāha rāvaṇāstrāṇi saṃyuge ||
tasya tīkṣṇanakhābhyāṃ tu caraṇābhyāṃ mahābalaḥ | cakāra bahudhā gātre vraṇān patagasattamaḥ ||
atha krodhād daśagrīvo jagrāha daśamārgaṇān | mṛtyudaṇḍanibhān ghorāñ śatrumardanakāṅkṣayā ||
sa tair bāṇair mahāvīryaḥ pūrṇamuktair ajihmagaiḥ | bibheda niśitais tīkṣṇair gṛdhraṃ ghoraiḥ śilīmukhaiḥ ||
Когда Джатаю справедливо сказал это Раване, все двадцать огнеподобных глаз разгневанного Раваны засияли. С покрасневшими от гнева глазами, в серьгах из раскалённого золота, нетерпеливый владыка ракшасов бросился на царя птиц. Их бурное столкновение в великом лесу стало подобно столкновению двух туч, поднятых ветром в небе. Тогда возник удивительный бой грифа и ракшаса, словно бой двух великих крылатых гор, увенчанных венцами. Затем великосильный Равана осыпал царя грифов очень страшными стрелами — наликами, нарачами, остроконечными и викарни. Но Джатаю, гриф и владыка крылатых, принял в бою эти сети стрел и оружия Раваны. Великосильный лучший из птиц своими двумя ногами с острыми когтями нанёс множество ран на его теле. Тогда Десятиглавый в гневе взял десять страшных стрел, подобных жезлам смерти, желая сокрушить врага. Великодоблестный Равана пронзил грифа этими прямолетящими, полностью выпущенными, острыми и отточенными железноголовыми стрелами.
aaed3d8400ed · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Бой начинается как столкновение двух сил, но их природа различна: Равана атакует из гнева и оскорблённой гордости, Джатаю принимает удар ради защиты Ситы и правды Рамы.