अथावां युगपत् प्राप्ताव् अपश्याव महीतले । रथचक्रप्रमाणानि नगराणि पृथक् पृथक् ॥
क्व चिद् वादित्रघोषांश् च ब्रह्मघोषांश् च शुश्रुव । गायन्तीश् चाङ्गना बह्वीः पश्यावो रक्तवाससः ॥
तूर्णम् उत्पत्य चाकाशम् आदित्यपथम् आस्थितौ । आवाम् आलोकयावस् तद् वनं शाद्वलसंस्थितम् ॥
उपलैर् इव संछन्ना दृश्यते भूः शिलोच्चयैः । आपगाभिश् च संवीता सूत्रैर् इव वसुंधरा ॥
हिमवांश् चैव विन्ध्यश् च मेरुश् च सुमहान् नगः । भूतले संप्रकाशन्ते नागा इव जलाशये ॥
तीव्रस्वेदश् च खेदश् च भयं चासीत् तदावयोः । समाविशत मोहश् च मोहान् मूर्छा च दारुणा ॥
न दिग् विज्ञायते याम्या नागेन्या न च वारुणी । युगान्ते नियतो लोको हतो दग्ध इवाग्निना ॥
यत्नेन महता भूयो रविः समवलोकितः । तुल्यः पृथ्वीप्रमाणेन भास्करः प्रतिभाति नौ ॥
athāvāṃ yugapat prāptāv apaśyāva mahītale | rathacakrapramāṇāni nagarāṇi pṛthak pṛthak ||
kva cid vāditraghoṣāṃś ca brahmaghoṣāṃś ca śuśruva | gāyantīś cāṅganā bahvīḥ paśyāvo raktavāsasaḥ ||
tūrṇam utpatya cākāśam ādityapatham āsthitau | āvām ālokayāvas tad vanaṃ śādvalasaṃsthitam ||
upalair iva saṃchannā dṛśyate bhūḥ śiloccayaiḥ | āpagābhiś ca saṃvītā sūtrair iva vasuṃdharā ||
himavāṃś caiva vindhyaś ca meruś ca sumahān nagaḥ | bhūtale saṃprakāśante nāgā iva jalāśaye ||
tīvrasvedaś ca khedaś ca bhayaṃ cāsīt tadāvayoḥ | samāviśata mohaś ca mohān mūrchā ca dāruṇā ||
na dig vijñāyate yāmyā nāgenyā na ca vāruṇī | yugānte niyato loko hato dagdha ivāgninā ||
yatnena mahatā bhūyo raviḥ samavalokitaḥ | tulyaḥ pṛthvīpramāṇena bhāskaraḥ pratibhāti nau ||
«Затем мы оба одновременно поднялись и увидели на земле города, каждый размером словно с колесо колесницы. Где-то мы слышали звуки инструментов и брахманские возгласы; видели многих женщин в красных одеждах, которые пели. Быстро взлетев в небо, мы вступили на путь солнца и смотрели на леса, лежавшие на травяных лужайках. Земля казалась покрытой скоплениями скал, словно камнями, и обвитой реками, словно нитями. Химавант, Виндхья и великая гора Меру сияли на земле, как слоны в водоёме. Тогда нас охватили сильный пот, усталость и страх; вошло помрачение, а из помрачения — страшный обморок. Мы уже не различали ни южной стороны, ни огненной, ни западной. Мир казался поражённым и сожжённым огнём, словно в конце юги. С великим усилием мы снова посмотрели на солнце, и светило показалось нам равным по размеру земле».
ded01798deeb · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Подъём к солнцу превращает мир в видение: города становятся малы, горы сияют как слоны, стороны света исчезают. Гордое состязание приводит к потере ориентации.