स वेश्मजालं बलवान् ददर्श; व्यासक्तवैदूर्यसुवर्णजालम् । यथा महत् प्रावृषि मेघजालं; विद्युत्पिनद्धं सविहंगजालम् ॥
निवेशनानां विविधाश् च शालाः; प्रधानशङ्खायुधचापशालाः । मनोहराश् चापि पुनर् विशाला; ददर्श वेश्माद्रिषु चन्द्रशालाः ॥
गृहाणि नानावसुराजितानि; देवासुरैश् चापि सुपूजितानि । सर्वैश् च दोषैः परिवर्जितानि; कपिर् ददर्श स्वबलार्जितानि ॥
तानि प्रयत्नाभिसमाहितानि; मयेन साक्षाद् इव निर्मितानि । महीतले सर्वगुणोत्तराणि; ददर्श लङ्काधिपतेर् गृहाणि ॥
ततो ददर्शोच्छ्रितमेघरूपं; मनोहरं काञ्चनचारुरूपम् । रक्षोऽधिपस्यात्मबलानुरूपं; गृहोत्तमं ह्य् अप्रतिरूपरूपम् ॥
महीतले स्वर्गम् इव प्रकीर्णं; श्रिया ज्वलन्तं बहुरत्नकीर्णम् । नानातरूणां कुसुमावकीर्णं; गिरेर् इवाग्रं रजसावकीर्णम् ॥
नारीप्रवेकैर् इव दीप्यमानं; तडिद्भिर् अम्भोदवद् अर्च्यमानम् । हंसप्रवेकैर् इव वाह्यमानं; श्रिया युतं खे सुकृतां विमानम् ॥
यथा नगाग्रं बहुधातुचित्रं; यथा नभश् च ग्रहचन्द्रचित्रम् । ददर्श युक्तीकृतमेघचित्रं; विमानरत्नं बहुरत्नचित्रम् ॥
मही कृता पर्वतराजिपूर्णा; शैलाः कृता वृक्षवितानपूर्णाः । वृक्षाः कृताः पुष्पवितानपूर्णाः; पुष्पं कृतं केसरपत्रपूर्णम् ॥
कृतानि वेश्मानि च पाण्डुराणि; तथा सुपुष्पा अपि पुष्करिण्यः । पुनश् च पद्मानि सकेसराणि; धन्यानि चित्राणि तथा वनानि ॥
पुष्पाह्वयं नाम विराजमानं; रत्नप्रभाभिश् च विवर्धमानम् । वेश्मोत्तमानाम् अपि चोच्चमानं; महाकपिस् तत्र महाविमानम् ॥
sa veśmajālaṃ balavān dadarśa; vyāsaktavaidūryasuvarṇajālam | yathā mahat prāvṛṣi meghajālaṃ; vidyutpinaddhaṃ savihaṃgajālam ||
niveśanānāṃ vividhāś ca śālāḥ; pradhānaśaṅkhāyudhacāpaśālāḥ | manoharāś cāpi punar viśālā; dadarśa veśmādriṣu candraśālāḥ ||
gṛhāṇi nānāvasurājitāni; devāsuraiś cāpi supūjitāni | sarvaiś ca doṣaiḥ parivarjitāni; kapir dadarśa svabalārjitāni ||
tāni prayatnābhisamāhitāni; mayena sākṣād iva nirmitāni | mahītale sarvaguṇottarāṇi; dadarśa laṅkādhipater gṛhāṇi ||
tato dadarśocchritamegharūpaṃ; manoharaṃ kāñcanacārurūpam | rakṣo'dhipasyātmabalānurūpaṃ; gṛhottamaṃ hy apratirūparūpam ||
mahītale svargam iva prakīrṇaṃ; śriyā jvalantaṃ bahuratnakīrṇam | nānātarūṇāṃ kusumāvakīrṇaṃ; girer ivāgraṃ rajasāvakīrṇam ||
nārīpravekair iva dīpyamānaṃ; taḍidbhir ambhodavad arcyamānam | haṃsapravekair iva vāhyamānaṃ; śriyā yutaṃ khe sukṛtāṃ vimānam ||
yathā nagāgraṃ bahudhātucitraṃ; yathā nabhaś ca grahacandracitram | dadarśa yuktīkṛtameghacitraṃ; vimānaratnaṃ bahuratnacitram ||
mahī kṛtā parvatarājipūrṇā; śailāḥ kṛtā vṛkṣavitānapūrṇāḥ | vṛkṣāḥ kṛtāḥ puṣpavitānapūrṇāḥ; puṣpaṃ kṛtaṃ kesarapatrapūrṇam ||
kṛtāni veśmāni ca pāṇḍurāṇi; tathā supuṣpā api puṣkariṇyaḥ | punaś ca padmāni sakesarāṇi; dhanyāni citrāṇi tathā vanāni ||
puṣpāhvayaṃ nāma virājamānaṃ; ratnaprabhābhiś ca vivardhamānam | veśmottamānām api coccamānaṃ; mahākapis tatra mahāvimānam ||
Сильный Хануман увидел сеть домов с переплетённой сетью вайдурьи и золота, подобную огромной дождевой сети облаков, связанных молнией и наполненных птицами. Он увидел разные залы жилищ: главные залы раковин, оружия и луков, привлекательные и просторные лунные террасы на горах-домах. Обезьяна видел дома владыки Ланки, украшенные разными богатствами, почитаемые богами и асурами, свободные от всех недостатков и добытые собственной силой. Они были тщательно устроены усилием, словно созданы самим Майей, и на земле превосходили все качества. Затем он увидел лучший дом владыки ракшасов: подобный поднявшейся туче, очаровательный, прекрасной золотой формы, соответствующий силе своего хозяина и несравненный. Он был как небо, рассыпанное по земле, сиял красотой, был усыпан множеством драгоценностей и цветами разных деревьев, словно вершина горы, покрытая пыльцой. Он сиял как облако с молниями, как бы освящённый лучшими женщинами, словно несомый лучшими лебедями, полный красоты — небесная вимана добродетельных. Как горная вершина пестрит многими минералами и как небо пестрит планетами и луной, так он увидел драгоценность виман, пёструю облаками и множеством драгоценностей. Там была сделана земля, полная горных рядов; горы — полные покровов деревьев; деревья — полные цветочных покровов; цветы — полные тычинок и лепестков. Были сделаны белые дома, хорошо цветущие лотосовые пруды, лотосы с тычинками, прекрасные пёстрые леса. Великий обезьяна увидел там великую виману по имени Пушпака, сияющую, возрастающую блеском драгоценностей и превосходящую высотой даже лучшие дома.
fe448a99cef0 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Пушпака показана как искусственный мир внутри мира: земля, горы, деревья, цветы и небо воспроизведены в драгоценной форме. Но для Ханумана это не чудо ради чуда, а ещё одно место, где может скрываться Сита.