चुकोप बाणाभिहतो राक्षसस्य महाकपिः । ततः पार्श्वे ऽतिविपुलां ददर्श महतीं शिलाम् ॥
तरसा तां समुत्पाट्य चिक्षेप बलवद् बली । तां शरैर् दशभिः क्रुद्धस् ताडयाम् आस राक्षसः ॥
विपन्नं कर्म तद् दृष्ट्वा हनूमांश् चण्डविक्रमः । सालं विपुलम् उत्पाट्य भ्रामयाम् आस वीर्यवान् ॥
भ्रामयन्तं कपिं दृष्ट्वा सालवृक्षं महाबलम् । चिक्षेप सुबहून् बाणाञ् जम्बुमाली महाबलः ॥
सालं चतुर्भिर् चिच्छेद वानरं पञ्चभिर् भुजे । उरस्य् एकेन बाणेन दशभिस् तु स्तनान्तरे ॥
स शरैः पूरिततनुः क्रोधेन महता वृतः । तम् एव परिघं गृह्य भ्रामयाम् आस वेगितः ॥
अतिवेगो ऽतिवेगेन भ्रामयित्वा बलोत्कटः । परिघं पातयाम् आस जम्बुमालेर् महोरसि ॥
तस्य चैव शिरो नास्ति न बाहू न च जानुनी । न धनुर् न रथो नाश्वास् तत्रादृश्यन्त नेषवः ॥
स हतस् तरसा तेन जम्बुमाली महारथः । पपात निहतो भूमौ चूर्णिताङ्गविभूषणः ॥
जम्बुमालिं च निहतं किंकरांश् च महाबलान् । चुक्रोध रावणः श्रुत्वा कोपसंरक्तलोचनः ॥
स रोषसंवर्तितताम्रलोचनः; प्रहस्तपुत्रे निहते महाबले । अमात्यपुत्रान् अतिवीर्यविक्रमान्; समादिदेशाशु निशाचरेश्वरः ॥
cukopa bāṇābhihato rākṣasasya mahākapiḥ | tataḥ pārśve 'tivipulāṃ dadarśa mahatīṃ śilām ||
tarasā tāṃ samutpāṭya cikṣepa balavad balī | tāṃ śarair daśabhiḥ kruddhas tāḍayām āsa rākṣasaḥ ||
vipannaṃ karma tad dṛṣṭvā hanūmāṃś caṇḍavikramaḥ | sālaṃ vipulam utpāṭya bhrāmayām āsa vīryavān ||
bhrāmayantaṃ kapiṃ dṛṣṭvā sālavṛkṣaṃ mahābalam | cikṣepa subahūn bāṇāñ jambumālī mahābalaḥ ||
sālaṃ caturbhir ciccheda vānaraṃ pañcabhir bhuje | urasy ekena bāṇena daśabhis tu stanāntare ||
sa śaraiḥ pūritatanuḥ krodhena mahatā vṛtaḥ | tam eva parighaṃ gṛhya bhrāmayām āsa vegitaḥ ||
ativego 'tivegena bhrāmayitvā balotkaṭaḥ | parighaṃ pātayām āsa jambumāler mahorasi ||
tasya caiva śiro nāsti na bāhū na ca jānunī | na dhanur na ratho nāśvās tatrādṛśyanta neṣavaḥ ||
sa hatas tarasā tena jambumālī mahārathaḥ | papāta nihato bhūmau cūrṇitāṅgavibhūṣaṇaḥ ||
jambumāliṃ ca nihataṃ kiṃkarāṃś ca mahābalān | cukrodha rāvaṇaḥ śrutvā kopasaṃraktalocanaḥ ||
sa roṣasaṃvartitatāmralocanaḥ; prahastaputre nihate mahābale | amātyaputrān ativīryavikramān; samādideśāśu niśācareśvaraḥ ||
Поражённый стрелами ракшаса, великий капи разгневался. Затем он увидел сбоку огромную скалу, с силой вырвал её и мощно бросил. Но разгневанный ракшас ударил её десятью стрелами. Увидев, что этот удар не достиг цели, свиреподоблестный Хануман вырвал огромное дерево сала и стал вращать его. Великосильный Джамбумали увидел капи, вращающего могучее дерево, и выпустил множество стрел. Четырьмя он рассёк дерево сала, пятью ранил ванару в руку, одной стрелой — в грудь, а десятью — между грудей. Тогда Хануман, чьё тело было наполнено стрелами, охваченный великим гневом, схватил ту самую дубину и стремительно стал вращать её. Сверхбыстрый и яростный силой, раскрутив дубину с предельной скоростью, он обрушил её на широкую грудь Джамбумали. У того не стало ни головы, ни рук, ни коленей; не было видно ни лука, ни колесницы, ни коней, ни стрел. Убитый силой Ханумана, великий колесничий Джамбумали пал на землю с раздробленными членами и украшениями. Услышав, что Джамбумали убит, как и великосильные кинкара, Равана разгневался, и глаза его покраснели от ярости. Когда великосильный сын Прахасты был убит, владыка ночных странников, с медными глазами, свёрнутыми гневом, быстро приказал выступить сверхдоблестным сыновьям министров.
84c8c44a5d6b · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Сила Ханумана раскрывается всё больше: оружие врага лишь разжигает его решимость. Победа над Джамбумали вынуждает Равану поднимать следующий, более высокий слой военной силы Ланки.